YAKUB 4:8 - BALA LUK DO'

⁸ Do' muneng inan Allah idi Ieh miak muneng nemuyuh. Maru' ticu' muyuh, O muyuh lun mesala'; idi ngeligan niat muyuh, O muyuh luk perapid niat.

YAKUB 4:8 Iomraidhean Croise

PUDUT 18:23

Idi Ibrahim iné' muneng Neneh idi nepebala, “Miakké Tuhan ngaté lemulun luk matu puar-puar dengan lemulun luk dat?

INUL LUK PUN-PUN 28:9

“Idi iko, O anakku Selimun, do' iko ngiti Allah tamanmu, idi ngakem kuanNeh dengan niat luk mepicet, idi dengan terawé luk petulu. Ngaceku Tuhan ngelio idi kali' amung terawé niat. Kudeng iko nakap Neneh kali' rungen Ieh kali'mu. Iamo' kudeng iko necan Neneh, kali' rungen Ieh nala' namu macing ruked-ruked.

INUL LUK KEDUEH 15:2

pad ieh iné' matun Asa, idi nepebala neneh, “Ninger iko O Asa, idi amung lun Yahuda idi Beniamin: Tuhan pangeh nengedengan nemuyuh, ngaceku muyuh lumi inan Tuhan. Idi kudeng muyuh nakap Neneh, kali' rungen Ieh pana' kali' muyuh. Iamo' kudeng muyuh necan Neneh, kali' rungen muyuh pana' tacinNeh.

AYUB 16:17

iamo' nateh ui nengedereh nelun, idi sembayangku pa kiung Allah matu.

AYUB 17:9

Lemulun luk ngerawé bururdeh do', iuk ngerawé bururdeh matu.

AYUB 9:30

Sabun na miak ngiu' sala'ku.

NANI UBUR 119:113

Ui megateh inan lemulun luk na lutep maya' Namu, iamo' ui mawa ku balaMu.

NANI UBUR 145:18

Ieh muneng nan lemulun luk nawar Neneh, idi nan lemulun luk nawar Neneh dengan niat luk matu.

NANI UBUR 18:20

Tuhan méi' negku ngaceku ui luk matu; Ieh ngeperuan negku ngaceku ui na mesala'.

NANI UBUR 24:4

Ieh luk meligan bang kekamen idi terawéneh, idi pian ku luk matu, idi luk na mebalih.

NANI UBUR 26:6

Ui maru' ticu'ku ngaceku ui na mesala', idi kai nalan pekarur dengan sembayang ngelibut bubpunMu, O Tuhan.

NANI UBUR 51:10

Nganau' kuanku niat luk meligan, O Allah, idi maré terawé luk mebaruh idi lutep.

NANI UBUR 73:13

Na ulekneh ui nengeligan niat idi ticu'ku lek.

NANI UBUR 73:28

Iamo' kuanku, pelaba do' muneng inan Allah! Idi Tuhan Allah mangun ku Libungku, pad ui mada' amung-amung luk inau' Neh.

YESAYA 13:15

Idé-idé luk kamendeh miak tebaken macing maté.

YESAYA 29:13

Kebala Tuhan, “Lemulun ini siayu sembayang Negku, iamo' na ilung baladeh, idi niatdeh mado rat Negku. Sembayangdeh ineh mangun ku ukum idi adat lemulun mo', luk pangeh ipaldeh.

YESAYA 58:2

Ideh sembayang Negku anid-anid aco, idi ideh pian maya' ukumKu idi nganau' luk matu. Ideh mutuh Negku ngeperuan nedeh idi maré ukum luk mesiri nedeh.”

YEREMIA 4:11

Muci lun Yerusalim miak ninger bala ratnan aceh bui luk melau' macing rat su luk ali-ali idi ngedereh pupu Tuhan. Bui ineh baken ieh macing malid nedeh mepad kudeng padé.

YEREMIA 4:14

O Yerusalim, maru' sala' luk bang niatmu, pad iko miak uen ngulun. Tuda' io iko ngerawé luk dat baruh teh?

