YAKUB 3:15 - BALA LUK DO'

¹⁵ Idi ileh ineh baken ileh luk macing rat surga iamo' ratnan tana', ieh ineh luk macing ratnan pian burur idi pian Iblis.

YAKUB 3:15 Iomraidhean Croise

SEMUIL LUK KEDUEH 13:3

Iamo' Amnon inan aceh rurumneh, ngadanneh Yonadab ineh lun luk mileh ku ileh luk bang tana' ini.

SEMUIL LUK KEDUEH 15:31

Idi kebaladeh ni Daud, “Ahitopel pana' idi arang lun rurum Absalom.” Idi kesembayang Daud, “O Tuhan ngisu' bala Ahitopel, pad balaneh mebacé!”

SEMUIL LUK KEDUEH 16:23

Idi kareb ineh bala luk biré Ahitopel ineh bén Daud idi Absalom mepad kudeng bala Allah.

YEREMIA 4:22

Kebala Tuhan, “PupuKu mebacé! Na ideh miti Negku. Ideh mepad kudeng anak luk dat ileh; idi ideh na mileh kali'. Ideh mileh tu-tu nganau' luk dat, iamo' na ideh mileh nganau' luk do'.”

LUKAS 16:8

Idi tuanneh ineh pana' nengubur lun luk ngasa' binawehneh luk na matu ineh, ngaceku ratnan luk inau'neh ineh dengan ilehneh; ngaceku anak-anak tana' ini meluun ileh ratnan anak-anak acang.”

YAHYA 3:17

Ngaceku Allah nan nengecuk AnakNeh amé' bang tana' ini pad ngukum tana' ini, iamo' pad tana' ini miak uen ngulun ngaceku Ieh.

YAHYA 8:44

Taman muyuh, ieh ineh Iblis, idi muyuh sikal maya' pian taman muyuh. Rat pun-pun Iblis, ieh ineh lun ngaté, idi na ieh tudo bang luk matu, ngaceku na luk matu bang neneh. Kareb ieh mebalih idi ieh pebala maya' ayuneh sebuleng, ngaceku ieh luk mebalih ineh taman amung-amung balih.

KEKAMEN RASUL-RASUL 13:10

idi keburi'neh, “O iko luk mepanu' ku amung-amung balih idi luk dat, anak Iblis, bunu' amung-amung luk matu'! Megéi' iko ngekilu' dalan Tuhan luk mesiri!

SURAT LUK BIRE PAULUS KUAN LUN RUM 1:22

Ideh ngamo bururdeh mileh, iamo' ideh mebacé.

1 KORINTUS 1:27

Iamo' luk mebacé bang tana' ini pinili' Allah, pad Ieh miak ngigu' lemulun luk mileh ineh, idi luk melaya' bang tana' ini pinili' Allah, pad Ieh miak ngigu' lemulun luk metueh ineh.

1 KORINTUS 2:14

Iamo' lemulun luk na inan Roh Allah na miak ngalap baré-baré luk ratnan Roh Allah ineh, ngaceku amung ineh mangun ku bacé kuanneh, idi na ieh miak ngiti ineh, kudeng na Roh Allah ngelio ineh.

1 KORINTUS 3:19

Ngaceku ileh tana' ini mangun ku bacé kuan Allah. Ngaceku pangeh inayud, “Idi Tuhan ngakem lemulun luk mileh ineh bang ilehneh sebuleng,”

1 KORINTUS 3:3

Ngaceku kudeng inan ét niat idi kedaluh arang muyuh, bakenké muyuh bang ulun tana' ini idi maya' ulun lemulun luk bang tana' ini?

2 KORINTUS 1:12

Kai mawang niat ngaceku teruayen niat kai ngelio kuan kai ratnan ulun kai bang tana' ini, meluun teh ratnan rurum kai dengan muyuh luk pangeh isa' dengan kuu' idi siri niat ngaceku lalud katu Allah, idi baken ngaceku ileh lemulun.

2 KORINTUS 11:3

Iamo' ui matot idi mepad kudeng menipeh nenaluk Hawa dengan ilehneh, kudeng ineh teh terawé muyuh miak ruen ngeraruh ratnan siri niat idi ligan luk nguyut amé' inan Keristus.

PILIPI 3:19

Idi kekipeddeh bang apui, idi batekdeh mangun ku akang kuandeh, idi anun-anun luk inan migu' mangun ku rayeh kuandeh, idi ideh luk ngerawé ratnan kekamen tana' ini.

2 TESALONIKA 2:9

Idi Lemulun luk Dat ineh macing dengan lalud Sétan, idi nganau' kekamen luk melalud, idi tanu' luk na matu idi kekamen luk nan mawa.

1 TIMOTIUS 4:1

Roh Meligan pangeh ngegala' kareb kekipedneh inan tuda'-tuda' lemulun luk miak meraruh ratnan anu, ngaceku ideh maya' roh-roh luk mebalih idi bada' ada' pana'.

YAKUB 1:17

Anid-anid baré luk do' idi anid-anid katu luk meriput ineh macing rat surga idi temurun ratnan Taman, lawa amung-amung acang. Idi Ieh luk na miak misu' idi lungung-lungung luk medacem pana' na.

YAKUB 1:5

Kudeng inan seburur rat arang muyuh luk na petap ileh, idi do' ieh mutuh inan Allah, luk maré dengan mekatu kuan anid-anid lemulun dengan na ngesala' neneh, idi kali' rungen miak barén kuanneh.

YAKUB 3:17

Iamo' ileh luk rat surga pun-pun meligan, pangeh ineh sikal pedo', do' buri', idi do' baya' ukum, idi panu' dengan éi' idi bua'-bua' luk do' dengan na metebaceng, idi dengan na naluk.

YAHUDA 1:19

Idi ideh luk ngatad lemulun, idi maya' pian bururdeh, idi na luk idi Roh bang nedeh.

BALA LUK LINIO 12:9

Galau luk rayeh ineh tila', ieh ineh menipeh luk mengered, luk titen Iblis idi Sétan ineh, luk nenaluk amung uang tana' ini. Ieh pangeh tila' luun tana', idi amung-amung bawehneh pana' pangeh tila' denganneh.

BALA LUK LINIO 2:24

“Iamo' muyuh lun baken luk déi' Tiatira na nemaya' bada' luk dat ineh. Muyuh na nesibada' luk titen lun baken ‘Kekamen Sétan luk medalem.’ Ui pebala nemuyuh, na Ui ngerareng babeh luk baken luun muyuh.

BALA LUK LINIO 9:11

Idi raca'deh, ieh ineh melaikat lubang luk na miak teriin kidalemneh ineh. Ngadanneh bang buri' lun Iberani, Abadon, idi bang buri Grika, ngadanneh Apolion, (ilungneh “Luk Ngaté”).