YAKUB 5:16 - BALA LUK DO'

¹⁶ Ngaceku ineh do' anid-anid burur muyuh ngamo sala' muyuh arang muyuh sebuleng, idi sembayang seburur kuan seburur pad muyuh uen ngedo'. Idi sembayang lemulun luk matu, dengan matu-matu niatneh, rayeh laludneh.

YAKUB 5:16 Iomraidhean Croise

PUDUT 19:29

Iamo' kareb Tuhan Allah nengusag amung bawang luk luun raked ineh, idi Ieh nengerawé Ibrahim, pad Ieh nemuit ni Lut ratnan dereh ineh.

PUDUT 20:17

Allah pangeh nengitek nakan amung-amung decur bang ruma' Abimelek ngaceku ratnan Sara, awan Ibrahim ineh. Idi Ibrahim sembayang mutuh kuan Abimelek. Idi Allah nengedo' neneh dengan awanneh idi demulunneh, pad ideh inan anak teh.

PUDUT 20:7

Iamo' nekini do' iko ngelubed decur ineh kuan awanneh; ngaceku ieh seburur lun nabi. Idi ieh miak mutuh kuanmu, pad iko mulun. Iamo' kudeng iko na ngelubed neneh, do' iko ngerawé, dengan matu-matu iko maté, idi dengan amung pupumu.”

PUDUT 32:28

Kebala Lemulun ineh, “Na iko miak tetanen Yakub peh, iamo' Israil, ngaceku iko pangeh mangun kudeng aceh raca' pa kiung Allah, idi pa kiung lemulun pana', idi iko pangeh metueh.”

SEMUIL LUK KEDUEH 19:19

idi kebalaneh kuan raca', “Aleg iko ngerawé sala'ku. Idi aleg iko ngerawé luk inau'ku kareb iko remuat rat déi' Yerusalim.

RACA'-RACA' LUK PUN-PUN 13:6

Idi kebala Yerebom inan nabi ineh, “Sembayang mutuh Tuhan Allahmu méi' negku pelé ticu'ku ini miak uen ngeluut peh!” Idi nabi ineh nesembayang pa kiung Tuhan, idi langen raca' nedo'.

INUL LUK KEDUEH 30:20

Idi Tuhan nengua' sembayang Hesekia ineh, pad Ieh nemaré do' nelun mula' ineh, idi Ieh na nengesusa' nedeh.

AYUB 42:8

Do' nguit kuan Ayub tudu' sapi' deléi' idi tudu' dumba deléi' barén meteluh ku baré luk sabpen kuan burur meteluh sebuleng. Idi Ayub miak sembayang kuan meteluh, idi Ui miak ngor sembayangneh idi na Ui ngigu' nemeteluh maya' ukum luk petulu. Meteluh na nemala luk matu ratnan Ui, mepad kudeng Ayub.”

NANI UBUR 34:15

Tuhan nier lemulun luk matu, idi ninger tawardeh;

PURA' 17:11

Idi kareb Musa nengegenang langenneh, lun Israil metueh. Iamo' kareb ieh nengererep langenneh, lun Amalek metueh.

PURA' 9:33

Idi Musa neburo rat pa kiung raca', idi neremuat rat bang bawang ineh. Idi ieh nengegenang langenneh idi sembayang inan Tuhan, idi uni lalam ineh nugka', idi udan batu, idi udan pana' nato peh.

BALE' 15:29

Tuhan ninger sembayang lemulun luk do', iamo' na Ieh ninger putuh lemulun luk dat.

BALE' 15:8

Tuhan mawang niat kareb lemulun luk do' sembayang, iamo' Ieh megateh niat ku baré luk iten lemulun luk dat.

BALE' 28:9

Kudeng iko na maya' ukum, Allah megateh inan sembayangmu.

YEREMIA 15:1

Kebala Tuhan negku, “O Yeremia, sagan pana' Musa idi Semuil tuped ieni, idi mutuh rat Negku, idi Ui na miak méi' kuan pupu ini. Ngecuk nedeh buro rat pa kiungKu.

YEREMIA 33:3

“Nawar Negku, idi Ui miak ngor balamu, idi ngegala' kuanmu kekamen luk pelaba do' idi luk inan mawa luk nateh nekali'mu.

YEREMIA 42:2

Idi kebaladeh ni Nabi Yeremia, “Do' nganau' luk pituen kai namu! Do' sembayang pa kiung Tuhan Allah kuan kai. Mutuh kuan amung-amung kai luk ketecan. Atun kai mula', iamo' nekini kai pawa', mepad kudeng luk siniermu.

IAP 11:2

Idi ideh nengitang nawar ni Musa. Idi Musa nesembayang inan Tuhan. Idi apui ineh pana' milep.

MATIUS 21:22

Idi amung-amung luk pituen muyuh bang sembayang, kudeng muyuh manu, muyuh miak ngalap ineh teh.”

MATIUS 3:6

Idi ideh nengamo sala'deh, idi Yahya nengerereb nedeh bang Abpa' Yarden.

MARKUS 1:5

Kareb ineh amung uang tana' Yudia neremuat dengan amung lun Yerusalim iné' matun Yahya. Ideh nengamo sala'deh, idi Yahya nengerereb nedeh bang Abpa' Yarden.

