YAKUB 2:6 - BALA LUK DO'

⁶ Iamo' muyuh ini ngebeneh nelun masi'. Bakenké lun do' luk ngedereh nemuyuh, idi luk ngeruid nemuyuh amé' matun besara'?

YAKUB 2:6 Iomraidhean Croise

AYUB 20:19

ngaceku ieh nengedereh idi na méi' nelun masi', idi nengalap ruma' luk pinudut dulun.

NANI UBUR 10:10

Ngaceku tueh lemulun luk dat ineh, lun masi' ineh melaya'; pad ieh meluka' idi murat.

NANI UBUR 10:14

Iamo' Iko nier idi kali' dereh idi susa' lemulun, idi Iko megéi' temina' ngedengan. Lemulun luk melaya' maré bururneh Namu, Iko megéi ngedengan nelun masi'.

NANI UBUR 10:2

Lemulun luk dat medita' niat idi ngedereh tu-tu nelun masi'; ngakem nedeh bang abpung luk inau'deh sebuleng.

NANI UBUR 10:8

Lemulun luk dat ngabang iring dalan sikal ngaté lemulun luk na inan sala'. Ieh nier anid lawé lun luk kamenneh.

NANI UBUR 12:5

“Iamo',” kebala Tuhan, “Ui sikal macing, ngaceku lun masi' pangeh pidereh, idi lun luk pidereh ngarod ku étdeh: Ui miak ngedengan nedeh, mepad kudeng luk piandeh!”

NANI UBUR 14:6

Ideh situnga ratnan terawé lun masi', ngaceku ieh merapet inan Tuhan.

BALE' 14:31

Kudeng iko ngedereh nelun masi', iko ineh ngedat Allah luk nemudut nedeh. Iamo' kudeng iko méi' nelun masi', iko ineh ngedita' Allah.

BALE' 17:5

Kudeng iko situnga nan lemulun luk masi', iko situnga nan Allah luk nemudut neneh. Lemulun luk mawang niat ku susa' dulun, kali' rungen miak kumin.

BALE' 18:23

Kareb lemulun luk masi' pebala, ieh mutuh mo', iamo' lun do' ngor balaneh dengan medita' niat.

BALE' 22:16

Kudeng iko maré baré kuan lun do' idi ngedereh nelun masi' pad iko mangun ku lun do', kali' rungen iko mangun ku lun masi'.

BALE' 22:7

Lun masi' mangun ku demulun lun do'. Kudeng iko ngabit usin, iko mangun ku demulun léi luk kuan usin ineh.

LUN LUK MADA' 5:8

Kareb iko nier lun luk ngimet ngedereh nelun masi', idi na mutut ukum luk mesiri kuanneh, aleg iko mawa. Anid-anid burur lun ngimet inan luk meluun rayeh rat nedeh. Idi luk meluun rayeh ngimet amung-amungdeh ineh.

YESAYA 53:3

Tau megateh Neneh idi na pian Neneh Ieh mesusa' idi medereh. Seburur pana' nateh luk pian nier Neneh. Tau nengarung Neneh mepad kudeng lemulun luk na ulek.

AMOS 4:1

Ninger do'-do', O muyuh decur Samaria, luk melamu mepad kudeng sapi' luk mebor, luk ngedereh lemulun luk melaya' idi lemulun luk masi', idi luk pebala inan awan muyuh, “Do' maré luk rupen!”

AMOS 5:11

Muyuh nengedereh nelun masi' idi nengaro padéden. Ngaceku ineh muyuh na miak tudo bang ruma' batu luk do' luk pinudut muyuh. Idi muyuh na miak ngirup abpa', anggur ratnan kabun anggur luk do' luk tinibu muyuh.

HABAKUK 3:14

IlebMu nenebpek lun rayeh baweh, kareb baweh ineh iné' mepad kudeng barui, sikal matad nekai dengan medita' niat mepad kudeng lun luk ngedereh nelun luk masi' dengan lulem.

SEKARIA 7:10

Aleg ngedereh tinula', anak maté, sakai luk tudo arang muyuh, idi lun luk masi' pana'. Idi aleg muyuh ngerawé dalan luk inan muyuh ngedereh nelun baken.’

YAHYA 8:49

Idi kebala Yésus, “Ui na sinuet ada'. Ui ngedita' TamanKu, iamo' muyuh ngedat Negku.

KEKAMEN RASUL-RASUL 13:50

Iamo' lun Yahudi nengubuk lun rayeh-rayeh bawang idi decur-decur luk lun do' rat nelun pupu baken luk sembayang inan Allah. Idi ideh nengacing aceh susa' kuan Paulus idi Barnabas, idi nemasut nedidueh rat bang bawangdeh ineh.

KEKAMEN RASUL-RASUL 17:6

Iamo' kareb ideh na nekali' nedidueh, idi ideh nengeruid ni Yason idi tuda'-tuda' kinanak luk baken amé' matun lun rayeh bawang ineh. Idi ideh nengitang, keburi'deh, “lemulun ini pangeh nengagau iapeh-iapeh pana'! Nekini ideh pangeh nacing bawang tau;

KEKAMEN RASUL-RASUL 18:12

Kareb Galio mangun ku lun luk ngimet déi' bawang Akaya, idi lun Yahudi neperanga' ngakem ni Paulus, idi nenguit neneh amé' bang besara',

KEKAMEN RASUL-RASUL 8:3

Iamo' Saul nengedereh sidang ineh. Ieh nesemuet bang anid-anid ruma' idi nengeruid lemulun, deléi idi decur pana', idi nemaré nedeh bang tutup.

1 KORINTUS 11:22

Naké ruma' luk inan muyuh kuman idi ngirup? Ngudehké muyuh ngedat sidang Allah idi ngigu' lemulun luk masi'? Anunké luk miak belénku nemuyuh? Miakké ui ngubur nemuyuh? Na tu-tu! Ui na ngubur nemuyuh.

YAKUB 2:3

Kudeng muyuh ngerayeh lemulun luk nengayung ku luk meraga ineh idi pebala, “Do' iko tudo ieni su luk do',” idi kuan lemulun luk masi' muyuh pebala, “Tuped iko déi',” kian “Tudo su luk inan tapin kukudku,”

YAKUB 5:4

Muyuh na nemayar tabpar lemulun luk ngakem bang lati' muyuh. Ninger aroddeh! Arod lemulun luk ngeranih bang lati' muyuh ineh pangeh nesemuet bang lalid Tuhan luk Meluun Lalud.

YAKUB 5:6

Muyuh pangeh nengukum idi nengaté lemulun luk matu ineh; ieh na sikal metueh rat nemuyuh.