YAKUB 3:13 - BALA LUK DO'

¹³ Idéké rat arang muyuh luk mileh idi luk do' kali'? Do' ieh ngegala ilehneh ratnan ulunneh luk do', dengan kekamen luk do' luk ruen dengan mebeneh niat idi ileh.

YAKUB 3:13 Iomraidhean Croise

AYUB 28:28

Kebala Allah kuan lemulun, “Do' muyuh matot inan Tuhan pad muyuh mileh, idi teketed ratnan luk dat, pad muyuh do' kali'.”

NANI UBUR 107:43

Do' lemulun luk mileh ngerawé bala ini; idi kali' awa Tuhan luk lutep.

NANI UBUR 122:8

Ngaceku lun rurumku idi lun denganku, ui pebala kuan Yerusalim, “Awang kuanmu!”

NANI UBUR 149:4

Tuhan mawang niat inan pupuNeh; Ieh ngedita' idi ngetueh lemulun luk mebeneh niat.

NANI UBUR 25:9

Ieh nguyut lemulun luk mebeneh niat maya' dalan luk matu, idi mada' pianNeh nedeh.

NANI UBUR 45:4

Do' iko maya' keréta raca' idi metueh, pad nginita luk matu idi luk mesiri! Iko miak ngelaya' bunu'mu ku tuehmu!

LUN LUK MADA' 8:1

Lemulun luk mileh mo' kali' ilung luk amung-amung. Ileh nganau' neneh merimud pad ieh na tekedamut.

LUN LUK MADA' 8:5

Kudeng iko maya' balaneh na iko mesusa'. Idi lemulu luk mileh kali' luk petulu ruenneh.

YESAYA 29:19

Lemulun luk na ngadan, idi lemulun luk masi' miak ngalap awang luk barén Allah lun Israil luk Meligan.

YESAYA 60:6

Tuda'-tuda' riudan unta macing rat Midian idi Epa. Ideh nguit amas idi umau luk do' buen rat Siba. Lemulun miak mada' bala luk do' ratnan luk ianu' Allah!

YESAYA 61:1

Roh Tuhan Allah idi pa luunKu, ngaceku Ieh pangeh nengumau Negku, Pad Ui mada' Bala luk Do' kuan lun masi', idi ngedo' lemulun luk nginuud idi mebeneh niat, idi mada' puit kuan lemulun luk tiban, idi teh kuan lemulun luk tinutup.

YEREMIA 9:12

Idi Yeremia nengitun, “O Tuhan, ngudeh bawang ini tican idi metekering mepad kudeng su luk ali-ali, idi lemulun pana' nateh maya' ineh? Idé luk mileh pad ieh kali' ilungneh? Idé luk bida'Mu pad ieh miak mada' nelun baken?”

YEREMIA 9:23

Kebala Tuhan, “Na petulu lun mileh medita' niat ngaceku ilehneh, idi lun luk metueh ngaceku tuehneh, idi lun luk mula' binaweh ngaceku binawehneh.

DANIEL 2:21

Ieh luk ngimet amung kareb. Ieh luk mudut idi ngagka' raca'-raca'; Ieh maré ileh idi do' kali' kuan lemulun.

SEPANIA 2:3

O amung muyuh lun luk mebeneh niat bang bawang ini, luk maya' ukumNeh, do' amé' inan Tuhan. Do' nganau' luk matu dengan mebeneh niat, pad muyuh mepuit lek kareb aco luk inan Tuhan ngegala' usehNeh.

IAP 12:3

Idi Musa ineh aceh lemulun luk pelaba beneh niat rat nelun baken.)

MATIUS 11:29

Do' muyuh ngalap paga'Ku idi sibada' rat Negku, ngaceku Ui mulai niat idi mebeneh niat, idi erur muyuh miak uen ngato.

MATIUS 21:5

“Do' mada' bawang Sion, Nekini Raca'mu amé' namu. Ieh mebeneh niat, Ieh tudo luun keted keladai, luun keladai luk isuut, ieh ineh anak keladai.”

MATIUS 5:5

“Samal kuan lemulun luk mebeneh niat, ngaceku ideh miak ngalap luk pijani' Allah.

MATIUS 7:24

“Ngaceku ineh anid-anid lemulun luk ninger balaKu ini, idi maya' ineh, ieh mepad kudeng lun mileh luk nemudut ruma'neh luun batu.

1 KORINTUS 6:5

Ui mala ini pad muyuh kali' migu'. Naké seburur rat arang muyuh luk mileh, luk miak mutut besara' arang kinanak-kinanakneh?

2 KORINTUS 10:1

Ui ini, Paulus sebuleng, ngubuk nemuyuh dengan mebeneh niat idi éi' Keristus. Ui mebeneh niat pa kiung muyuh, iamo' kareb ui mado rat nemuyuh ui mekuu'.

2 KORINTUS 8:24

Ngegala' awa muyuh kuandeh, pad amung-amung sidang kali' ineh, idi pad ideh kali' nekai matu kareb kai ngubur nemuyuh.

