YAKUB 3:17 - BALA LUK DO'

¹⁷ Iamo' ileh luk rat surga pun-pun meligan, pangeh ineh sikal pedo', do' buri', idi do' baya' ukum, idi panu' dengan éi' idi bua'-bua' luk do' dengan na metebaceng, idi dengan na naluk.

YAKUB 3:17 Iomraidhean Croise

RACA'-RACA' LUK PUN-PUN 3:12

idi Ui nganau' luk pinutuhmu. Idi Ui maré namu niat luk mileh idi luk kali' ngelio, pad na luk idi luk mepad kudeng iko atun rat namu, idi muci teh.

RACA'-RACA' LUK PUN-PUN 3:28

Idi kekiped ukum luk pingeh raca' ini nekali' amung lun Israil. Idi ideh matot pa kiung raca' ngaceku ideh kali' ileh Allah luk biré neneh, pad ieh nganau' luk mepiteb.

RACA'-RACA' LUK PUN-PUN 3:9

Ngaceku ineh maré ileh kuanku pad ui miak ngimet pupuMu dengan mesiri. Ngaceku mesusa' kuanku ngimet pupuMu luk pelaba ula' ini.”

INUL LUK PUN-PUN 22:12

Do' Tuhan maré kuanmu ileh idi beneh niat, pad iko nguyut nelun Israil, petulu ku ukumNeh.

INUL LUK PUN-PUN 22:9

Iamo' Tuhan nepejani' negku, kebalaNeh, ‘Muci inan anak deléimu. Idi ieh na miak amé' pebunu', ngaceku Ui maré neneh pedo' dengan amung bunu'neh. Idi ngadanneh Selimun, ngaceku kareb imetneh Ui maré do' udeng idi awang kuan amung lun Israil.

AYUB 28:12

Iamo' rat iapehké ileh luk matu? Kudeng apehké tau miak sibada' pad tau miak kali'?

AYUB 28:23

Allah sebuleng mo' luk kali' dalanneh, idi su luk inan ileh,

AYUB 28:28

Kebala Allah kuan lemulun, “Do' muyuh matot inan Tuhan pad muyuh mileh, idi teketed ratnan luk dat, pad muyuh do' kali'.”

PURA' 36:2

Musa nenawar ni Besalel, Aholiab, idi amung lun luk mileh luk nepimaran Tuhan ileh, idi amung lun luk nesigio niat, pad ideh amé' nganau' kekamen ineh.

BALE' 2:6

Tuhan, ieh ineh luk maré ileh. Ileh idi do' kali' macing rat Neneh.

YESAYA 2:4

Ieh miak ngagka' kedaluh arang pupu luk rayeh, pad ideh nuno pelapetdeh ku radu, idi busudeh ku iyu. Pupu-pupu na pebunu' peh, idi na temina' ku bunu' teh.

YESAYA 32:6

Lun luk mebacé pebala dengan mebacé idi ngerawé ratnan nganau' kekamen luk dat. Luk ruenneh idi luk belénneh ngedat Allah. Ieh na maré akan kuan lemulun luk melau idi abpa' kuan lemulun luk meparing.

YESAYA 40:11

Ieh matar pupuNeh mepad kudeng lun luk matar dumba; Ieh ngamung anak dumbaNeh, idi ngabin nedeh; idi teh Ieh nguyut tinandeh ulai-ulai.

DANIEL 1:17

Allah nemaré inan apat anak adi' ineh ileh ratnan amung-amung surat idi teh terawé luk medalem. Idi Ieh nemaré ni Daniel ileh ngelio luk sinier idi nupi pana'.

MALAKI 2:9

Ngaceku ineh Ui pana' miak nganau' nelun Israil ngedat nemuyuh, ngaceku muyuh na maya' badaKu, idi kareb muyuh mada' ratnan luk pianKu, muyuh na nganau' luk mepad kuan amung lemulun.”

MALAKI 3:3

Ieh miak macing idi ngukum mepad kudeng lemulun luk ngederuno idi maru' pirak. Ieh miak maru' imamNeh mepad kudeng pirak idi amas luk inau' ngederuno, pad ideh maré baré luk petulu kuan Tuhan.

