YAKUB 4:7 - BALA LUK DO'

⁷ Do' maré burur muyuh kuan Allah, iamo' megateh inan Iblis, idi Iblis ineh miak buro rat nemuyuh.

YAKUB 4:7 Iomraidhean Croise

SEMUIL LUK KEDUEH 15:26

Iamo' kudeng Ieh na pian negku, idi ui temina' nima' Neneh nganau' kuanku anun luk do' su sirenNeh.”

INUL LUK KEDUEH 30:8

Aleg muyuh metueh niat mepad kudeng tepun muyuh. Iamo' do' muyuh maya' bala Tuhan. Amé' muyuh déi' Ruma' Allah luk déi' Yerusalim luk pangeh linigan Tuhan Allah muyuh macing ruked-ruked. Idi sembayang Neneh pad Ieh na museh nemuyuh teh.

AYUB 1:21

Kebalaneh, “Ui tinganak lubpa idi miak maté lubpa teh. Tuhan nemaré luk amung-amung, idi nekini Ieh pangeh nengalap ineh. Do' ngadanNeh buren!”

NANI UBUR 66:3

Do' mala kuan Allah, “Pelaba do' kekamen luk ruenMu! LaludMu pelaba rayeh, pad bunu'Mu matot idi tekeradung pa kiungMu.

NANI UBUR 68:30

Do' ngukum bawang Masir, luk mepad kudeng pung luk mesangit arang uduh; idi ngukum pupu-pupu luk mepad kudeng sapi' deléi dengan anakdeh, pad ideh tekeradung idi maré amung pirakdeh Namu. Ngatad lemulun luk sikal nganau' bunu'!

YEREMIA 13:18

Kebala Tuhan ni Yeremia, “Do' ngecuk raca' idi tinanneh, temurun rat luun kerusideh, ngaceku patadeh luk pelaba do' pangeh nebpeh rat luun uluhdeh.

DANIEL 4:25

Iko miak uen ngusu rat arang lemulun, idi iko miak tudo dengan pung luk meliput. Idi iko miak kuman uduh mepad kudeng sapi', idi rudap déi' liang, idi ipup miak mebpeh luunmu kinio tudu' lak. Pangeh ineh iko miak kali' Allah luk Meluun rayeh luk kuan amung imet lemulun bang tana' ini, idi Ieh miak ngikit idé-idé luk pianNeh mangun ku raca'.

DANIEL 4:32

Iko miak uen ngusu rat arang lemulun, idi iko miak tudo dengan pung luk meliput. Iko miak kuman uduh mepad kudeng sapi' kinio tudu' lak. Idi pangeh ineh iko miak kali' idi Allah luk Meluun Rayeh luk kuan amung imet lemulun luk bang tana' ini. Idi Ieh miak ngikit idé-idé luk pianNeh mangun ku raca'.”

MATIUS 11:29

Do' muyuh ngalap paga'Ku idi sibada' rat Negku, ngaceku Ui mulai niat idi mebeneh niat, idi erur muyuh miak uen ngato.

KEKAMEN RASUL-RASUL 26:19

“Dengan luk kudeng ineh, O Raca' Agripa, ui na sikal ngelaba luk sinierku rat surga ineh.

KEKAMEN RASUL-RASUL 9:6

Tumui iko idi semuet bang bawang, idi déi' iko miak ninger ratnan anun-anun luk ruenmu.”

SURAT LUK BIRE PAULUS KUAN LUN RUM 10:3

Na ideh ngiti luk matu ratnan Allah, idi ideh nutun ngeletep dalan pad ideh ruen matu maya' terawédeh sebuleng. Idi na ideh nengebeneh bururdeh pad ideh ruen matu maya' pian Allah.

SURAT LUK BIRE PAULUS KUAN LUN RUM 14:11

Ngaceku pangeh inayud, “Ratnan ulunKu ini, kebala Tuhan, idi anid-anid aleb miak tekeradung pa kiungKu, idi anid-anid dila' miak ngamo Ui ini Tuhan.”

EPESUS 4:27

Aleg muyuh maré luk inan kuan Iblis.

EPESUS 5:21

Ngebeneh burur muyuh seburur dengan seburur dengan matot inan Keristus.

EPESUS 6:13

Ngaceku ineh do' muyuh ngayung ku amung ayung Allah, pad muyuh tuman kareb aco luk dat, idi tuped meraben kareb muyuh pangeh nenganau' luk amung-amung.

IBERANI 12:9

Taman tau bang tana' ini nemada' netau, idi tau nengedita' nedeh. Meluun teh petulu tau ngebeneh burur tau pa kiung Taman roh ineh, pad tau ngalap ulun!

1 PETRUS 2:13

Ngaceku ratnan Tuhan, do' muyuh mebeneh pa liang amung-amung ukum luk inau' lutep kuan lemulun, do' kuan raca' ngaceku ieh luk pa luun,

1 PETRUS 5:6

Ngaceku ineh do' muyuh ngebeneh burur muyuh pa liang ticu' Allah luk meluun melalud ineh, pad Ieh ngedita' nemuyuh bang karebNeh.

SEMUIL LUK PUN-PUN 3:18

Idi Semuil nemada' amung bala ineh neneh. Sebila' bala pana' nateh inalumneh. Idi kebala Eli neneh, “Ieh ineh Tuhan. Nima' Neneh nganau' anun-anun luk do' pa kiungNeh.”