YAKUB 4:10 - BALA LUK DO'

¹⁰ Ngebeneh burur muyuh pa kiung Allah, idi Ieh miak ngedita' nemuyuh teh.

YAKUB 4:10 Iomraidhean Croise

INUL LUK KEDUEH 7:14

kudeng pupuKu luk titen ku ngadanKu, ngebeneh bururdeh idi sembayang idi nakap Negku, idi uren ratnan lawedeh luk dat ineh, idi Ui miak ninger rat bang surga idi mare do' ku sala'deh, idi ngedo' bawangdeh.

AYUB 22:29

Allah ngebeneh lemulun luk medita' niat idi ngulun lemulun luk mebeneh niat.

AYUB 5:11

Allah ineh luk ngikit nelun luk masi', idi ngawang niat lun luk temido.

NANI UBUR 113:7

Ieh ngiding lun masi' rat bang abuh, idi nui lun luk melaya' ratnan derehdeh,

NANI UBUR 147:6

Ieh naped lemulun luk mebeneh niat, idi ngebeneh lemulun luk dat.

NANI UBUR 27:6

pad ui metueh ratnan bunu' luk libutku. Ui miak ngudub dengan mawang niat idi maré baré bang ruma'Neh. Ui miak menani idi ngubur Tuhan.

NANI UBUR 28:9

Ngulun pupuMu, Tuhan, idi ngeperuan lemulun luk Iko kuan! Do' Iko mangun ku lun matar nedeh, idi megéi' nginita nedeh.

NANI UBUR 30:1

Ui ngubur Namu, Tuhan ngaceku Iko nengulun negku, idi nemebpeng bunu'ku na situnga negku.

PURA' 10:3

Musa idi Arun iné' papu' raca', idi kebala didueh neneh, “Kebala Tuhan Allah lun Iberani, ‘Tuda' io teh iko ara' maya' bala Allah. Nima' pupuKu ini nalan idi sembayang Negku.

BALE' 29:23

Dita' niat ngacing ebpeh lemulun, iamo' lemulun luk mebeneh niat miak buren.

YEHISKIEL 21:26

Ui ini Tuhan Allah pangeh nepebala. Do' ngedita' luk mebeneh, idi ngebeneh luk medita'!

MATIUS 23:12

Idi idé-idé luk ngedita niatneh sebuleng, ieh ineh miak uen ngebeneh peh; idi idé'idé luk ngebeneh niatneh sebuleng, ieh ineh miak uen ngedita' peh.

LUKAS 1:52

Ieh nengebeneh raca'-raca' ratnan kerusi imetdeh, idi nengedita' lemulun luk mebeneh.

LUKAS 14:11

Ngaceku anid-anid lemulun luk ngedita' bururneh, ieh ineh miak uen ngebeneh, idi lemulun luk ngebeneh bururneh miak uen ngedita'.”

LUKAS 18:14

Idi Ui pebala nemuyuh, lemulun ini muli' imo Allah matu baken ratnan lun Parisi ineh; ngaceku anid-anid lemulun luk ngedita' bururneh miak uen ngebeneh; iamo' lemulun luk ngebeneh bururneh miak uen ngedita'.”

1 PETRUS 5:6

Ngaceku ineh do' muyuh ngebeneh burur muyuh pa liang ticu' Allah luk meluun melalud ineh, pad Ieh ngedita' nemuyuh bang karebNeh.

SEMUIL LUK PUN-PUN 2:7

Tuhan luk nganau' lun masi' idi lun do'; Ieh luk ngebeneh, idi luk ngedita'.

SEMUIL LUK PUN-PUN 2:9

“Ieh nginita ulun lemulun luk manu Neneh. Iamo' lemulun luk dat maté bang dacem. Lemulun na metueh ngaceku tuehneh sebuleng.