YAKUB 4:2 - BALA LUK DO'

² Muyuh melili, iamo' na muyuh miak ngalap. Muyuh ngaté idi mét niat, iamo' na muyuh miak ngalap; muyuh pekedaluh idi pebunu', iamo' na muyuh miak ngalap ngaceku muyuh na mutuh ratnan Allah.

YAKUB 4:2 Iomraidhean Croise

RACA'-RACA' LUK PUN-PUN 21:6

Idi kebalaneh, “Ngaceku bala Nabot negku. Ui nemutuh melih kabun anggurneh. Kian, kudeng ieh pian ui miak maré aceh kabun anggur ku libalneh. Iamo' kebalaneh, ‘Ara' ui maré ineh.’ ”

BALE' 1:19

Lun luk mano idi ngaté lemulun na miak na maté.

LUN LUK MADA' 4:8

Inan lemulun luk tudo sebuleng na lun dengan. Na anakneh, na kinanakneh, iamo' ieh megéi ngakem, ngaceku na ieh mawang niat ku ieh mula' binaweh teh. Kekamenneh kuan idéké? Ngudehké ieh na miak ngawang niatneh? Ini pana' na ulekneh, ngaceku mulun dengan mesusa'.

YESAYA 7:12

Idi kebala Akas, “Na tu ui mutuh tanu'. Ui na sikal nutun Tuhan.”

HABAKUK 2:5

Lemulun luk mangun ku lun do' uen naluk ku binawehdeh. Lemulun luk manga medita' niat idi megagau idi na miak mebor mepad kudeng até. Ineh pundeh ngalap anid-anid bawang kuandeh.

YAHYA 16:24

Macing nekini pana' muyuh nateh nemuyuh anun-anun bang ngadanKu. Do' mutuh, pad muyuh miak ngalap, pad awang muyuh miak meriput peh.

YAHYA 4:10

Idi kebala Yésus, ‘Kudeng iko kali' katu Allah idi idé Lemulun luk mutuh namu maré luk rupen, na miak na iko mutuh rat Neneh, pad Ieh maré abpa' luk mulun kuanmu.”

YAKUB 1:5

Kudeng inan seburur rat arang muyuh luk na petap ileh, idi do' ieh mutuh inan Allah, luk maré dengan mekatu kuan anid-anid lemulun dengan na ngesala' neneh, idi kali' rungen miak barén kuanneh.

YAKUB 5:6

Muyuh pangeh nengukum idi nengaté lemulun luk matu ineh; ieh na sikal metueh rat nemuyuh.

1 YAHYA 3:15

Idé-idé luk megateh inan kinanakneh, ieh ineh selemulun luk ngaté; idi muyuh kali' seburur lemulun luk ngaté na luk idi ulun luk meruked bang neneh.