YAKUB 5:11 - BALA LUK DO'

¹¹ Lemulun luk mulai niat ineh tau mala samal. Muyuh panegh neninger ratnan ulai niat Ayub, idi muyuh kali' kudeng apeh Tuhan nengasa' neneh kareb kekiped derehneh. Ngaceku Tuhan pelaba éi' idi mekatu.

YAKUB 5:11 Iomraidhean Croise

INUL LUK PUN-PUN 21:13

Idi kebala Daud ni Gad, “Pelaba dat niatku. Do' ui mebpeh bang palad Tuhan, ngaceku Ieh luk inan éi'. Iamo' aleg ui mebpeh bang palad lemulun.”

INUL LUK KEDUEH 30:9

Kudeng muyuh lumi inan Tuhan, idi amung kinanak muyuh idi anak-anak muyuh miak ngalap éi' pa kiung lun luk pangeh nenaban nedeh, pad ideh barén muli'. Tuhan Allah muyuh méi' idi mekatu, idi na teketed rat nemuyuh kudeng muyuh lumi Neneh.”

NEHEMIA 9:17

Ideh ara' maya' ngaceku ideh nekelupan amung luk inau'Mu, idi na nengerawé tanu' luk biréMu. Ideh metueh niat pad ideh nemili' seburur lun rayeh, luk miak nguit nedeh mangun ku demulun déi' Masir teh. Iamo' Iko ineh Allah luk maré do'; Iko luk méi' idi mawa idi na malé museh. Ei'Mu pelaba rayeh. Na Iko nenecan nedeh.

NEHEMIA 9:31

Iamo', ngaceku éi'Mu luk pelaba rayeh, na Iko nenecan idi ngaté nedeh. Iko ineh Allah luk mekatu idi méi'!

AYUB 1:1

Inan aceh lemulun luk ngadan Ayub, luk tudo bang bawang Us. Ieh sembayang inan Allah idi lutep maya' Neneh. Ieh ineh aceh lemulun luk pelaba do', idi luk na pian nganau' anun-anun luk dat.

AYUB 1:2

Ieh inan tudu' anak deléi idi teluh anak decur.

AYUB 2:10

Idi kebala Ayub, “Mebacé bala mineh! Kareb Allah maré luk do' kuan tau, tau ngalap ineh. Ngudehké tau medureng kareb Ieh maré susa' kuan tau.” Bang amung-amung susa' ineh pana', Ayub na nengedat Allah.

AYUB 23:10

Iamo' Allah kali' anid su luk ulekku; kudeng Ieh nutun negku, Ieh kali' negku meligan.

NANI UBUR 103:13

Tuhan méi' kuan lemulun luk matot Neneh, mepad kudeng taman luk méi' inan anakneh.

NANI UBUR 103:8

Tuhan mepanu' ku éi' idi awa, idi mulai niat, idi mepanu' ku awa luk lutep.

NANI UBUR 116:5

Tuhan ineh mawa, idi matu; idi Allah tau méi'.

NANI UBUR 119:132

Lumi negku idi méi' negku, mepad kudeng Iko méi' nelun luk mawa Namu.

NANI UBUR 145:8

Tuhan mawa idi méi', Ieh mulai niat, idi panu' ku awa luk lutep.

NANI UBUR 37:37

Nier lemulun luk do' idi lemulun luk matu; mula' inul lemulun luk pian pedo';

NANI UBUR 51:1

Méi negku, O Allah, ngaceku awaMu luk lutep; ngiu' sala'ku, ngaceku éi'Mu luk rayeh!

NANI UBUR 78:38

Iamo' Allah méi' kuan pupuNeh. Ieh nemaré do' ku sala'deh, idi na nengaté nedeh. Megéi' Ieh ugka' ratnan usehNeh, idi ratnan gatehNeh.

NANI UBUR 86:15

O Tuhan, Iko Allah luk méi' idi mawa, idi luk na malé useh, idi megéi' mekatu idi lutep maya' jani'.

NANI UBUR 86:5

O Tuhan, Iko luk do' idi luk maré do', idi luk mepanu' ku awa luk lutep kuan amung lemulun luk sembayang Namu.

NANI UBUR 94:12

Samal kuan lemulun luk badénMu ku ukumMu,

PURA' 34:6

Idi Tuhan nenalan lemaba pa kiungneh, idi Ieh nengitang, “Ui ini Tuhan, Ieh ineh Allah, luk méi' idi mekatu, luk mekadang niat, luk meluun awa idi lutep maya' jani'.

LUN LUK MADA' 7:8

Kekiped anun-anun meluun do' ratnan punneh. Ulai niat meluun do' ratnan medita' niat.

YESAYA 63:7

Ui mada' ratnan awa Tuhan luk na ugka'; Ui ngubur Neneh ngaceku amung luk inau'Neh kuan tau. Ieh nengeperuan tu-tu pupu Israil, ngaceku éi'Neh idi awanNeh luk lutep.

