YAKUB 4:9 - BALA LUK DO'

⁹ Do' nginuud dengan temido idi nangi', idi do' riruh muyuh mangun ku tido, idi awang muyuh mangun ku susa'.

YAKUB 4:9 Iomraidhean Croise

NEHEMIA 8:9

Kareb lun mula' neninger ilung Ukum ineh, niatdeh nesigio pad ideh nangi'. Idi kebala Nehemia, Esra, idi lun Liwi luk nengelio Ukum ineh nelun mula', “Aco sini meligan kuan Tuhan Allah muyuh. Aleg muyuh temido idi nangi'.

AYUB 30:31

Atun ui neninger nani luk ngawang niatku, iamo' nekini inan tido idi tangi' mo'.

NANI UBUR 119:136

Ui pelaba tangi', ngaceku lemulun na maya' balaMu.

NANI UBUR 119:67

Kareb nateh Iko nengukum negku, megéi' ui neraruh, iamo' nekini ui maya' balaMu.

NANI UBUR 119:71

UkumMu negku ineh do', ngaceku ineh nenganau' negku sibada' ku balaMu.

BALE' 14:13

Riruh lemulun miak ngelinged dat niatneh. Kareb awang buro, idi susa' megéi' idi.

LUN LUK MADA' 2:2

Ui pangeh nekali' riruh ineh mebacé, idi luk ku ngawang niat ineh na ulekneh.

YEREMIA 31:13

Amung anak adi' decur miak ngalai dengan mawang niat, idi deléi luk mengered idi luk isuut teh miak mawang niat. Ui miak ngubuk nedeh, pad tidodeh mangun ku awang, idi susa'deh pana' mangun ku awang niat.

YEREMIA 31:9

PupuKu miak lemubed dengan nangi', idi sembayang kareb Ui nguit nedeh muli'. Ui miak nguyut nedeh macing inan arur, idi maya' dalan luk do', pad ideh na metebaceng. Ui ini mepad kudeng taman lun Israil, idi Epraim, ieh ineh anakKu luk atun.

TIDO YEREMIA 5:15

Awang pangeh nenecan nekai, idi teh na kai ngalai ngaceku mesusa' niat.

YEHISKIEL 16:63

Kareb Ui maré do' ratnan amung sala'mu, iko miak ngerawé sala'mu ineh pad iko ungeng ku igu'mu.” Tuhan Allah pangeh nepebala.

YEHISKIEL 7:16

Sebuang buro amé' luun pegkung mepad kudeng sukur luk matot, iamo' ngaceku sala'deh ideh miak maté.

MATIUS 21:41

Idi keburi'deh Neneh, “Dengan até luk pelaba dereh, ieh sikal ngaté lemulun luk dat ineh, idi kabun anggur ineh pana' barén uen lemulun baken ngacam, ieh ineh luk miak maré usag bua'neh bang anid-anid karebneh kebua'.”

MATIUS 5:4

“Samal kuan lemulun luk mesusa' niat, ngaceku ideh miak buken Allah peh.

LUKAS 16:25

Iamo' kebala Ibrahim, ‘O anakku, do' ngerawé, iko pangeh nengalap luk do' kareb iko mulun, idi Lasarus ini nengalap dereh; iamo' nekini ieh inubuk peh, iamo' iko pidereh peh.

LUKAS 6:21

“Samal kuan muyuh luk melau nekini; ngaceku muyuh miak uen ngebor. “Samal kuan muyuh luk nangi' nekini; ngaceku muyuh miak meriruh.

LUKAS 6:25

“Mesusa' kuan muyuh luk mebor nekini; ngaceku muyuh melau muci! “Mesusa' kuan muyuh luk meriruh nekini; ngaceku muyuh temido idi nangi' muci!