YAKUB 3:6 - BALA LUK DO'

⁶ Idi dila' ineh sebuleng apui. Idi rat arang amung-amung babpat uang tau dila' ineh aceh tana' mepanu' ku luk dat. Ieh miak ngeraruh amung-amung burur, idi miak ngeseb amung-amung ulun tau, idi ieh sebuleng pana' miak sabpen bang apui.

YAKUB 3:6 Iomraidhean Croise

SEMUIL LUK KEDUEH 16:20

Idi kebala Absalom ni Ahitopel, “Do' iko mada' anun luk petulu ruen tau.”

SEMUIL LUK KEDUEH 19:43

Kebala lun Israil nelun Yahuda, “Kai inan pulu' babpat ratnan raca', ieh ineh ratnan Raca' Daud. Idi kai meluun rayeh rat nemuyuh. Ngaceku ineh ngudeh muyuh ngedat nekai. Kai luk pun-pun nengitun ratnan nguit raca' lemubed?” Iamo' bala lun Yahuda ineh meluun tueh ratnan bala lun Israil ineh.

INUL LUK KEDUEH 13:17

Idi Abia idi bawehneh ineh nengelaya' nedeh. Idi 500,000 lun Israil luk mesangit pinatédeh.

NANI UBUR 140:3

Dila'deh mepad kudeng menipeh luk mesangit, idi baladeh mepad kudeng galih ticuk seruang.

NANI UBUR 64:3

Ideh ngir dila'deh mepad kudeng pelapet, idi mayung luk megateh mepad kudeng gaman.

BALE' 15:1

Or dengan mebeneh niat miak ngelaya' useh, iamo' or luk metueh ngegio useh.

BALE' 16:27

Lemulun luk dat nakap dalan ngedereh nelun baken; idi balaneh mepad kudeng apui luk ngeseb.

BALE' 7:5

Idi ratnan ineh iko miak uen ngado ratnan decur dulun, idi ratnan decur luk ngeruid niatmu.

YESAYA 30:27

Lalud idi rayeh Allah miak siren rat mado! Apui idi rabpun ngegala' usehNeh. Ieh pebala, idi balaNeh ngeseb mepad kudeng apui.

YESAYA 50:11

O muyuh luk ngapui idi nguit sesakan, do' muyuh sebuleng nalan bang apui ineh, idi arang sesakan luk tinutud muyuh. Ini ukum luk barénKu nemuyuh; muyuh miak maté dengan medereh.

YEREMIA 20:10

Ui ninger lun mula' payek-payek. “Inan Luk Katot Iapeh-Iapeh.” Kebaladeh, “Do' tau ngadu' neneh!” Lun rurumku pana' pian ku ui mebpeh. Kebaladeh, “Miak ieh uen naluk lek. Do' tau ngakem neneh idi ngua' datneh.”

YEREMIA 28:16

Ngaceku ineh, kebala Tuhan, ‘Ui pian nala' namu. Kareb nateh lak ini mabud iko miak maté ngaceku iko nengecuk pupu ini ngelaba bala Tuhan.’ ”

UKUM 24:11

Idi ieh nenguyo ngadan Tuhan ineh dengan kediman teh. Idi ideh nenguit neneh iné' papu' ni Musa. Idi ngadan tinanneh Selomit Dibri ratnan inul Dan.

IAP 25:2

Decur ineh nenawar nelun Israil kareb ideh maré luk barén kuan akangdeh. Idi ideh nekuman idi netekeradung inan akangdeh.

IAP 31:16

Ngaceku ideh ineh luk nenganau' nelun Israil nelemubed ratnan Tuhan, kareb ideh nemaya' bala Bilam idi nesembayang déi' Pior, pad ét ineh nacing nan pupu Tuhan.

MATIUS 12:24

Kareb lun Parisi neninger bala ini, keburi'deh, “Lemulun ini nala' ada' ku lalud Balsebul, lun rayeh ada' ineh.”

MATIUS 5:22

Iamo' nekini Ui pebala nemuyuh: idé-idé luk museh inan kinanakneh, ieh miak iten amé' besara, idi idé-idé luk pebala nan kinanakneh, ‘Iko mebacé,’ ieh miak iten papu' lun luk rayeh; idi idé-idé luk pebala, ‘Iko meruden,’ ieh luk ngalap ua'neh bang apui.

