YAKUB 5:9 - BALA LUK DO'

⁹ O kinanak-kinanakku, aleg muyuh medureng rat arang muyuh sebuleng, pad muyuh na mekaneh ukum Allah. Siruh, Lun luk Mutut Besara' ineh tuped munung tanga'.

YAKUB 5:9 Iomraidhean Croise

PUDUT 4:7

Kudeng iko nganau' luk do', naké iko merimud? Idi kudeng iko na nganau' luk do', idi sala' ineh ngabang munung tanga' niatmu. Idi sala' ineh sikal ngimet namu, iamo' do' iko metueh rat neneh.”

NANI UBUR 59:15

Ideh nalan-nalan nakap luk kenen, idi ideh medureng kudengna petap luk lapendeh.

YEHISKIEL 7:12

Tarekneh malé macing. Aco ineh muneng. Melih idi masui pana' na ilungneh, ngaceku useh Allah miak macing luun amung-amung lemulun.

UKUM 19:18

Aleg iko ngua' luk dat idi tekedamut inan pupumu. Iamo' do' iko méi' nelun denganmu mepad kudeng bururmu sebuleng. Ui ini Tuhan.

MATIUS 24:33

Kudeng ineh teh muyuh ini, kareb muyuh nier amung-amung ineh, do' muyuh kali' karebneh pangeh muneng, munung tanga' peh.

MARKUS 13:29

Kudeng ineh teh muyuh ini, kareb muyuh nier amung-amung ineh mangun, do' muyuh kali' karebneh pangeh muneng idi malé macing.

MARKUS 6:19

Idi Herodia mét niat ni Yahya sikal ngaté neneh, iamo' na miak ngaceku Herodés.

1 KORINTUS 10:11

Amung ini mangun kuandeh mangun ku luk pinginud kuan lun baken, idi amung ini pangeh inayud mangun ku bada' kuan tau. Ngaceku tau mulun kareb malé kekipedneh.

1 KORINTUS 4:5

Ngaceku ineh aleg muyuh ngukum idé-idé pana' kareb nateh karebneh, ieh ineh kareb nateh Tuhan macing. Ieh miak ngegala' anun-anun luk inapung bang dacem, idi Ieh ngelio amung-amung pinian niat lemulun. Anid-anid burur miak ngalap ubur ratnan Allah.

2 KORINTUS 9:7

Nima' anid-anid burur maré maya' katu niatneh, aleg dengan dat niat idi mesaad. Ngaceku Allah mawa inan lemulun luk maré dengan mawang niat.

GALATIA 5:14

Ngaceku amung-amung Ukum ineh pangeh pimung dengan sebuleng bala, ieh ineh, “Do' iko mawa kuan lun denganmu mepad kudeng bururmu sebuleng.”

GALATIA 5:26

Aleg tau ngedita' burur tau sebuleng, pad tau maré ét niat seburur dengan seburur, idi temaruh seburur dengan seburur.

YAKUB 4:11

O kinanak-kinanakku, aleg seburur ngedat lemulun. Lemulun luk ngedat kinanakneh idi ngesala' kinanakneh, ieh luk ngedat Ukum idi ngesala' Ukum ineh teh. Iamo' kudeng iko ngesala' Ukum ineh, na iko lemulun luk maya' Ukum ineh, iamo' mangun ku luk mutut neneh.

YAKUB 4:12

Idi inan Sebuleng mo' luk maré ukum idi luk mangun ku lun luk mutut besara', ieh ineh Allah luk melalud ngulun idi ngaté, iamo' idéké iko ini luk ngesala' lun denganmu?

YAKUB 5:10

O kinanak-kinanakku, do' ngerawé dalan susa' idi ulai niat amung-amung nabi luk pangeh nepebala dengan ngadan Tuhan.

YAKUB 5:7

Ngaceku ineh, O kinanak-kinanakku, do' muyuh mulai niat pad kareb Aco Tuhan ineh macing. Siruh, lemulun luk bang lati' nganét bua' luk do' remuat ratnan tana' dengan mulai niat, pad macing udan luk pun-pun idi luk muci.

1 PETRUS 4:5

Iamo' ideh na miak na maré or kuan Allah luk temina' sikal ngukum lemulun luk mulun idi luk naté.

1 PETRUS 4:9

Do' muyuh ngasa' seburur dengan luk baken dengan na dureng-dureng.

BALA LUK LINIO 3:20

Siruh, Ui tuped munung tanga' idi nateg; kudeng idé luk ninger balaKu idi ngukab tanga', idi Ui miak semuet bang neneh, idi kuman denganneh, pad ieh pana' denganKu.