YAKUB 4:6 - BALA LUK DO'

⁶ Iamo' katu luk barén Allah meluun tueh. Maya' kudeng bala bang Surat Allah, “Allah sikal metueh ratnan lemulun luk medita' niat, iamo' Ieh maré katu kuan lemulun luk mebeneh niat.”

YAKUB 4:6 Iomraidhean Croise

INUL LUK KEDUEH 32:26

Iamo' Hesekia idi lun bang bawang Yerusalim nengebeneh bururdeh pad useh Tuhan na nacing nedeh bang kareb Hesekia.

INUL LUK KEDUEH 33:12

Iamo' bang derehneh ieh mebeneh niat, pad ieh nemutuh pedengan ratnan Tuhan Allahneh.

INUL LUK KEDUEH 33:19

Sembayang raca' ineh idi ua' Tuhan neneh, idi teh amung sala'neh idi raruhneh ratnan Tuhan, idi amung su luk medita' luk pinudutneh idi amung ulung, idi akang luk inau'neh atun ratnan ieh nengebeneh bururneh, pangeh inayud bang Surat Kekamen Nabi.

INUL LUK KEDUEH 33:23

Iamo' na ieh nengebeneh bururneh idi nelumi nan Tuhan mepad kudeng Manasé tamanneh. Iamo' ieh meluun sala' ratnan tamanneh.

INUL LUK KEDUEH 34:27

Idi iko nuren idi nengebeneh bururmu pa kiungKu dengan nangi' idi nenarak ayungmu, kareb iko neninger amung bala ratnan kudeng apeh Ui ngukum Yerusalim idi amung lun luk bang bawang ini. Ngaceku ineh Ui pangeh neninger sembayangmu,

AYUB 22:29

Allah ngebeneh lemulun luk medita' niat idi ngulun lemulun luk mebeneh niat.

NANI UBUR 138:6

Sagan tu pana' Tuhan luk Meluun Dita', iamo' Ieh méi' nelun masi', idi kali' lemulun luk medita' niat.

NANI UBUR 9:12

Allah ngerawé lemulun luk pidereh, na Ieh kelupan tawardeh; Ieh ngukum lemulun luk ngedat nedeh.

PURA' 18:11

Nekini ui kali' Tuhan meluun rayeh ratnan amung allah baken, ngaceku Ieh pangeh nemuit nelun Israil rat bang imet lun Masir, kareb lun Masir ineh megateh niat nedeh.”

BALE' 15:33

Tot inan Tuhan mangun ku ileh kuanmu. Do' iko mebeneh niat, pad iko ngalap ubur.

BALE' 18:12

Lemulun luk mebeneh niat mo' miak buren. Lemulun luk medita' niat ngacing susa' kuan bururneh sebuleng.

BALE' 22:4

Kudeng iko matot inan Tuhan idi mebeneh niat, iko mangun ku lun do', idi ngalap ubur idi ulun luk mekadang.

BALE' 29:23

Dita' niat ngacing ebpeh lemulun, iamo' lemulun luk mebeneh niat miak buren.

BALE' 3:34

Ieh na pian ku lemulun luk medita' niat, iamo' Ieh méi' kuan lemulun luk mebeneh niat.

YESAYA 2:17

Dita' niat idi sido' niat lemulun miak uen ngagka'. Kareb ineh Tuhan sebuleng mo' uen ngedita'.

YESAYA 54:7

“Ui nenecan namu segageh mo'; dengan awa luk matu Ui ngalap namu baruh.

YESAYA 57:15

“Ui ini Allah luk medita' idi meligan, luk mulun ruked-ruked. Ui tudo déi' su luk medita' idi meligan. Idi teh Ui tudo dengan lemulun luk nginuud idi luk mebeneh niat pelé Ui nuneb nedeh pad ideh merapet teh.

DANIEL 4:37

“Idi nekini, ui ini Nebukadnesar ngubur idi ngerayeh Raca' Surga. Amung-amung luk ruenNeh matu. Ieh megéi' nganau' luk mesiri, idi Ieh ngebeneh lemulun luk medita' niat.”

MATIUS 13:12

Ngaceku idé-idé luk inan anun-anun, idi kuanneh miak barén teh, idi ieh miak ngalap dengan mela; iamo' idé-idé luk na luk idi anun-anun, idi rat neneh teh miak lapen anun-anun luk ieh kuan.

MATIUS 23:12

Idi idé-idé luk ngedita niatneh sebuleng, ieh ineh miak uen ngebeneh peh; idi idé'idé luk ngebeneh niatneh sebuleng, ieh ineh miak uen ngedita' peh.

LUKAS 1:52

Ieh nengebeneh raca'-raca' ratnan kerusi imetdeh, idi nengedita' lemulun luk mebeneh.

LUKAS 14:11

Ngaceku anid-anid lemulun luk ngedita' bururneh, ieh ineh miak uen ngebeneh, idi lemulun luk ngebeneh bururneh miak uen ngedita'.”

LUKAS 18:14

Idi Ui pebala nemuyuh, lemulun ini muli' imo Allah matu baken ratnan lun Parisi ineh; ngaceku anid-anid lemulun luk ngedita' bururneh miak uen ngebeneh; iamo' lemulun luk ngebeneh bururneh miak uen ngedita'.”

YAKUB 4:10

Ngebeneh burur muyuh pa kiung Allah, idi Ieh miak ngedita' nemuyuh teh.

1 PETRUS 5:5

Kudeng ineh teh, O muyuh lun luk anak adi', do' muyuh mebeneh ratnan lun rayeh-rayeh ineh. Idi do' amung-amung muyuh dengan niat luk mebeneh ngedengan seburur dengan luk baken, ngaceku “Allah sikal metueh ratnan lemulun luk medita' niat, iamo' Ieh maré katuNeh kuan lemulun luk mebeneh niat.”

SEMUIL LUK PUN-PUN 2:3

Aleg muyuh mesido' niat, pad muyuh pebala dengan medita' niat. Ngaceku Tuhan ineh Allah luk kali', idi Ieh nutun amung kekamen lemulun.