YAKUB 4:11 - BALA LUK DO'

¹¹ O kinanak-kinanakku, aleg seburur ngedat lemulun. Lemulun luk ngedat kinanakneh idi ngesala' kinanakneh, ieh luk ngedat Ukum idi ngesala' Ukum ineh teh. Iamo' kudeng iko ngesala' Ukum ineh, na iko lemulun luk maya' Ukum ineh, iamo' mangun ku luk mutut neneh.

YAKUB 4:11 Iomraidhean Croise

NANI UBUR 140:11

Nima' lemulun luk ngesala' nelun baken dengan mebalih uen ngelaya'; idi nima' luk dat macing kuan lemulun luk mesangit, pad ngaté neneh.

LUKAS 6:37

“Aleg muyuh ngesala' nelun, pad muyuh na miak uen Allah ngesala; idi aleg ngukum seburur lemulun, pad muyuh na miak kumin Allah; do' muyuh maré do', pad Allah maré do' nemuyuh.

SURAT LUK BIRE PAULUS KUAN LUN RUM 2:1

O lun rurumku, mekuu'ké iko ngesala' nelun baken? Iko idi idé-idé pana' na miak ngor. Ngaceku kudeng iko ngesala' nelun baken, iamo' iko sebuleng nganau' kudeng ineh teh, iko ngacing ukum kuan bururmu sebuleng.

SURAT LUK BIRE PAULUS KUAN LUN RUM 2:13

Ngaceku baken lemulun luk ninger Ukum luk matu pa kiung Allah, iamo' luk maya' Ukum ineh luk ruen matu peh.

SURAT LUK BIRE PAULUS KUAN LUN RUM 7:7

Ngaceku ineh anunké luk miak belén tau? Ukum ineh sala'ké? Na tu-tu! Iamo' ui na kali' sala', kudeng baken ratnan Ukum ineh, ngaceku na ui kali' ratnan melili, kudeng na Ukum ineh mala, “Aleg iko melili!”

1 KORINTUS 4:5

Ngaceku ineh aleg muyuh ngukum idé-idé pana' kareb nateh karebneh, ieh ineh kareb nateh Tuhan macing. Ieh miak ngegala' anun-anun luk inapung bang dacem, idi Ieh ngelio amung-amung pinian niat lemulun. Anid-anid burur miak ngalap ubur ratnan Allah.

2 KORINTUS 12:20

Ui merapang, idi kareb ui macing, kian ui miak nier nemuyuh baken ratnan luk pianku, idi muyuh pana' nier negku baken ratnan luk pian muyuh. Ui merapang inan kedaluh, temaruh, useh, patad-patad, ngedat, payek-payek, mesido' niat, idi ria' lek.

EPESUS 4:31

Do' amung-amung luk mepét, megateh nait, useh, kedaluh, idi kuyo talan rat arang muyuh dengan amung-amung luk dat.

1 TIMOTIUS 3:11

Kudeng ineh teh do' awandeh mepiteb, idi na ngatum bala, idi do' ideh ngimet bururdeh idi lutep bang luk amung-amung.

2 TIMOTIUS 3:3

Ideh na méi', na sikal pedo', ngesala' lemulun, na ngimet bururdeh, mesangit, idi megateh inan luk do'.

TITUS 2:3

Kudeng ineh teh do' amung-amung decur luk remerar mulun maya' baya' luk matu, ieh ineh na ngedat lemulun, na mangun ku demulun abpa' anggur, iamo' mada' anun-anun luk do',

YAKUB 1:16

Aleg muyuh uen naluk, O kinanak-kinanak luk inanku mawa!

YAKUB 1:19

Do' ngerawé bala ini, O kinanak-kinanak luk inanku mawa. Do' anid-anid burur lemulun mesaget ninger idi mulai peburi', idi mikat museh.

YAKUB 1:25

Iamo' lemulun luk ngerawé ukum luk meriput luk muit lemulun, idi luk lutep ngerawé ineh, baken ninger mo' idi mekelupan, iamo' maya' ineh, lemulun ineh uen Allah ngeperuan bang amung-amung kekamenneh.

YAKUB 2:8

Iamo' kudeng muyuh maya' ukum Imet, mepad kudeng ayat bang Surat Allah, “Do' iko mawa inan lun denganmu mepad kudeng bururmu sebuleng,” idi kekamen muyuh ineh do' teh.

YAKUB 5:10

O kinanak-kinanakku, do' ngerawé dalan susa' idi ulai niat amung-amung nabi luk pangeh nepebala dengan ngadan Tuhan.

YAKUB 5:7

Ngaceku ineh, O kinanak-kinanakku, do' muyuh mulai niat pad kareb Aco Tuhan ineh macing. Siruh, lemulun luk bang lati' nganét bua' luk do' remuat ratnan tana' dengan mulai niat, pad macing udan luk pun-pun idi luk muci.

YAKUB 5:9

O kinanak-kinanakku, aleg muyuh medureng rat arang muyuh sebuleng, pad muyuh na mekaneh ukum Allah. Siruh, Lun luk Mutut Besara' ineh tuped munung tanga'.

1 PETRUS 2:1

Ngaceku ineh do' nala' amung-amung luk dat, amung-amung balih, siayu, temaruh, idi buri' luk dat.