YAKUB 4:5 - BALA LUK DO'

⁵ Idi mo'-mo'ké bang terawé muyuh luk bila bang Surat Allah, “Roh luk tinudo Allah bang netau mepanu' ku lili luk rayeh?”

YAKUB 4:5 Iomraidhean Croise

PUDUT 26:14

Lun Pilistin megateh neneh, ngaceku ieh inan mula' amék, sapi', idi demulun teh.

PUDUT 30:1

Iamo' Rakel na anak, idi ieh temaruh inan kinanakneh luk rayeh, idi kebalaneh ni Yakub, “Maré negku inan anak, kudeng na luk idi, maté ui!”

PUDUT 37:11

Idi kinanak-kinanak Yusup mét niat neneh, iamo' tamanneh megéi' ngerawé bala ineh.

PUDUT 38:9

Iamo' Onan nekali' ratnan inul luk kudeng ineh baken kuan dieh; ngaceku ineh kareb ieh nepamung dengan awan kinanakneh, na ieh nepamung dengan awan kinanakneh, na ieh sikal nganau' inul neneh, ngaceku inul ineh maya' ngadan kinanakneh.

PUDUT 6:5

Kareb Tuhan nenier sala' lemulun luk bang tana' ini pelaba ula', pad ieh ngerawé idi geregan ku luk dat mo' kidi-kidi,

PUDUT 8:21

Idi baré ineh do' buen pa kiung Tuhan, idi Ieh nepebala bang niatNeh, “Na Ui sikal ngacing kediman bang tana' ini peh ngaceku ratnan lemulun, sagan pana' terawé niatdeh dat rat karebdeh isuut. Nateh Ui sikal ngaté amung-amung pudut luk mulun kudeng luk pangeh inau'Ku.

NANI UBUR 106:16

Déi' su luk ali-ali ideh mét niat ni Musa, idi Arun, demulun Allah luk meligan;

NANI UBUR 37:1

Aleg iko megagau ngaceku lemulun luk dat; aleg nginud lawé lun luk nganau' sala'.

BALE' 21:10

Lemulun luk dat melau ku kekamen luk dat, idi na ideh méi' nan lemulun.

LUN LUK MADA' 4:4

Idi teh ui kali' punneh lemulun mekél ngakem: ieh ineh pad ideh ngalap meluun ula' binaweh ratnan lun baken. Iamo' na ulekneh. Ieh ineh mepad kudeng ngerada' bui mo'.

YESAYA 11:13

Imet Israil na temaruh nan Yahuda teh, idi Yahuda na sikal metueh ratnan Israil.

IAP 11:29

Iamo' kebala Musa neneh, “Ngudehké iko megagau ngaceku ui? Meluun do' amung pupu Tuhan mangun ku nabi, pad Tuhan maré RohNeh nedeh!”

IAP 23:19

Allah na mebalih mepad kudeng lemulun, Idi na nginuud mepad kudeng anak lemulun; balaNeh matu idi miak uen ngacing.

YAHYA 10:35

Tau kali' bala luk inayud bang Surat Allah na miak uen ngalum macing ruked-ruked. Allah sebuleng neten allah-allah, ieh ineh lemulun luk inan bala Allah pangeh biré.

YAHYA 19:37

Idi inan teh ayat bang Surat Allah luk mala, “Ideh miak nier Neneh luk pangeh tibpekdeh.”

YAHYA 7:42

Pangeh inayud bang Surat Allah, Keristus ineh inul Daud, idi uen nenganak déi' Baitlahim su luk inan Daud tudo.”

KEKAMEN RASUL-RASUL 7:9

“Idi tepun tau mét niat ni Yusup idi nemasui neneh amé' bawang Masir. Iamo' Allah nengedengan neneh,

SURAT LUK BIRE PAULUS KUAN LUN RUM 1:29

Niatdeh mepanu' ku amung-amung sala', luk dat, lili, idi terawé luk dat. Idi ideh mepanu' ku ét niat, ngaté, kedaluh, naluk, idi ideh ngedat, idi ngatum bala,

SURAT LUK BIRE PAULUS KUAN LUN RUM 9:17

Ngaceku Surat Allah pebala kuan raca' Masir, “Ngaceku ineh Ui nengedita' namu, pad Ui mada' laludKu bang bururmu, idi ngadanKu badén aput tana ini.”

1 KORINTUS 6:19

Naké muyuh kali' idi burur muyuh ineh ruma' Roh Meligan luk tudo bang nemuyuh, luk muyuh pangeh nengalap ratnan Allah? Burur muyuh ineh baken muyuh kuan.

2 KORINTUS 6:16

Anunké rurum arang ruma' Allah dengan akang? Ngaceku tau ini ruma' Allah luk mulun, maya' kudeng bala Allah, “Ui sikal tudo idi mudeng arangdeh ineh; Ui mangun ku Tuhandeh, idi ideh mangun ku pupuKu.”

GALATIA 3:8

Surat Allah nekali' atun, idi Allah sikal nganau' lun pupu baken matu ngaceku anu, idi Ieh nemada' Bala luk Do' atun kuan Ibrahim, kebalaNeh, “Idi bang namu amung-amung lun pupu baken miak ngalap peruan.”

TITUS 3:3

Ngaceku atun tau pana' mebacé, ngelaba bala, neraruh, mangun ku demulun kuan amung-amung lili idi rot luk dat bang tana' ini. Kareb ineh tau mulun bang luk dat idi ét niat, luk inan lemulun megateh, idi megateh seburur inan seburur.