YAKUB 4:1 - BALA LUK DO'

¹ Rat iapehké acingneh pebunu', idi rat iapehké acingneh kedaluh luk arang muyuh? Acingdeh ratnan pian burur muyuh luk sikal metueh bang niat muyuh.

YAKUB 4:1 Iomraidhean Croise

YEREMIA 17:9

“Idéké luk miak kali' niat lemulun? Ieh ineh luk naluk meluun ratnan luk anun-anun. Ieh mebura' ét, idi na miak uen ngedo'.

MATIUS 15:19

Ngaceku rat bang niat remuat teruayen luk dat, ngaté, pasét, mesawa', mano, mebalih, nguyo.

YAHYA 8:44

Taman muyuh, ieh ineh Iblis, idi muyuh sikal maya' pian taman muyuh. Rat pun-pun Iblis, ieh ineh lun ngaté, idi na ieh tudo bang luk matu, ngaceku na luk matu bang neneh. Kareb ieh mebalih idi ieh pebala maya' ayuneh sebuleng, ngaceku ieh luk mebalih ineh taman amung-amung balih.

SURAT LUK BIRE PAULUS KUAN LUN RUM 7:23

iamo' ui nier inan ukum luk baken bang bururku, luk sikal metueh ratnan ukum luk imo terawéku, idi luk naban negku pa liang ukum sala' luk ngakem bang bururku ini.

SURAT LUK BIRE PAULUS KUAN LUN RUM 7:5

Kareb tau mulun maya' ulun tana' ini, idi pinian burur tau luk mepanu' ku sala', luk tinui ratnan Ukum ineh, nengakem bang burur tau, pad ngeruat bua'-bua' luk macing inan até.

SURAT LUK BIRE PAULUS KUAN LUN RUM 8:7

Lemulun luk ngerawé maya' pinian burur pebunu' dengan Allah, ngaceku na maya' ukum Allah, idi na tu-tu miak.

GALATIA 5:17

Ngaceku pinian burur sikal metueh ratnan Roh, idi pinian Roh ineh sikal metueh ratnan pinian burur, ngaceku dueh-duehneh ini pebunu' pad muyuh na miak nganau' luk pian muyuh.

KOLOSE 3:5

Do' muyuh ngilep amung-amung kekamen tana' ini, ieh ineh, pasét, luk melutak, maya' pian burur sebuleng, idi lili luk dat, idi teh lili luk mepad kudeng sembayang inan akang.

2 TIMOTIUS 2:23

Iamo' ngado bururmu ratnan saad luk mebacé idi luk na ulekneh, ngaceku iko kali' luk kudeng ineh ngacing kedaluh.

TITUS 3:3

Ngaceku atun tau pana' mebacé, ngelaba bala, neraruh, mangun ku demulun kuan amung-amung lili idi rot luk dat bang tana' ini. Kareb ineh tau mulun bang luk dat idi ét niat, luk inan lemulun megateh, idi megateh seburur inan seburur.

TITUS 3:9

Iamo' ngado bururmu ratnan saad luk mebacé idi bala ratnan ngadan tepun, kedaluh, idi pesaad ratnan Ukum. Amung-amung luk kudeng ineh mo'-mo' idi na ulek.

YAKUB 1:14

Iamo' lemulun mekaneh tutun kareb ieh rinuid idi tiban ratnan pian buruneh sebuleng.

YAKUB 4:3

Idi muyuh mutuh, iamo' muyuh na miak ngalap, ngaceku putuh muyuh sala'. Muyuh mutuh luk ngawang niat muyuh sebuleng.

1 PETRUS 1:14

Do' muyuh mulun mepad kudeng anak-anak luk lutep maya' ukum, idi aleg muyuh mulun maya' pian burur muyuh luk atun ineh, luk bang kareb muyuh mebacé.

1 PETRUS 2:11

O luk inanku mawa, ui mutuh nemuyuh mepad kudeng lun sakai idi lemulun luk tudo segageh bang tana' ini! Do' muyuh ngado burur muyuh ratnan amung-amung lili tana' ini luk pebunu' dengan ulun muyuh.

2 PETRUS 2:18

Ideh ngerayeh bururdeh dengan bala luk mo'-mo', idi dengan kekamen pinian burur luk melutak, ideh ngubuk lemulun luk ngimun buro ratnan lemulun luk neraruh ineh.

2 PETRUS 3:3

Pun-pun, ngerawé do'-do'! Kareb aco kekiped, miak macing tuda'-tuda' lun luk nalan maya' pinian bururdeh sebuleng.