YAKUB 5:15 - BALA LUK DO'

¹⁵ Sembayang ini luk dinengan anu miak ngedo' lemulun luk mét ineh, idi Tuhan miak nui neneh; idi kudeng ieh pangeh nenganau' sala' idi ieh miak ngalap do' ratnan sala'neh.

YAKUB 5:15 Iomraidhean Croise

YESAYA 33:24

Seburur pana' nateh luk pebala, “Ui mét,” idi tau ngalap do' ratnan amung-amung sala'.

MATIUS 17:20

Idi kebala Yésus nedeh, “Ngaceku muyuh na petap anu. Ngerawé do'-do', kudeng anu muyuh kirayeh aceh ngilung sesawi' pana', miak mo' muyuh pebala kuan pegkung ini, ‘Mubuh iko rat tungé' idi amé' déi',’ idi kali' rungen ieh mubuh peh; idi na luk idi anun-anun luk na miak ruen muyuh.

YAHYA 5:14

Muci ratnan ineh Yésus nepapu' neneh bang Ruma' Allah, idi nepebala neneh, “Nekini iko pangeh do'. Aleg nganau' sala' peh, pad iko na mekaneh luk meluun dat.”

YAHYA 6:39

Iamo' ini pian Taman luk nengecuk Negku, pad Ui na ngetutu' idé-idé ratnan amung amungdeh luk biréNeh Negku, iamo' luk pianNeh, do' Ui nui nedeh kareb aco luk kekiped.

1 KORINTUS 1:21

Ngaceku Allah, dengan ilehNeh, pangeh nengitek dalan, pad lemulun na miak ngiti Allah dengan ilehdeh sebuleng. Iamo' Allah pian ngulun lemulun luk manu ku bada' luk “mebacé” ini luk badén kai.

2 KORINTUS 4:14

Kai kali' idi Allah luk pangeh nenui Tuhan Yésus sikal nui nekai mepad kudeng Yésus ineh teh, idi sikal maré nekai amé' matun Neneh dengan muyuh.

YAKUB 1:6

Iamo' do' ieh mutuh dengan anu, dengan na merapang, ngaceku lemulun luk merapang ineh mepad kudeng lipu' abpa' luk iten bui.

YAKUB 5:13

Idéké rat arang muyuh luk mesusa'? Do' ieh sembayang. Idéké rat arang muyuh luk mawang niat? Do' ieh menani ngubur Allah.

YAKUB 5:16

Ngaceku ineh do' anid-anid burur muyuh ngamo sala' muyuh arang muyuh sebuleng, idi sembayang seburur kuan seburur pad muyuh uen ngedo'. Idi sembayang lemulun luk matu, dengan matu-matu niatneh, rayeh laludneh.

YAKUB 5:20

idi do' muyuh kali' seburur lemulun luk nenguit seburur lemulun luk mesala' lumi ratnan dalanneh luk neraruh ineh, miak ngulun niat lemulun ineh ratnan até, idi miak ngapung sala' luk mula'.