YAKUB 3:5 - BALA LUK DO'

⁵ Kudeng ineh teh dila' ineh sebabpat uang luk isuut, iamo' ieh metueh ngerayeh bururneh. Siruh kudeng apeh rayehneh pulung kara miak sabpen apui luk isuut!

YAKUB 3:5 Iomraidhean Croise

AYUB 22:17

Ieh ineh lemulun luk na maya' Allah, idi na manu ku Ieh miak ngukum nedeh.

NANI UBUR 10:3

Lemulun luk dat mesido' ratnan pianneh luk dat, idi lemulun luk ucet nakap binaweh nguyo idi situnga nan Allah.

NANI UBUR 17:10

Na ideh méi', idi ideh pebala dengan medita' niat.

NANI UBUR 39:1

Kebalaku, “Ui miak matar do'-do' ratnan luk ruenku, pad balaku na mesala'. Ui na mala anun-anun kareb lemulun luk dat muneng.”

PURA' 15:9

Idi kebala bunu' ineh, ‘Ui ngerada' nedeh, pad ngigket nedeh; ui mabpat binawehdeh, idi ngalap luk pianku. Ui ngangat pelapetku; langenku miak ngaté nedeh.’

PURA' 5:2

Iamo' kebala raca', “Idé-ké Tuhan luk miak bénku bala, pad ui nima' nelun Israil ineh nalan? Na ui kali' Tuhan ineh, idi na ui maré lun Israil nalan.”

BALE' 12:18

Bala luk na tabpen ngurat mepad kudeng pelapet, iamo' bala lemulun luk matu ngedo' nelun.

BALE' 15:2

Kareb lemulun luk mileh pebala, ileh ineh ngeruid niat, iamo' bala lun luk mebacé na ulekneh.

BALE' 18:21

Balamu miak ngulun idi ngaté. Iko luk kuman amung bua' balamu.

BALE' 26:20

Kudeng na kayuh, apui maté; kudeng na ngatum buri', kedaluh uen ngedo'.

YEREMIA 18:18

Idi kebala lun mula', “Do' tau nala' ni Yeremia! Inan teh imam-imam luk miak mada' netau, idi lun mileh luk ngubuk netau, idi nabi-nabi luk miak mada' bala Allah. Do' tau ngadu' neneh, idi aleg ninger bada'neh.”

YEHISKIEL 28:2

“O lemulun, mada' Raca' Sur ratnan luk belén Tuhan Allah neneh: ‘Iko pelaba dita' niat, pad iko mala iko aceh allah. Kebalamu, “Ui mepad kudeng aceh allah luk tudo luun kerusineh, luk linibut abpa' rayeh.” Sagan tu pana' iko siayu mangun ku aceh allah, setuneh iko lemulun idi baken Tuhan.

YEHISKIEL 29:3

Kudeng ini bala Tuhan Allah kuan Raca' Masir, ‘Ui ini bunu'mu, O buayeh luk rayeh luk tudo bang abpa'. Iko pebala, Abpa' Nil iko kuan, idi teh iko pebala, iko nemudut bururmu sebuleng.

DANIEL 3:15

Ngaceku ineh, kareb meteluh ninger uni serupit, suling, giula', gita, idi amung-amung luk muni ineh, do' meteluh tekeradung sembayang inan akang ineh. Kudeng na, muyuh miak talan bang tetel apui. Inanké allah luk miak ngulun nemeteluh?”

DANIEL 4:30

idi kebalaneh, “Siruh kudeng apeh rayeh bawang Babil! Ui nemudut ineh mangun ku bawangku luk rayeh, pad ui ngegala' lalud idi tuehku, rayeh idi uburku.”

YAKUB 3:4

Ngerawé teh ratnan kapal, ieh pelaba rayeh idi kerungen bui luk metueh, idi uen ngeliud amé' iapeh-iapeh luk pian lemulun luk ngimet neneh dengan ulin luk isuut tu.

2 PETRUS 2:18

Ideh ngerayeh bururdeh dengan bala luk mo'-mo', idi dengan kekamen pinian burur luk melutak, ideh ngubuk lemulun luk ngimun buro ratnan lemulun luk neraruh ineh.

YAHUDA 1:16

Lemulun ini dureng-dureng idi ngadu'-ngadu'. Ideh maya' pian bururdeh sebuleng, idi ngubur bururdeh sebuleng idi ngedita' nelun baken pad ngalap tabpar kuan bururdeh sebuleng.