YESAYA 63:9

ratnan amung derehdeh. Baken melaikat, iamo' Tuhan sebuleng luk nengulun nedeh. Dengan awaNeh idi éi'Neh, Ieh nemuit nedeh. Mon Ieh pangeh nengasa' nedeh,

TIDO YEREMIA 3:22

Awa idi éi' Tuhan na miak ugka',

DANIEL 9:9

Iko luk méi' idi maré do', iamo' kai sikal metueh rat Namu.

YOEL 2:13

Nima' niat muyuh luk meberat ngegala' susa' muyuh, aleg narak kuyu' muyuh sebuleng mo'.” Lemubed amé' inan Tuhan Allah muyuh. Ieh do' niat idi panu' ku éi'. Ieh mulai niat idi maya' jani'Neh. Ieh pian maré do' idi na sikal ngukum.

YUNUS 4:2

Idi ieh nesembayang inan Tuhan, kesembayangneh, “O Tuhan, kareb nateh ui nenalan ui pangeh kali' Iko miak nganau' kudeng ini. Idi punneh ui pian buro amé' Spaniol. Ui kali' Iko Allah luk mawa idi méi', idi megéi' mulai niat, idi mekatu, idi megéi' nginuud pad Iko na ngukum.

MIKA 7:18

O Tuhan, na luk idi Allah luk mepad kudeng Iko. Iko maré do' ratnan sala' lemulun luk ketecan. Idi na Iko museh kidi-kidi, iamo' Iko lutep bang awaMu.

IAP 14:18

‘Ui ini Tuhan mekadang niat idi rayeh awa idi maré do' ku dat idi sala'. Iamo' lemulun luk na mepuit ratnan sala' na miak puatin ratnan ukum. Iamo' dat taman-taman uénKu nan anak-anakneh macing ku inul luk keteluh idi luk keapat.’

MATIUS 10:22

Muyuh miak inan amung-amung lemulun megateh ngaceku ngadanKu; iamo' lemulun luk tuman pad macing kekipedneh uen ngulun.

LUKAS 1:50

idi éi'Neh lutep kuan anid-anid inul luk matot Neneh.

LUKAS 11:10

Ngaceku anid-anid lemulun luk mutuh miak ngalap; idi lemulun luk nakap miak kali', idi kuan lemulun luk nateg, tanga' ineh miak kabin.

LUKAS 6:36

Do' muyuh méi' nelun mepad kudeng Taman muyuh pana' méi nemuyuh.

SURAT LUK BIRE PAULUS KUAN LUN RUM 2:4

Idi inanké iko ngebeneh katuNeh luk rayeh idi ulai niatNeh idi kadang niatNeh? Naké iko kali' ratnan katu Allah ineh ngeruid namu pad iko uren?

EPESUS 1:6

Do' tau ngubur Allah ngaceku katuNeh luk pelaba rayeh, luk biréNeh kuan tau bang anakNeh luk inanNeh mawa!

EPESUS 2:4

Iamo' éi' Allah pelaba rayeh, idi awaNeh kuan tau pana' rayeh,

IBERANI 10:39

Iamo' tau ini baken lemulun luk lemubed, pad ngalap ukum até, iamo' lemulun luk manu pad ngalap ulun.

IBERANI 3:14

Ngaceku tau pangeh nengalap babpat bang Keristus kudeng tau ngimet meraben rapet luk pun-pun ineh pad macing kekipedneh.

IBERANI 3:6

Iamo' Keristus ineh lutep ngaceku Ieh Anak luk ngimet ruma' Allah. Tau ini uang ruma' Allah ineh, kudeng tau lutep bang kuu' idi rapet tau, pad macing kekipedneh.

YAKUB 1:12

Samal kuan lemulun luk mulai niat mabeh amung-amung tutun, ngaceku pangeh ieh tuman ratnan tutun, ieh miak ngalap pata ulun, luk pijani' Tuhan kuan amung-amung lemulun luk mawa Neneh.

YAKUB 1:2

O kinanak-kinanakku, kareb muyuh mebpeh bang anid-anid tutun, do' mala amungneh ineh mangun ku awang mo';

1 PETRUS 1:13

Ngaceku ineh do' terawé muyuh metadem, idi do' muyuh ngerawé, idi merapet tu-tu inan peruan luk miak macing kuan muyuh kareb Yésus Keristus uen ngegala'.

1 PETRUS 3:14

Iamo' kudeng muyuh ngalap dereh ngaceku ratnan luk matu, samal kuan muyuh. Aleg matot ku lemulun, idi aleg muyuh merapang.

2 PETRUS 2:9

Kudeng ineh teh Tuhan luk meluun kali' kudeng apeh muit lun manu ratnan tutun luk macing nedeh, idi kudeng apeh ngata lemulun luk dat pad macing Aco Ngukum, pad Ieh ngedereh nedeh,