MARKUS 7:15

Idi na luk idi anun-anun pana' luk macing rat pa luun burur lemulun idi semuet bang bururneh, miak ngelutak neneh, iamo' luk remuat rat bang niat lemulun, ineh luk ngelutak neneh.

LUKAS 16:24

Idi ieh nengitang, keburi'neh, ‘O tamanku Ibrahim! Méi' negku, idi ngecuk Lasarus amé' negku idi ngerereb paped bua' ticu'neh bang abpa', idi ngeteneb dila'ku ngaceku ui pelaba dereh bang apui ini.’

KEKAMEN RASUL-RASUL 20:30

Idi rat arang muyuh sebuleng pana' miak tumui tuda'-tuda' lemulun luk mada' bada' luk tekilu', pad ngeruid niat lun manu ineh maya' nedeh.

KEKAMEN RASUL-RASUL 5:3

Iamo' kebala Pétrus neneh, “O Ananias, ngudehké Iko nenima' Sétan ngimet niatmu, pad iko mebalih inan Roh Meligan idi nenganug sebuang raga tana' ineh?

KEKAMEN RASUL-RASUL 6:13

Idi ideh nenguit tuda'-tuda' lemulun pad ideh mebalih, kebaladeh, “Lemulun ini na ugka' nguyo Ruma' Allah idi Ukum Musa pana'.

BADA' RATNAN UKUM 13:6

“Idi kudeng kinanakmu luk sebuleng tinan namu, kian anakmu deléi, kian anak decurmu, kian awan luk gipalinmu, kian lun denganmu luk inan niatmu mawa ngubuk namu dengan lulem, kebalaneh, ‘Amé' kiteh sembayang inan allah baken,’ luk na inanmu idi tepunmu nepekalai,

TITUS 1:11

Tangdeh na miak na uen niep, ngaceku ideh ngagau amung uang tetek ruma' lemulun, idi mada' luk na petulu, pad ngalap binaweh mo'.

YAKUB 2:7

Bakenké ideh ineh luk nguyo ngadan luk do', luk pangeh biré kuan muyuh?

YAKUB 3:7

Ngaceku amung-amung pung luk meliput, suit, menipeh, idi luk bang abpa' ineh pana' miak uen lemulun ngelayo;

2 PETRUS 3:3

Pun-pun, ngerawé do'-do'! Kareb aco kekiped, miak macing tuda'-tuda' lun luk nalan maya' pinian bururdeh sebuleng.

3 YAHYA 1:10

Ngaceku ineh kareb ui macing, ui pian ngegala' amung-amung luk inau'neh ineh: ieh neh kuyoneh nekai, idi balihneh pana'! Iamo' na ieh musam ku ineh. Iamo' ieh ara' nganak kinanak-kinanak tau, kareb ideh macing idi ieh mebpeng lemulun luk sikal nganak nedeh, idi nala' nedeh rat bang sidang.

BALA LUK LINIO 12:9

Galau luk rayeh ineh tila', ieh ineh menipeh luk mengered, luk titen Iblis idi Sétan ineh, luk nenaluk amung uang tana' ini. Ieh pangeh tila' luun tana', idi amung-amung bawehneh pana' pangeh tila' denganneh.

BALA LUK LINIO 13:14

ieh nenaluk amung-amung luk tudo bang tana' ini ku mula' tanu' luk biré kuanneh dengan lalud nganau' amung-amung luk kudeng ineh pa kiung pung ineh. Ieh ngecuk uang tana' ini nganau' akang kuan pung luk pangeh inurat ku pelapet iamo' mulun.

BALA LUK LINIO 18:23

Idi acang ilu' na tu-tu miak macang bang namu, idi uni tang deléi luk ngaweh idi decur pana', na tu-tu miak pedingeren bang namu. Amung-amung lemulunmu luk pepua', ieh ineh luk meluun mebala aput tana', idi ratnan bangunmu amung-amung pupu pangeh neraruh!”

BALA LUK LINIO 19:20

Idi pung ineh pana' kikem pad-pad dengan nabi luk mebalih luk pangeh nenganau' tuda'-tuda' tanu' luk nan mawa pa kiungneh. (Idi dengan tanu'-tanu' ineh ieh nengeraruh lemulun luk inan etu pung ineh, idi luk pangeh sembayang inan akangneh.) Didueh ineh tila' dengan mulun bang takung apui luk mebudung ku batu apui.