MATIUS 23:28

Kudeng ineh teh ayu burur muyuh mepad kudeng lun luk matu siren lun baken, imao' bang niat, muyuh mepanu' ku saluk idi luk dat.

MATIUS 5:8

“Samal kuan lemulun luk meligan niat, ngaceku ideh miak nier Allah.

MATIUS 5:9

“Samal kuan lemulun luk nguit lemulun pedo', ngaceku ideh miak tetanen ku anak-anak Allah.

LUKAS 21:15

Ngaceku Ui miak maré bala kuan muyuh idi ileh, luk na miak uen bunu'-bunu' muyuh ngelaya' idi uen ngedaluh.

LUKAS 6:36

Do' muyuh méi' nelun mepad kudeng Taman muyuh pana' méi nemuyuh.

YAHYA 1:14

Bala ineh pangeh mangun ku lemulun idi netudo arang tau. Tau pangeh nenier rayehNeh luk mepanu' ku katu idi luk matu. Ieh ineh rayeh luk ilapNeh ngaceku Ieh Anak sebuleng Allah Taman.

YAHYA 1:47

Kareb Yésus nenier Nataniel macing Neneh, idi Ieh nepebala ratnan ieh, “Siruh, seburur lun Israil luk matu, idi luk na naluk teh!”

KEKAMEN RASUL-RASUL 11:24

Barnabas ineh selemulun luk do', idi panu' ku Roh Meligan idi anu, idi lemulun luk lumi inan Tuhan luk amé' mula'.

KEKAMEN RASUL-RASUL 9:36

Déi Yopa inan seburur decur luk manu, ngadanneh Tabita, luk ilungneh Dorkas, ieh ineh “Talau.” Idi decur ineh megéi' nganau' kekamen luk do' idi méi' nelun masi'.

SURAT LUK BIRE PAULUS KUAN LUN RUM 12:18

Do' nganau' anun-anun luk petulu ruen muyuh, pad muyuh pedo' dengan amung-amung lemulun.

SURAT LUK BIRE PAULUS KUAN LUN RUM 12:9

Do' muyuh mawa dengan na siayu. Do' muyuh megateh inan luk dat, idi ngimet luk do'.

SURAT LUK BIRE PAULUS KUAN LUN RUM 15:14

O kinanak-kinanakku, ui kali' muyuh mepanu' ku luk do' idi ileh, pad muyuh miak mada' seburur dengan seburur.

1 KORINTUS 12:8

Kuan seburur, Roh maré bala ileh; idi kuan lun baken, bala kali' barén Roh ineh teh.

2 KORINTUS 10:1

Ui ini, Paulus sebuleng, ngubuk nemuyuh dengan mebeneh niat idi éi' Keristus. Ui mebeneh niat pa kiung muyuh, iamo' kareb ui mado rat nemuyuh ui mekuu'.

2 KORINTUS 6:6

Kai ngegala' nekai demulun Allah ratnan ligan, ileh, ulai niat, idi katu kai; idi teh ngaceku pedengan ratnan Roh Meligan, idi awa kai luk matu,

2 KORINTUS 7:11

Ngerawé luk inau' Allah ratnan susa' muyuh. Nekini muyuh pelaba kél ngegala' ratnan muyuh na mesala'. Kudeng apehké gateh, tot, tueh, idi kél muyuh, pad muyuh pelaba pian ngukum kekamen luk dat. Bang amung-amung ineh muyuh pangeh nengegala' nemuyuh matu.

2 KORINTUS 9:10

Idi Allah luk maré ilung kuan lun luk nibu, idi ruti kuan luk kenen, Ieh ineh teh miak maré idi ngula' tibu muyuh idi ngula' bua'-bua' ratnan katu muyuh.

EPESUS 5:9

Ngaceku bua'-bua' luk remuat rat bang acang, ieh ineh luk do', luk matu, idi luk mesiri.

PILIPI 1:11

Ulun muyuh miak uen manu' ku bua'-bua' luk matu ratnan Yésus Keristus, pad ngacing rayeh idi ubur kuan Allah.

PILIPI 4:8

Kekipedneh, O kinanak-kinanakku, anun-anun luk do', luk buren, luk matu, luk rayeh, luk mesiri, luk meligan, luk meluun do', idi luk petulu buren, ineh luk miak teruayen muyuh.

