YAKUB 5:1 - BALA LUK DO'

¹ Ninger bada'ku, O muyuh luk mula' binaweh. Do' muyuh nangi' idi temido ngaceku amung-amung dereh luk macing nemuyuh.

YAKUB 5:1 Iomraidhean Croise

NANI UBUR 17:14

ieh ineh lemulun luk ngalap luk piandeh bang tana' ini. Ngukum nedeh dengan dereh luk dinugMu kuandeh. Do' anak-anakdeh idi mupundeh ngalap petap dereh teh!

BALE' 11:28

Lemulun luk merapet ku binawehdeh miak mebpeh mepad kudeng don kayuh luk merurug bang kareb luk meteneb. Iamo' lemulun luk matu ngalap peruan, mepad kudeng don kayuh bang kareb luk melau'.

BALE' 11:4

Mula' binaweh na miak ngedengan namu kareb iko malé maté, iamo' dalan luk mesiri miak ngulun namu.

YESAYA 13:6

O Babil, ngarod ku étmu! Aco Tuhan muneng peh, ieh ineh aco luk inan Tuhan luk Melalud ngusag namu!

YESAYA 15:3

Lemulun luk maya' dalan nacung. Déi' luun natad bawang idi luun apo ruma'deh luk mebalad ideh temido idi nangi'.

YEREMIA 4:8

Do' muyuh nacung idi temido, ngaceku Tuhan na ugka' museh nelun Yahuda.

YEREMIA 9:23

Kebala Tuhan, “Na petulu lun mileh medita' niat ngaceku ilehneh, idi lun luk metueh ngaceku tuehneh, idi lun luk mula' binaweh ngaceku binawehneh.

YEHISKIEL 19:2

Tinanmu ineh balang. Ieh nengasa' anakneh arang anak balang deléi.

YEHISKIEL 30:2

“O lemulun, mada' bala luk barénKu idi pebala, Kudeng ini bala Tuhan Allah: ‘Temido, ngaceku mesusa' aco ineh!’

YOEL 1:11

O muyuh lun luk nganau' lati', idi muyuh luk ngasa' kabun anggur, do' muyuh mesusa' niat, ngaceku padé, ikun, idi amung tibu baken pangeh nedat.

YOEL 1:13

O muyuh imam luk ngeseb baré luun bubpun Tuhan, do' muyuh nacung idi nangi' idi mepamung bang Ruma' Allah kedangan-kedangan. Na luk idi padé idi abpa' anggur luk miak barén kuan Allah muyuh.

YOEL 1:5

Kulat idi nangi', O muyuh lun luk mabuk, idi lun luk ngirup abpa' anggur ngaceku bua' anggur pangeh nabud.

MIKA 6:12

Lun do' bang bawang rayeh muyok nelun masi'. Idi amung lun luk bang bawang ineh mebalih mo'.

SEPANIA 1:18

Amung pirak idi amasdeh na miak ngulun nedeh, kareb aco luk inan Tuhan ngegala' usehNeh. Amung tana' miak uen ngusag ku apui usehNeh. Ieh miak ngaté amung-amung lemulun luk tudo bang tana'.

BADA' RATNAN UKUM 32:15

“Pupu Tuhan iuk mula' binaweh, iamo' ideh sikal metueh; ideh melamu idi megéi' mebor. Ideh nenecan Allah luk nemudut nedeh, idi nesitunga nan Pegkung Batu ulundeh.

YAKUB 1:11

Ngaceku mateh aco ineh masat dengan pelaba lau', idi ngekarang uduh ineh, idi busakneh pana' merurug, idi taga busakneh pana' metutu'. Kudeng ineh teh lun do' pana' mekarang kareb ieh uned nganau' kekamenneh.

YAKUB 2:6

Iamo' muyuh ini ngebeneh nelun masi'. Bakenké lun do' luk ngedereh nemuyuh, idi luk ngeruid nemuyuh amé' matun besara'?

YAKUB 4:13

O muyuh luk pebala, “Aco sini idi nebpa do' tau amé' bawang keceh idi tudo selak déi', idi pepua' idi nakap binaweh luk do'.”

YAKUB 4:9

Do' nginuud dengan temido idi nangi', idi do' riruh muyuh mangun ku tido, idi awang muyuh mangun ku susa'.