TIDO YEREMIA 3:57

Iko nengua' putuhku, idi nemada' negku pad ui na matot.

YEHISKIEL 18:31

Do' muyuh ugka' ratnan kekamen muyuh luk dat, idi do' ngalap terawé idi niat luk mebaruh. Ngudehké muyuh lun Israil pian maté?”

SEKARIA 1:3

Iamo' nekini UI pebala nemuyuh, ‘Do' lumi Negku, idi Ui miak lumi nemuyuh.

MALAKI 3:7

Muyuh mepad kudeng tepun muyuh ngaceku muyuh nelemubed rat Negku idi na nengimet ukumKu. Do' muyuh lumi amé' Negku, idi Ui miak lumi nemuyuh. Iamo' kebala muyuh, ‘Anun luk miak ruen kai, pad kai lumi amé' Namu?’

MATIUS 12:33

“Kudeng kayuh ineh titen do', idi bua'neh pana' do'; kudeng kayuh ineh titen dat idi bua'neh pana' dat teh; ngaceku tau miti kayuh ratnan bua'neh.

MATIUS 15:2

“Ngudehké anak-anak sekola'Mu ngelaba bada' tepun tau? Na ideh maru' ticu'deh maya' adat tau kareb nateh ideh kuman.”

MATIUS 27:24

Kareb Pilatus nekali' balaneh na ulek, iamo' mangun meluun mula' ria', idi ieh nengalap abpa' idi nemaru' paladneh pa kiung lun mula' ineh, kebalaneh, “Ui meligan ratnan dara' lemulun luk matu ini! Muyuh sebuleng mabeh dara'Neh.”

KEKAMEN RASUL-RASUL 15:9

Idi Allah na mili' arang tau dengan lemulun ineh, idi Ieh nemaru' niatdeh ngaceku ideh manu.

2 KORINTUS 7:1

Amung ini pangeh biré kuan tau, O lun rurumku. Ngaceku ineh do' tau ngeligan burur tau ratnan amung luk ngelutak burur idi niat, idi ngeriput ligan tau dengan matot inan Allah.

1 TIMOTIUS 2:8

Pianku amung-amung deléi sembayang bang anid-anid luk inan, idi ngiding ticu' luk meligan dengan na museh idi pekedaluh.

IBERANI 10:22

Ngaceku ineh do' tau amé' matun Neneh dengan niat luk matu idi dengan anu luk mela, idi niat tau linigan ratnan teruayen niat luk dat, idi burur tau biru' ku abpa' luk melio.

IBERANI 7:19

Ngaceku Ukum Musa ineh na miak ngeriput anun-anun pana'. Idi nekini aceh rapet luk meluun do' pangeh icing, luk nguit netau amé' muneng nan Allah.

YAKUB 3:17

Iamo' ileh luk rat surga pun-pun meligan, pangeh ineh sikal pedo', do' buri', idi do' baya' ukum, idi panu' dengan éi' idi bua'-bua' luk do' dengan na metebaceng, idi dengan na naluk.

1 PETRUS 1:22

Ngaceku muruh pangeh nemaru' niat muyuh idi lutep maya' luk matu, pad muyuh mawa dengan amung-amung kinanak dengan na siayu, idi do' muyuh mawa seburur dengan seburur, dengan niat luk matu.

1 PETRUS 3:21

Idi abpa' ineh pinginud rereb luk nekini ngulun nemuyuh, idi ilungneh baken nala' luk melutak ratnan burur, iamo' mutuh teruayen niat luk do' pa kiung Allah, ngaceku ratnan tui Yésus Keristus,

1 YAHYA 3:3

Anid-anid lemulun luk merapet inan Keristus ineh, matar bururneh pad ieh meligan mepad kudeng Keristus pana' meligan.

SEMUIL LUK PUN-PUN 14:35

Idi Saul nenganau' aceh bubpun kuan Tuhan. Idi ini bubpun luk pinudutneh pun-pun kuan Tuhan.