YAKUB 4:12 - BALA LUK DO'

¹² Idi inan Sebuleng mo' luk maré ukum idi luk mangun ku lun luk mutut besara', ieh ineh Allah luk melalud ngulun idi ngaté, iamo' idéké iko ini luk ngesala' lun denganmu?

YAKUB 4:12 Iomraidhean Croise

AYUB 38:2

Idéké iko luk na manu ku ilehKu? Iko ngegala' bacému mo'.

YESAYA 33:22

Amung luk ku ngabet luun kapal bunu' ineh na ulek. Kibung luk ku nganau' kapal nalan na miak tebalad! Amung binaweh bunu' miak tebanen. Inan pelaba ula' pad lemulun luk mekio' pana' miak ngalap aceh babpat. Tuhan sebuleng mangun ku raca' tau. Ieh miak ngimet netau idi matar netau.

MATIUS 10:28

Idi aleg matot nedeh luk ngaté burur mo', idi na melalud ngaté niat; iamo' do' muyuh matot nan Allah luk melalud ngaté niat idi burur pana' bang apui.

LUKAS 12:5

Iamo' Ui sikal ngegala' kuan muyuh idé-idé luk miak inan muyuh matot, ieh ineh do' matot inan Allah, luk inan lalud nala' bang apui kareb Ieh pangeh nengaté. Matu, Ui pebala nemuyuh, do' muyuh matot inan Allah.

SURAT LUK BIRE PAULUS KUAN LUN RUM 14:13

Ngaceku ineh aleg tau ngesala' seburur dengan seburur teh, iamo meluun do' muyuh mutut ini, pad aleg seburur ngesabeng kinanakneh pad ieh mebpeh.

SURAT LUK BIRE PAULUS KUAN LUN RUM 14:4

Idéké iko ini luk ngesala' demulun lun baken? Tuanneh sebuleng luk kali' kudeng ieh do', kian dat lek. Idi ieh miak tuped meraben, ngaceku Tuhan melalud ngetueh neneh.

SURAT LUK BIRE PAULUS KUAN LUN RUM 2:1

O lun rurumku, mekuu'ké iko ngesala' nelun baken? Iko idi idé-idé pana' na miak ngor. Ngaceku kudeng iko ngesala' nelun baken, iamo' iko sebuleng nganau' kudeng ineh teh, iko ngacing ukum kuan bururmu sebuleng.

SURAT LUK BIRE PAULUS KUAN LUN RUM 9:20

O kinanakku, idéké iko luk sikal pesaad dengan Allah? Miakké luk pinipi' ineh pebala kuan luk mipi' ineh, “Ngudehké iko nenganau' negku kudeng ini?”

IBERANI 7:25

Idi Ieh melalud ngulun idi ngeligan amung-amung lemulun luk amé' matun Allah lemaba Neneh, ngaceku Ieh megéi' mulun idi mutuh ngaceku ideh.

YAKUB 5:9

O kinanak-kinanakku, aleg muyuh medureng rat arang muyuh sebuleng, pad muyuh na mekaneh ukum Allah. Siruh, Lun luk Mutut Besara' ineh tuped munung tanga'.

SEMUIL LUK PUN-PUN 25:10

Idi kebala Nabal nedeh, “Idéké Daud ineh? Idi idéké anak Isai ineh? Idi nekini mula' lun duken luk buro ratnan tuandeh.