YAKUB 3:16 - BALA LUK DO'

¹⁶ Ngaceku su apeh inan temaruh idi ngedita' burur sebuleng, idi su ineh teh inan ria' idi amung-amung kekamen luk dat.

YAKUB 3:16 Iomraidhean Croise

PUDUT 11:9

Idi ngaceku ineh, ngadan bawang ineh titen Babil, ngaceku déi' Tuhan nengeraruh bala amung-amung lemulun bang tana'. Idi rat déi' Tuhan nematad nedeh bang aput-aput tana'.

PUDUT 38:9

Iamo' Onan nekali' ratnan inul luk kudeng ineh baken kuan dieh; ngaceku ineh kareb ieh nepamung dengan awan kinanakneh, na ieh nepamung dengan awan kinanakneh, na ieh sikal nganau' inul neneh, ngaceku inul ineh maya' ngadan kinanakneh.

MARKUS 3:25

Kudeng aceh tetek ruma' patad-patad idi pekedaluh arangdeh sebuleng, idi tetek ruma' ineh na miak tuped.

KEKAMEN RASUL-RASUL 19:29

Idi ria' ineh nepiar aput bawang. Idi lun mula' nengakem ni Gayus idi Aristarkus, lun Makedonia luk maya' ni Paulus, idi nupun nguit nedidueh bang su luk inandeh marot.

SURAT LUK BIRE PAULUS KUAN LUN RUM 2:8

Iamo' kuan lemulun luk ngerawé bururdeh sebuleng idi luk na maya' luk matu, pad ideh nganau' luk dat, Allah miak ngacing useh idi gatehNeh.

1 KORINTUS 14:33

ngaceku baken pian Allah tau ngegau tebubpun, iamo' pad tau lutep. Mepad kudeng bang amung-amung sidang pupu Allah,

1 KORINTUS 3:3

Ngaceku kudeng inan ét niat idi kedaluh arang muyuh, bakenké muyuh bang ulun tana' ini idi maya' ulun lemulun luk bang tana' ini?

2 KORINTUS 12:20

Ui merapang, idi kareb ui macing, kian ui miak nier nemuyuh baken ratnan luk pianku, idi muyuh pana' nier negku baken ratnan luk pian muyuh. Ui merapang inan kedaluh, temaruh, useh, patad-patad, ngedat, payek-payek, mesido' niat, idi ria' lek.

GALATIA 5:20

sembayang inan akang, mangun, pebunu', kedaluh, temaruh, megateh niat, ngeluun bururmu sebuleng, patad, babpat-babpat,

YAKUB 3:14

Iamo' kudeng bang niat muyuh, muyuh temaruh, mét niat, idi ngedita' burur muyuh sebuleng, aleg muyuh medita' niat idi mebalih pa kiung luk matu ineh.

1 YAHYA 3:12

Aleg tau ini mepad kudeng Kain, luk nacing ratnan Luk Dat, idi nengaté kinanakneh. Anunké punneh ieh nengaté neneh? Ngaceku amung-amung kekamen Kain dat, iamo' kekamen kinanakneh ineh matu.