YAKUB 5:5 - BALA LUK DO'

⁵ Muyuh pangeh mulun luun tana' ini dengan nakap binaweh luk meraga; muyuh pangeh nengawang niat muyuh; idi muyuh pangeh nengelamu burur muyuh mepad kudeng dumba luk miak kereten.

YAKUB 5:5 Iomraidhean Croise

NANI UBUR 17:14

ieh ineh lemulun luk ngalap luk piandeh bang tana' ini. Ngukum nedeh dengan dereh luk dinugMu kuandeh. Do' anak-anakdeh idi mupundeh ngalap petap dereh teh!

NANI UBUR 73:7

Niatdeh ngeruat luk dat, idi terawédeh pana' mepanu' ku luk dat.

BALE' 17:1

Meluun do' kuman ruti luk dat dengan mawang niat ratnan amé' ku irau bang ruma' luk mepanu' ku kedaluh.

BALE' 7:14

“Ui nemaré baréku aco sini, idi inan teh uang ratnan baré ineh.

LUN LUK MADA' 11:9

Do' iko mawang niat idi do' ria' kareb iko anak adi'. Nganau' luk do' sirenmu idi luk pian niatmu. Iamo' do' ngerawé Allah ngukum namu maya' kekamenmu.

YESAYA 22:13

Iamo' muyuh neriruh idi nenganau' irau. Muyuh nengeret dumba idi sapi' ku kikid muyuh, idi nengirup abpa' anggur. Kebala muyuh, “Meluun do' tau ngirup idi kuman, ngaceku nebpa tau maté.”

YESAYA 3:16

Kebala Tuhan, “Decur Yerusalim pelaba dita' niat! Ideh tungog idi ngimateh. Ideh nalan-nalan pian siren, idi karing luk luun kukuddeh ngekéng.

YESAYA 47:8

“O Babil luk mawa ku rot, do' ninger balaKu, iko luk ngerawé na inan susa', idi luk ngerawé namu mepad rayeh kudeng Allah, pad na lun baken luk mepad kudeng iko. Iko nengerawé na iko mangun ku tinula', idi na anakmu miak maté.

YESAYA 56:12

Kebala lun mabuk ini, ‘Do' tau ngalap abpa' anggur idi ngirup macing mebor! Idi nebpa meluun do' ria' tau ratnan aco sini.’ ”

YEREMIA 12:3

Iamo' Tuhan, Iko kali' negku, Iko nier kekamenku idi kali' ui mawa Namu. Do' nguit lemulun luk dat ini, mepad kudeng dumba luk kereten; matad nedeh pad macing aco luk inandeh kereten.

YEREMIA 25:34

“Do' muyuh lun rayeh ngitang. Do' muyuh temido idi siluti luun tana'. Ngaceku tarekneh pangeh nacing, muyuh miak pitayen, idi muyuh miak kereten mepad kudeng dumba deléi luk meluun do'.

YEHISKIEL 16:49

Sodom dengan anak-anakneh luk decur medita' niat ngaceku akandeh petap idi ideh do' udeng teh, iamo' na ideh méi' nelun masi' idi lun luk medereh pana'.

YEHISKIEL 39:17

Kebala Tuhan Allah negku, “O lemulun, nawar amung suit idi pung rat iapeh-iapeh amé' kuman baré luk ruenKu temina' kuandeh. Ieh ineh aceh irau luk rayeh luun pegkung Israil, su luk inandeh miak kuman lemulun idi ngirup dara'.

AMOS 6:1

Pelaba susa' kuan muyuh luk do' udeng déi' Sion, idi kuan muyuh luk mawang niat déi' Samaria — muyuh lun rayeh ratnan pupu Israil luk mebala ineh, luk inan pupu tau merapet ngalap pedengan!

LUKAS 16:19

“Inan seburur lun do'; idi ieh ngayung ku kibung luk sia' merirem idi kibung luk mesalud, idi mulun dengan do' anid-anid aco.

LUKAS 16:25

Iamo' kebala Ibrahim, ‘O anakku, do' ngerawé, iko pangeh nengalap luk do' kareb iko mulun, idi Lasarus ini nengalap dereh; iamo' nekini ieh inubuk peh, iamo' iko pidereh peh.

SURAT LUK BIRE PAULUS KUAN LUN RUM 13:13

Do' tau mulun dengan ulun luk mepiteb mepad kudeng kareb acang aco; aleg dengan marot idi mabuk, aleg dengan mesawa', idi luk melutak, aleg dengan pekedaluh idi mét niat.

1 TIMOTIUS 5:6

Iamo' decur tinula' luk nakap awang bang tana' ini mulun mepad kudeng maté.

2 TIMOTIUS 3:4

Ideh na inan merapet, sikal metueh, mesido' niat, meluun sikal ngawang niatdeh ratnan mawa inan Allah.

2 PETRUS 2:13

Ideh ngalap tabpar dereh ngaceku ideh nengedereh nelun baken. Idi rotdeh luk dat luk ngacing awang kuandeh, ruendeh kareb macang, ieh ineh anun-anun luk maya' pinian burur. Ideh mangun ku aceh luk inan migu' kareb ideh pamung kuman dengan muyuh. Idi ideh ngeraruh nemuyuh dengan salukdeh bang irau ineh.

YAHUDA 1:12

Ideh mangun ku aceh sabeng luk melutak bang irau muyuh, kareb ideh mabuk dengan na migu'. Ideh ngerawé burudeh sebuleng mo'. Ideh mepad kudeng laput pinalid ku bui; mepad kudeng lawa kayuh luk na kebua' bang kareb, luk petulu, luk dueh kua' maté, idi luk mebubput dengan uatneh;

BALA LUK LINIO 18:7

Maré dereh idi susa' neneh maya' kinula' ubur idi rayeh luk biréneh kuan bururneh sebuleng. Ngaceku ieh megéi' pebala bang niatneh: ‘Ui tudo mepad kudeng raca' decur! Baken ui tinula', Na tu-tu ui miak nangi'!’

SEMUIL LUK PUN-PUN 25:36

Idi kareb Abigail nacing ni Nabal, idi inan irau bang ruma'neh mepad kudeng irau raca'. Idi Nabal pelaba awang niat ngaceku ieh mabuk. Idi ngaceku ineh sebila' bala pana' naneh bida' Abigail neneh macing pekak kenebpa.

SEMUIL LUK PUN-PUN 25:6

Idi ieh nengecuk nedeh pebala ni Nabal “Kebala Daud, ‘Samal kuanmu, samal kuan tetek ruma'mu, idi samal kuan amung-amung luk namu.