LUKAS 9:6

Idi anak-anak sekola' ineh nenalan idi iné' bang anid-anid bawang idi nemada' Bala luk Do' idi nengedo' lemulun iapeh-iapeh pana'.

YAHYA 9:31

Tau kali' idi Allah na ninger lemulun luk mesala', iamo' lemulun luk sembayang inan Allah idi luk nganau' pinianNeh, ieh ineh mo' luk pedingerenNeh.

KEKAMEN RASUL-RASUL 10:38

Muyuh pangeh neninger ratnan Yésus lun Nasarét ineh, kudeng apeh Allah pangeh nengumau Neneh ku Roh Meligan idi lalud. Ieh nenalan iné' iapeh-iapeh idi nenganau' kekamen luk do', idi nengedo' amung-amung lemulun luk inimet Iblis; ngaceku Allah nengedengan Neneh.

KEKAMEN RASUL-RASUL 19:18

Idi mula' lun manu ineh nacing idi nengamo idi nengegala' amung-amung kekamendeh.

KEKAMEN RASUL-RASUL 8:24

Idi kebala Simun nedidueh, “Sembayang kuanku inan Tuhan, pad ui na mekaneh anun-anun luk pangeh bila medueh negku.”

SURAT LUK BIRE PAULUS KUAN LUN RUM 3:10

maya' kudeng luk inayud ini: “Idi na luk idi seburur pana' luk matu,

SURAT LUK BIRE PAULUS KUAN LUN RUM 5:19

Ngaceku mepad kudeng ratnan seburur luk na maya' bala, lemulun luk mula' mangun ku lun mesala', kudeng ineh teh ratnan Seburur Lemulun luk maya' ukum, idi lemulun luk mula' mangun ku lun matu peh.

KOLOSE 1:9

Ngaceku ineh, kareb kai neninger ratnan muyuh, kai megéi' sembayang kuan muyuh. Kai mutuh Allah pad muyuh uen manu' ku ileh ratnan pianNeh, dengan namung ileh idi do' kali' luk barén RohNeh,

1 TESALONIKA 5:17

idi sembayang dengan na melawa',

1 TESALONIKA 5:23

Idi do' Allah, luk lawa awang ineh, ngeligan nemuyuh dengan petap; idi do' roh idi ulun idi burur muyuh uen ngasa' dengan petap idi na mesala', kareb acing Tuhan tau Yésus Keristus.

1 TESALONIKA 5:25

O kinanak-kinanakku, sembayang kuan kai.

IBERANI 11:4

Ratnan anu teh, Abil nemaré kuan Allah aceh baré luk meluun do' rantan baré Kain. Idi teh ngaceku anuneh ineh Allah nengamo neneh selemulun luk matu, ngaceku Allah sebuleng mawang niat ku baréneh. Ngaceku anuneh Abil pebala-pebala teh, sagan pana' ieh pangeh naté.

IBERANI 11:7

Ratnan anu teh, Noh neninger bada' Allah ratnan luk miak mangun, sagan pana' ineh na miak sirenneh. Idi ieh nenganau' temina' aceh alud rayeh pad miak ngulun amung uang tetek ruma'neh. Dengan luk kudeng ineh Noh nengesala' tana' ini, idi ieh nengalap ratnan Allah babpat luk matu luk macing ratnan anu ineh.

IBERANI 12:13

Do' maya' dalan luk mesiri, pad liai ineh na mepekisu'; iamo' pad ieh uen ngedo'.

IBERANI 13:18

Do' sembayang kuan kai. Kai merapet teruayen niat kai do', ngaceku kai megéi' pian nganau' luk matu.

YUSAK 10:12

Idi Yusak nepebala inan Tuhan kareb aco Tuhan nemaré amung lun Amori ineh kuan lun Israil. Ieh nemada' pedingeren amung lun Israil, kebalaneh, “O mateh aco, ugka' iko pa luun bawang Gibion, Idi iko, O bulan, pa luun Ruan Aijalon.”

1 PETRUS 2:24

Keristus nemabeh amung-amung sala' tau bang bururNeh luun kayuh tepalang, pad tau pinaté kuan sala', idi mulun kuan luk matu. Idi ratnan uratNeh muyuh pangeh dino'.

1 YAHYA 3:22

Anun-anun luk pituen tau, tau miak ngalap rat Neneh, ngaceku tau maya' amung-amung ukumNeh, idi nganau' anun-anun luk petulu denganNeh.

SEMUIL LUK PUN-PUN 1:12

Hanna mio sembayang pa kiung Tuhan, idi Eli nenier bibir tangneh.

SEMUIL LUK PUN-PUN 12:17

Naké nekini kareb merikan? Idi ui sikal nawar Tuhan, idi Ieh pana' nganau' lalam idi udan. Kudeng ineh megala' kuan muyuh idi miak kali' muyuh, idi meluun dat luk pangeh inau' muyuh pa kiung Tuhan. Ngaceku muyuh pian ku aceh raca' kuan muyuh.”

SEMUIL LUK PUN-PUN 12:18

Idi Semuil nenawar Tuhan. Idi Tuhan nenganau' lalam idi udan bang aco sineh teh. Idi lun mula' ineh pelaba tot inan Tuhan idi ni Semuil pana',