GALATIA 5:23

mebeneh niat, idi tuman ratnan pinian burur. Idi na luk idi ukum luk mebpeng luk kudeng ini.

GALATIA 6:1

O kinanak-kinanakku, kudeng seburur kikem bang anun-anun luk mesala', do' muyuh luk kiuten Roh ineh ngedo' lemulun luk kudeng ineh dengan niat luk mebeneh, dengan ngerawé burur muyuh sebuleng pad muyuh sebuleng na mekaneh tutun.

GALATIA 6:4

Iamo' do' anid-anid burur ngiti kekamenneh sebuleng. Kudeng kekamenneh do', idi teh ieh miak mawang niat ku luk inau'neh ineh dengan na pian uen maad dengan lun baken.

EPESUS 4:2

Do' muyuh mebeneh niat, melaya' niat, idi mulai niat. Idi teh do' ngegala' awa muyuh idi ngedengan seburur dengan seburur.

PILIPI 1:27

Iamo' do' ulun muyuh petulu dengan Bala luk Do' luk ratnan Keristus, do' kareb ui macing ngikak nemuyuh idi kareb ui mado pana', pad ui miak ninger ratnan muyuh tuped meraben dengan sebuleng niat idi sebuleng terawé, idi pad-pad pebunu', pelé ngacing anu ku Bala luk Do' ineh.

KOLOSE 3:12

Muyuh ini pupu Allah. Ieh mawa nemuyuh idi nemili' nemuyuh mangun ku pupuNeh sebuleng. Ngaceku ineh do' muyuh ngayung ku katu, beneh niat, idi kadang niat.

1 TIMOTIUS 4:12

Aleg nima' seburur pana' ngebeneh namu ngaceku iko mangud, iamo' do' iko mangun ku aceh luk pinginud luk nudin idi luk do' kuan amung-amung lemulun luk manu, do' ratnan gayammu idi ulunmu, do awa idi anu idi ligan teh.

1 TIMOTIUS 6:11

Iamo' iko ini, O demulun Allah, ngado bururmu ratnan amung-amung ineh, idi nakap luk matu, baya', anu, awa, ulai niat, idi niat luk do'.

2 TIMOTIUS 2:25

idi do' ieh mada' lemulun luk sikal metueh rat neneh dengan mebeneh niat, merapet idi Allah miak nguit nedeh uren, pad ideh kali' ratnan luk matu.

TITUS 3:2

Mada' nedeh pad ideh na nguyo seburur lemulun, idi na pekedaluh, iamo' pad ideh mulai buri', idi megéi' ngegala' do' niatdeh kuan amung-amung lemulun.

IBERANI 13:5

Do' muit burur muyuh ratnan mawa ku usin, idi do' muyuh mawang niat ratnan anun-anun luk inan bang palad muyuh; ngaceku Allah pangeh pebala, “Idi na tu-tu Ui miak nima' namu, idi na tu-tu Ui miak necan namu.”

YAKUB 1:21

Do' muyuh nala' amung-amung luk melutak idi luk dat luk mela ineh, idi ngalap dengan niat luk mebeneh bada' luk pangeh tinibu bang nemuyuh, luk melalud ngulun burur muyuh.

YAKUB 2:18

Iamo' inan luk pebala, “Iko inan anu idi ui inan kekamen.” Do' mada' anumu ineh sirenku dengan na kekamenmu, idi ui pana' miak mada' kuanmu anuku ratnan kekamenku.

YAKUB 3:1

O kinanak-kinanakku! Na petulu mula' rat arang muyuh sikal mangun ku guru, ngaceku muyuh kali' idi tau luk mangun ku guru ini ngalap ukum luk meluun berat.

YAKUB 3:17

Iamo' ileh luk rat surga pun-pun meligan, pangeh ineh sikal pedo', do' buri', idi do' baya' ukum, idi panu' dengan éi' idi bua'-bua' luk do' dengan na metebaceng, idi dengan na naluk.

1 PETRUS 1:15

Iamo' mepad kudeng Tuhan luk pangeh nenawar nemuyuh ineh meligan, kudeng ineh teh muyuh pana' do' meligan bang amung-amung ulun muyuh.

1 PETRUS 2:12

Do' kekamen muyuh arang lun pupu baken mesiri sirendeh, pad kareb ideh ngadu' nemuyuh, idi neten nemuyuh lemulun luk dat, na miak na ideh ngiti kekamen muyuh luk do', idi ngerayeh Allah kareb Aco Tuhan macing.

1 PETRUS 2:9

Iamo' muyuh ini aceh pupu luk pinili', idi imam-imam Raca', aceh inul luk meligan, luk pupu Allah sebuleng, pad muyuh miak mada' amung-amung do' Tuhan luk pangeh nenawar nemuyuh remuat ratnan dacem semuet bang acangNeh luk inan mawa.

1 PETRUS 3:4

Iamo' do' ayung muyuh mangun ku ayung luk bang niat, ieh ineh ayung luk na miak merapuk, ieh ineh niat luk mulai idi mebeneh, luk meraga pa kiung Allah.