YAKUB 4:4 - BALA LUK DO'

⁴ O muyuh luk na lutep! Naké muyuh kali' idi rurum dengan tana' ini, ieh ineh pebunu' dengan Allah? Kudeng idé-idé luk sikal perurum dengan tana' ini, ieh ineh luk mangun ku bunu' Allah.

YAKUB 4:4 Iomraidhean Croise

PUDUT 3:15

Idi Ui nganau' aceh bunu' arangmu dengan decur ineh, idi arang inulmu dengan inulneh. Idi Ieh miak ngeradu' uluhmu, idi iko miak nicuk tumidNeh.”

NANI UBUR 21:8

Raca' miak ngakem amung-amung bunu'neh, ieh miak naban amung-amung lemulun luk megateh neneh.

NANI UBUR 50:18

Kudeng iko papu' lun mano, iko mangun ku lun rurumneh, idi iko perurum dengan lun luk pasét.

NANI UBUR 73:27

Ngaceku lemulun luk necan Namu miak maté, idi Iko ngaté lemulun luk na lutep maya' Namu.

YESAYA 57:3

O muyuh luk melutak ku sala', amé' tungé' pad muyuh kumin! Muyuh ineh lun luk pasét idi decur luk mesawa'.

YEREMIA 2:2

amé' mada' balaNeh kuan amung lun bang bawang Yerusalim, kebalaNeh, “Ui kali' namu lutep karebmu anak, idi iko mawa Negku kareb kiteh pun paweh. Iko nemaya' Negku déi' su luk ali-ali, su luk na inan lemulun nenganau' lati'.

YEREMIA 9:2

Meluun do' ui tudo su luk ali-ali, pad ui miak mepatad ratnan pupuku. Ngaceku ideh na lutep maya' jani'deh. Ideh aceh rurum luk masui lun dengandeh.

YEHISKIEL 16:32

Iamo' iko mepad kudeng decur luk pasét nelun baken idi na mawa inan awanneh sebuleng.

HOSIA 3:1

Idi teh kebala Tuhan negku, “Do' iko amé' sekua' teh inan awanmu luk inanmu mawa, sagan tu pana' ieh pasét. Do' mawa neneh mepad kudeng Ui mawa nelun Israil, sagan tu pana' ideh maya' allah baken luk inandeh maré kireng bua' anggur.”

MATIUS 12:39

Iamo' kebala Yésus, “Inul luk dat idi luk na lutep nakap aceh tanu', iamo' na tanu' barén nedeh, iamo' tanu' Nabi Yunus mo'.

MATIUS 16:4

Inul luk dat idi luk na lutep nakap aceh tanu', iamo' na tanu' barén nedeh, iamo' tanu' Nabi Yunus mo'.” Idi Yésus nenecan nedeh idi nalan.

MATIUS 6:24

“Na selemulun luk miak ngakem kuan dueh tuan' ngaceku na miak na seburur inanneh megateh idi luk baken ineh inanneh mawa, idi ieh lutep inan seburur idi megateh inan seburur. Muyuh na miak mangun ku demulun Allah, idi demulun binaweh tana' ini teh.

LUKAS 19:27

Iamo' bunu'-bunu'ku ineh luk na sikal negku mangun ku raca'deh, do' nguit nedeh amé; tungé' idi ngaté nedeh pa kiungku.’ ”

YAHYA 15:19

Kudeng muyuh ratnan tana' ini, kali' rungen tana' ini miak mawa nemuyuh mepad kudeng pupuneh sebuleng. Iamo' muyuh baken ratnan tana' ini, ngaceku Ui pangeh nemili' nemuyuh ratnan tana' ini. Ini punneh tana' ini megateh nemuyuh.

YAHYA 17:14

Ui ini nengacing balaMu kuandeh; idi uang tana' ini megateh nedeh, ngaceku ideh baken ratnan tana' ini, mepad kudeng Ui teh baken ratnan tana' ini.

YAHYA 7:7

Uang tana' ini na megateh nemuyuh iamo' ieh megateh Negku, ngaceku ui ngegala' ratnan amung-amung kekamendeh luk dat.

SURAT LUK BIRE PAULUS KUAN LUN RUM 5:10

Atun tau mangun ku bunu' Allah, idi tau nengalap pedo' denganNeh ngaceku até AnakNeh. Ngaceku tau mangun ku rurum Allah, na miak na tau uen ngulun ngaceku ulun Keristus.

SURAT LUK BIRE PAULUS KUAN LUN RUM 8:7

Lemulun luk ngerawé maya' pinian burur pebunu' dengan Allah, ngaceku na maya' ukum Allah, idi na tu-tu miak.

1 KORINTUS 1:20

Iapehké lun mileh ineh? Iapehké guru-guru Ukum ineh? Iapehké lun luk mileh pekitun bang kareb ini? Allah nenganau' ileh tana' ini mebacé?

1 KORINTUS 1:21

Ngaceku Allah, dengan ilehNeh, pangeh nengitek dalan, pad lemulun na miak ngiti Allah dengan ilehdeh sebuleng. Iamo' Allah pian ngulun lemulun luk manu ku bada' luk “mebacé” ini luk badén kai.

GALATIA 1:10

Inanké muyuh ngerawé ui pian buren lemulun? Na tu! Ui pian buren Allah. Inanké ui pian pedingeren lemulun? Kudeng pieh kudeng ineh, idi baken ui ini demulun Keristus.

YAKUB 1:27

Baya' luk meligan idi meriput pa kiung Allah Taman, ieh ineh ngikak anak maté idi decur tinula' bang susa'deh, idi ngasa' burur pad na uen tana' ini ngelutak.