KOLOSE 1:10

pad ulun muyuh petulu dengan pinian Tuhan idi muyuh perurum denganNeh bang luk amung-amung, idi ngeruat bua' bang anid-anid kekamen luk do', idi pad ileh muyuh ratnan Allah amé'-amé' rayeh.

1 TESALONIKA 2:7

sagan pana' kai miak ruen muyuh ngasa', ngaceku kai rasul-rasul Keristus, iamo' kai mebeneh niat arang muyuh mepad kudeng sebuleng tinan ngasa' anak-anakneh sebuleng.

1 TIMOTIUS 5:21

Idi ui periteteng namu pa kiung Allah idi Yésus Keristus idi amung melaikat luk meligan, do' iko maya' bala ini dengan na mili' lemulun, idi dengan na ngerawé seburur meluun ratnan lun baken.

2 TIMOTIUS 2:24

Demulun Tuhan na miak pekedaluh. Do' ieh mulai niat kuan amung-amung, mileh mada' lemulun, idi mekadang niat bang dereh,

TITUS 1:15

Idi kuan lun luk meligan amung-amung meligan peh; iamo' kuan lemulun luk melutak idi luk na manu sebuleng pana' na meligan, ngaceku terawédeh idi teruayen niatdeh pana' melutak.

TITUS 3:2

Mada' nedeh pad ideh na nguyo seburur lemulun, idi na pekedaluh, iamo' pad ideh mulai buri', idi megéi' ngegala' do' niatdeh kuan amung-amung lemulun.

IBERANI 12:11

Kareb tau badén, bada' ineh na ngacing awang niat iamo' susa' niat. Iamo' muci lemulun luk bida' ineh ngalap bua'-bua'neh luk matu luk ngacing awang kuan lemulun luk bida' ineh.

IBERANI 12:14

Do' muyuh nakap pedo' dengan amung-amung lemulun idi nutun maya' ulun luk mleigan, ngaceku dengan na ligan ineh seburur pana' na miak nier Tuhan.

YAKUB 1:17

Anid-anid baré luk do' idi anid-anid katu luk meriput ineh macing rat surga idi temurun ratnan Taman, lawa amung-amung acang. Idi Ieh luk na miak misu' idi lungung-lungung luk medacem pana' na.

YAKUB 1:5

Kudeng inan seburur rat arang muyuh luk na petap ileh, idi do' ieh mutuh inan Allah, luk maré dengan mekatu kuan anid-anid lemulun dengan na ngesala' neneh, idi kali' rungen miak barén kuanneh.

YAKUB 2:13

Ngaceku Allah na méi' kareb Ieh ngukum lemulun luk na méi'; iamo' éi' ineh meluun rayeh ratnan ukum.

YAKUB 2:4

muyuh pangeh mesala'. Muyuh mili' arang muyuh sebuleng idi mangun ku lun luk mutut besara' dengan terawé luk dat.

YAKUB 3:15

Idi ileh ineh baken ileh luk macing rat surga iamo' ratnan tana', ieh ineh luk macing ratnan pian burur idi pian Iblis.

YAKUB 4:8

Do' muneng inan Allah idi Ieh miak muneng nemuyuh. Maru' ticu' muyuh, O muyuh lun mesala'; idi ngeligan niat muyuh, O muyuh luk perapid niat.

1 PETRUS 1:22

Ngaceku muruh pangeh nemaru' niat muyuh idi lutep maya' luk matu, pad muyuh mawa dengan amung-amung kinanak dengan na siayu, idi do' muyuh mawa seburur dengan seburur, dengan niat luk matu.

1 PETRUS 2:1

Ngaceku ineh do' nala' amung-amung luk dat, amung-amung balih, siayu, temaruh, idi buri' luk dat.

1 PETRUS 2:18

Do' muyuh demulun mebeneh ratnan tuan muyuh dengan amung-amung tot, baken kuan lemulun luk do' idi mawa mo', iamo' kuan lemulun luk megateh pana'.

1 YAHYA 3:18

O anak-anakku, aleg tau mawa dengan bala idi dengan dila'mo', iamo' dengan kekamen idi dengan luk matu.

1 YAHYA 3:3

Anid-anid lemulun luk merapet inan Keristus ineh, matar bururneh pad ieh meligan mepad kudeng Keristus pana' meligan.