YAKUB 3:1 - BALA LUK DO'

¹ O kinanak-kinanakku! Na petulu mula' rat arang muyuh sikal mangun ku guru, ngaceku muyuh kali' idi tau luk mangun ku guru ini ngalap ukum luk meluun berat.

YAKUB 3:1 Iomraidhean Croise

UKUM 10:3

Idi kebala Musa ni Arun, “Ini luk pangeh bida' Tuhan, kebalaNeh, ‘Ui pian mada' liganKu siren lemulun luk muneng Negku, idi Ui pian uen ngerayeh pa kiung amung-amung lemulun.’ ” Idi Arun pirud.

MALAKI 2:12

Do' Tuhan nala' idé-idé luk nganau' kudeng ineh, pad ieh na mangun ku pupu tau, ieh ineh pupu luk maré baré kuan Tuhan luk Melalud.

MATIUS 10:24

“Seburur anak sekola' na meluun rayeh ratnan guruneh, idi seburur demulun na meluun rayeh ratnan tuanneh.

MATIUS 23:13

“Mesusa' kuan muyuh guru-guru Ukum idi lun Parisi, lun luk siayu! Muyuh ngitek tanga' Imet surga kuan lun baken, ngaceku muyuh sebuleng na sikal semuet, idi muyuh mebpeng nelun baken luk sikal semuet teh.

MATIUS 23:14

“Mesusa' kuan muyuh guru-guru Ukum idi lun Parisi, lun luk siayu! Muyuh ngabud ruma' decur tinula', idi teh muyuh sibala mo'-mo' bang sembayang luk mekadang! Ngaceku ineh, meluun rayeh ukum muyuh peh.

MATIUS 9:11

Idi kareb lun Parisi nenier ineh, idi kebaladeh kuan anak-anak sekola'Neh, “Ngudehké Guru muyuh kuman dengan lun luk ngamung usin pupuk, idi lun mesala' teh?”

LUKAS 16:2

Idi tuan ineh nenawar neneh, idi kebalaneh, ‘Anunké luk pindengerku ratnan iko luk inadu' lun? Maré negku nekini aceh surat luk ngegala' ratnan binawehku luk bang paladmu, ngaceku na iko miak mangun ku lun ngasa' binawehku peh.’

LUKAS 6:37

“Aleg muyuh ngesala' nelun, pad muyuh na miak uen Allah ngesala; idi aleg ngukum seburur lemulun, pad muyuh na miak kumin Allah; do' muyuh maré do', pad Allah maré do' nemuyuh.

YAHYA 3:10

Kebala Yésus, “Iko guru lun Israilké, idi na iko kali' ilung amung-amung ini?

KEKAMEN RASUL-RASUL 13:1

Bang sidang déi' Antiokia inan tuda'-tuda' nabi idi guru, ieh ineh Barnabas, Simion luk titen Mitem, Lukius lun Kiréni, Menahem luk isa' rat isuut pad-pad dengan Raca' Herodés Antipas, idi Saul.

1 KORINTUS 12:28

Allah pangeh nengeletep kekamen bang sidangNeh: luk pun-pun rasul-rasul, luk kedueh nabi-nabi, luk keteluh guru-guru, idi luk muci lun luk nganau' kekamen luk melalud, idi luk muci teh lun luk inan baré ngedo' lun mét, lun luk ngedengan, lun luk ngimet, idi lun luk pebala dengan buri' luk ratnan Roh.

2 KORINTUS 5:10

Ngaceku na miak na amung tau kumin pa atun kerusi besara' Keristus, pad anid-anid lemulun ngalap ua', maya' luk pangeh inau'neh bang ulunneh, do' kian dat lek.

EPESUS 4:11

Ieh luk maré baré-baré kuan lemulun. Ieh nengiding sebuang lemulun mangun ku rasul-rasul, sebuang mangun ku nabi-nabi, sebuang mangun ku lun mada' Bala luk Do', idi sebuang mangun ku gembala idi guru.

1 TIMOTIUS 1:7

Ideh sikal mangun ku guru Ukum Allah, iamo' ideh na kali' ilung anun-anun luk beléndeh idi luk uendeh ngamo.

1 TIMOTIUS 2:7

Idi ini punneh ui litep mangun ku rasul, idi ku guru kuan lun pupu baken pad mada' ratnan anu ineh idi luk matu teh. Ui na mebalih. Ui mala luk matu.

2 TIMOTIUS 1:11

Allah pangeh nemili' negku mangun ku lun mada', idi rasul, idi guru teh.

IBERANI 13:17

Do' maya' bala lemulun luk nguyut nemuyuh idi do' mebeneh rat nedeh. Ideh matar ulun muyuh mepad kudeng lemulun luk maré or kuan Allah. Do' maya' nedeh, pad ideh nganau' kekamen ineh dengan mawang niat, baken dengan dat niat, ngaceku luk kudeng ineh na ulek kuan muyuh.

YAKUB 1:16

Aleg muyuh uen naluk, O kinanak-kinanak luk inanku mawa!

YAKUB 1:19

Do' ngerawé bala ini, O kinanak-kinanak luk inanku mawa. Do' anid-anid burur lemulun mesaget ninger idi mulai peburi', idi mikat museh.

YAKUB 3:10

Ratnan tang ineh teh remuat ubur-ubur idi kediman. Amung-amung luk kudeng ineh, O kinanak-kinanakku, na mayu.

1 PETRUS 5:3

Aleg muyuh mepad kudeng lun ngimet ukum kuan lemulun luk biré nemuyuh, iamo' do' muyuh mangun ku luk pinginud kuan sengeriudan dumba ineh.