YAKUB 5:13 - BALA LUK DO'

¹³ Idéké rat arang muyuh luk mesusa'? Do' ieh sembayang. Idéké rat arang muyuh luk mawang niat? Do' ieh menani ngubur Allah.

YAKUB 5:13 Iomraidhean Croise

INUL LUK PUN-PUN 16:9

Do' menani ngubur Neneh; idi mada' amung kekamenNeh luk inan mawa!

AYUB 33:26

Allah miak ngua' sembayangneh; idi ieh sembayang inan Allah dengan mawang niat; Allah miak ngeperuan nenek sekua' baruh teh.

NANI UBUR 105:2

Do' menani ngubur Neneh; idi mada' amung kekamenNeh luk inan mawa!

NANI UBUR 118:5

Bang susa'ku ui nenawar Tuhan; Ieh nengua' putuhku idi nemuit negku.

NANI UBUR 18:6

Idi bang susa'ku ui nenawar Tuhan. Ui nenawar Allahku mutuh pedengan. Bang ruma'Neh Ieh neninger tawarku. Ieh neninger tawarku mutuh pedengan.

NANI UBUR 50:15

Nawar Negku kareb inan susa'; Ui miak ngulun namu idi iko miak ngubur Negku.”

NANI UBUR 91:15

Kareb ideh nawar Negku, Ui ngor tawardeh; kareb ideh inan susa' Ui idi dengandeh. Ui miak muit nedeh, idi ngedita' nedeh.

NANI UBUR 95:2

Do' tau amé' pa kiungNeh dengan maré ubur, idi menani ku nani ubur luk ngawang niat!

YESAYA 65:14

Ideh menani' mawang niat, iamo' muyuh nangi' ku susa' niat.

DANIEL 5:4

Ideh nengirup abpa' anggur idi nengubur akang luk inau' ratnan amas, pirak, tekaling, belawan, kayuh, idi batu teh.

HOSIA 6:1

Do' tau lumi inan Tuhan. Ieh nengeramit netau, iamo' kali' rungen Ieh miak ngedo' netau. Ieh pangeh nengurat netau, iamo' naké Ieh ngabet urat tau lek?

YUNUS 2:2

“O Tuhan, bang susa'ku ui nenawar Namu, idi Iko nengua' sembayangku. Rat bang su luk inan até ui nenawar mutuh pedengan, idi Iko neninger tawarku,

YUNUS 2:7

Kareb niatku lélé meputut, idi ui nengerawé Namu O Tuhan, idi sembayangku nacing Namu, bang Ruma'Mu luk meligan.

MIKA 4:5

Anid-anid pupu sembayang idi maya' allahdeh sebuleng, iamo' tau sembayang idi maya' Tuhan Allah tau macing ruked-ruked.

MATIUS 26:30

Idi pangeh ideh menani aceh nani, idi ideh neremuat idi iné' déi' Pegkung Saitun.

LUKAS 22:44

Dengan pelaba dereh Ieh meluun tueh sembayang, pad panaNeh mangun kudeng dara' temepek luun tana'.

LUKAS 23:42

Idi keburi'neh nan Yésus, “O Yésus, do' ngerawé negku kareb Iko macing mangun ku Raca'.”

1 KORINTUS 14:15

Anunké luk ruenku? Ui miak sembayang dengan rohku, idi teh ui miak sembayang dengan terawéku. Ui miak menani dengan rohku, idi teh ui miak menani dengan terawéku.

1 KORINTUS 14:26

Ngaceku ineh, O kinanak-kinanakku, kareb muyuh tebubpun, do' muyuh temina' menani, mada', maré aceh bala luk linio, idi do' temina' makai buri' luk ratnan Roh, idi temina' ngelio ilungneh. Iamo' petulu amung baré ineh ngepicet anu lun sidang.

EPESUS 5:19

Idi pebala arang muyuh sebuleng dengan nani ubur, idi ubur-ubur, idi nani luk ratnan Roh. Idi do' muyuh menani idi ngitang dengan ubur dengan amung niat muyuh kuan Tuhan.

IBERANI 5:7

Kareb Yésus mulun bang tana' ini, Ieh pana' nesembayang idi nemutuh dengan rayeh arod idi tangi' pa kiung Allah luk melalud ngulun Neneh ratnan até. Idi sembayang Yésus pangeh pindenger Allah ngaceku Ieh nengebeneh bururNeh pa kiung Allah.

YAKUB 5:10

O kinanak-kinanakku, do' ngerawé dalan susa' idi ulai niat amung-amung nabi luk pangeh nepebala dengan ngadan Tuhan.

BALA LUK LINIO 14:3

Idi ideh menani aceh nani luk mebaruh pa kiung kerusi ineh, idi pa kiung apat pudut luk mulun idi amung-amung lun rayeh ineh. Idi seburur pana' na miak sibada' nani ineh, iamo 144,000 lemulun luk inuli' rat bang tana' ini mo',

BALA LUK LINIO 7:10

Ideh nengitang, kebaladeh, “Ulun tau ini ratnan Tuhan tau luk tudo luun kerusi raca' ineh, idi ratnan Anak Dumba teh!”