YAKUB 5:14 - BALA LUK DO'

¹⁴ Idéké rat arang muyuh luk mét? Do' ieh nawar lun rayeh-rayeh sidang, luk miak sembayang kuanneh, idi ngumau neneh dengan ngadan Tuhan.

YAKUB 5:14 Iomraidhean Croise

RACA'-RACA' LUK PUN-PUN 17:21

Idi Elia netekulub luun anak ineh teluh kua'. Idi ieh nesembayang mutuh Tuhan, kesembayangneh, “O Tuhan Allahku, maré niat anak ini lemubed amé' neneh.”

RACA'-RACA' LUK KEDUEH 4:33

Idi ieh nengitek tanga', idi nesembayang mutuh pedengan ratnan Tuhan.

RACA'-RACA' LUK KEDUEH 5:11

Iamo' Naaman museh. Idi ieh neburo. Kebalaneh, “Ui pangeh nengerawé, na miak na ieh remuat idi tuped iringku idi neten ngadan Tuhan Allahneh idi nicul su luk mét ineh ku ticu'neh, idi ngedo' negku.

MARKUS 16:18

kudeng ideh ngakem menipeh, idi ngirup anun-anun luk megalih, na ideh mesabeng ku ineh. Idi ideh miak ngerareng ticu'deh luun lemulun luk inan luk mét, pad ideh do'.”

MARKUS 6:13

Ideh nenala' mula' ada' idi nengumau mula' lemulun luk mét, idi nengedo' nedeh.

KEKAMEN RASUL-RASUL 11:30

Idi ideh nenganau' kudeng ineh idi nemaré luk birédeh bang ticu' Barnabas idi Saul kuan amung-amung lun rayeh ineh.

KEKAMEN RASUL-RASUL 14:23

Idi didueh nemili' lun rayeh-rayeh bang anid-anid sidang. Idi dengan sembayang idi mawa', didueh nemaré nedeh bang palad Tuhan luk inandeh manu.

KEKAMEN RASUL-RASUL 15:4

Kareb didueh nacing déi' Yerusalim, idi lun sidang idi rasul-rasul idi lun rayeh-rayeh nenguit nedidueh dengan mawang niat, idi didueh nemada' ratnan amung-amung luk inau' Allah kuan didueh.

KEKAMEN RASUL-RASUL 28:8

Kareb ineh taman Publius medadem idi mét batek téi' dara' teh. Idi Paulus nesemuet bang takepneh. Ieh nesembayang, idi nengerareng ticu'neh luunneh idi nengedo' neneh.

KEKAMEN RASUL-RASUL 9:40

Pétrus nengecuk amung-amung lemulun remuat, idi ieh netekeradung nesembayang. Idi ieh nelumi inan butung ineh, keburi'neh, “O Tabita, tumui iko!” Idi Tabita nekulat. Kareb ieh nenier Pétrus, idi ieh netumui.

TITUS 1:5

Ui nenecan namu déi' Kriti, pad iko miak mangeh amung-amung luk nateh inau', idi pad iko miak mili' lun rayeh-rayeh sidang bang anid-anid bawang, maya' kudeng luk pangeh icukku namu: