YAKUB 2:5 - BALA LUK DO'

⁵ Do' muyuh ninger, O kinanak-kinanak luk inanku mawa, bakenké Allah mili' lemulun luk masi' bang tana' ini mangun ku lun do' bang anu idi ngalap babpat Imet luk pangeh pijani'Neh kuan amung-amung lemulun luk mawa Neneh?

YAKUB 2:5 Iomraidhean Croise

RACA'-RACA' LUK PUN-PUN 22:28

Idi kebala Mikaya, “Kudeng iko muli' dengan do', kali rungen na Tuhan nepebala negku.” Idi teh kebalaneh, “Ninger O amung muyuh!”

AYUB 34:10

Do' meteluh ngerawé! ninger luk belénku! Miakké Allah luk Melalud nganau' sala'?

AYUB 34:19

Allah nemudut amung-amung lemulun; na Ieh méi' nelun rayeh-rayeh idi lun do' meluun ratnan lun masi'.

AYUB 38:14

Acang aco ngegala' surud idi ruan, mepad kudeng gerinet kuyu'.

PURA' 20:6

Iamo' Ui ngegala' katuKu kuan ribu-ribu inul luk mawa Negku idi luk ngimet balaKu.

BALE' 13:7

Inan lemulun luk siayu mangun ku lun do', iamo' na binawehdeh. Inan teh lemulun siayu mangun ku lun masi', iamo' inan mula' binawehdeh.

BALE' 7:24

O anak-anakku, do' ninger luk belénku.

BALE' 8:32

“O amung anak adi', ninger balaku. Nganau' luk pianku pad iko mawang niat.

YESAYA 14:32

Kudeng apehké tau ngor bala lun luk duken amé' netau rat Pilistin? Tau mada' nedeh ratnan Tuhan luk pangeh nengeletep, Sion, pad pupuNeh luk medereh miak do' udeng su ineh.

YESAYA 29:19

Lemulun luk na ngadan, idi lemulun luk masi' miak ngalap awang luk barén Allah lun Israil luk Meligan.

SEPANIA 3:12

Pupu luk tacinKu su ineh mebeneh niat. Idi ideh miak amé' Negku idi mutuh pedengan.

SEKARIA 11:11

Idi jani' ineh igka' bang aco sineh. Ideh luk pebelih dumba nenginita negku, idi ideh nekali' Tuhan nepebala nedeh bang luk inau'ku ineh.

SEKARIA 11:7

Lemulun luk pebelih dumba ineh nenabpar negku, idi ui mangun ku lun luk matar dumba luk malé pitayen. Idi ui nengalap dueh rukud. Sebuleng titenku “Ei'”, idi sebuleng titenku “Rurum.” Idi ui nematar dumba ineh.

MATIUS 11:5

ieh ineh lun melun mebuser kulat mateh, lun meliai miak nalan, lun mét susud pangeh linigan, lun mebengel ninger, idi lun naté tinui peh, idi Bala luk Do' bida' kuan lun masi'.

MATIUS 25:34

Idi Raca' ineh sikal pebala kuan lemulun luk pa tinuehNeh, ‘Amé' muyuh luk pangeh nengalap peruan ratnan TamanKu, lapen muyuh rat pun-pun tana' pinudut.

MATIUS 5:3

“Samal kuan lemulun luk kali' asi'deh pa kiung Allah, ngaceku ideh luk kuan Imet surga.

MARKUS 7:14

Yésus nenawar nelun mula' amé' matun Neneh teh, idi nepebala kuandeh, “Ninger muyuh, amung-amung luk rat Negku, do' muyuh kali' ilungneh.

LUKAS 12:21

Idi teh kebala Yésus, “Kudeng ineh teh ratnan lemulun luk ngamung binaweh kuan bururneh sebuleng, iamo' na ieh lun do' pa kiung Allah.”

LUKAS 12:32

“Aleg matot, O sengeriudan dumba luk isuut ini, ngaceku Taman muyuh pian maré Imet ineh nemuyuh.

LUKAS 16:22

Idi na mio ratnan ineh lemulun luk mutuh usin ineh pana' naté idi inuit melaikat amé ni Ibrahim. Idi lun do' ineh pana' naté teh, idi ieh tinanem.

LUKAS 16:25

Iamo' kebala Ibrahim, ‘O anakku, do' ngerawé, iko pangeh nengalap luk do' kareb iko mulun, idi Lasarus ini nengalap dereh; iamo' nekini ieh inubuk peh, iamo' iko pidereh peh.

LUKAS 22:29

idi mepad kudeng TamanKu pangeh nemaré Negku lalud ngimet, kudeng ineh teh Ui maré nemuyuh lalud ngimet.

LUKAS 6:20

Yésus nenier anak-anak sekola'Neh idi nepebala, “Samal kuan muyuh luk masi'; ngaceku muyuh luk kuan Imet Allah.

YAHYA 7:48

Inanké muyuh nekali' seburur lun rayeh kian lun Parisi lek, luk manu Neneh?

KEKAMEN RASUL-RASUL 7:2

Idi kebala Stepanus, “O lun kinanak idi lun taman-taman, ninger muyuh. Allah luk meluun rayeh nengegala' bururNeh kuan tepun tau Ibrahim, kareb ieh idi déi' bawang Mesopotamia kareb nateh ieh netudo bang bawang Haran,

SURAT LUK BIRE PAULUS KUAN LUN RUM 8:17

Ngaceku tau ini anak-anakNeh, tau miak ngalap babpat luk litep Allah kuan pupuNeh. Idi teh tau ngalap babpat dengan Keristus, kudeng tau perurum medereh denganNeh, pad tau mepad uen ngerayeh denganNeh.

1 KORINTUS 2:9

Iamo' maya' kudeng luk inayud, “Luk na sinier mateh, idi luk na pindenger lalid, luk na megala' bang niat lemulun, ieh ineh luk inau' Allah temina' kuan lemulun luk mawa Neneh.”

2 KORINTUS 4:15

Amung ini mangun pad ngacing peruan kuan muyuh; idi kareb katu Allah macing nan meluun ula' lemulun, idi ideh maré meluun ula' ubur pelé ngerayeh Allah.

2 KORINTUS 6:10

Sagan pana' kai uen ngesusa', iamo' kai megéi' mawang niat; ayuneh kai masi', iamo' kai nganau' mula' lemulun mangun ku lun do'. Ayuneh kai na binaweh, iamo' setuneh kai inan luk amung-amung.

2 KORINTUS 8:9

Ngaceku muyuh kali' katu Tuhan tau Yésus Keristus; sagan pana' Ieh lun do' Ieh mangun masi' ngaceku muyuh, pad dengan dalan asi'Neh ineh muyuh miak mangun ku lun do'.

EPESUS 1:18

Ui mutuh Tuhan ngukab terawé muyuh pad muyuh miak nier rasatNeh, idi pad muyuh kali' anunké rapet ineh luk inan muyuh tinawarNeh, idi kudeng apeh do' amung peruan luk rayeh ineh luk pinaji'Neh kuan amung-amung lun manu;

EPESUS 3:8

Idi kuanku ini luk pelaba dat rat arang amung-amung lun manu, katu ineh pangeh biré pad ui miak mada' Bala luk Do' kuan lun pupu baken ratnan do' Keristus luk na kekipedneh,

1 TESALONIKA 2:12

Kai nengetueh anu muyuh, kai nengubuk nemuyuh, idi kai nengecuk nemuyuh mulun maya' pian Allah luk nawar nemuyuh semuet bang ImetNeh idi rayehNeh teh.

2 TESALONIKA 1:5

Ineh luk mangun ku tanu' ratnan ukum Allah luk matu, ratnan muyuh mayu ruen ngiap kuan Imet Allah, idi ngaceku ineh muyuh kali' medereh teh.

1 TIMOTIUS 6:18

Ngecuk nedeh nganau' luk do', pad kekamendeh luk do' ineh amé' mula'. Dengan méi' idi mekatu do' ideh maré kuan lun baken.

2 TIMOTIUS 4:18

Tuhan miak muit negku ratnan anid-anid luk dat idi miak ngulun negku pad semuet bang IemtNeh luk bang surga, idi rayeh kuanNeh ruked-ruked. Amin.

2 TIMOTIUS 4:8

Idi nekini pata ratnan luk matu pangeh tinina' kuanku idi Tuhan, ieh ineh Lun luk Mutut Besara' luk matu ineh miak maré pata ineh kuanku kareb Aco ineh; idi baken kuanku mo', iamo' kuan amung-amung lemulun luk pangeh geregan ku acingNeh.

IBERANI 11:26

Ngaceku bang terawéneh kediman ngaceku Keristus meluun rayeh raganeh rantan amung-amung binaweh Masir, ngaceku ieh nengerawé tabpar luk miak macing.

YAKUB 1:12

Samal kuan lemulun luk mulai niat mabeh amung-amung tutun, ngaceku pangeh ieh tuman ratnan tutun, ieh miak ngalap pata ulun, luk pijani' Tuhan kuan amung-amung lemulun luk mawa Neneh.

YAKUB 1:16

Aleg muyuh uen naluk, O kinanak-kinanak luk inanku mawa!

YAKUB 1:19

Do' ngerawé bala ini, O kinanak-kinanak luk inanku mawa. Do' anid-anid burur lemulun mesaget ninger idi mulai peburi', idi mikat museh.

YAKUB 1:9

Do' kinanak luk masi' mawang niat kareb ieh uen Allah ngedita',

1 PETRUS 1:4

Ineh punneh tau merapet ngalap peruan luk rayeh luk tinina' Allah kuan pupuNeh, ieh ineh luk na miak melu, idi na miak melutak, idi na miak mekarang, idi luk dinug bang surga kuan muyuh.

2 PETRUS 1:11

Dengan dalan ineh muyuh miak simén semuet bang Imet luk meruked, ieh ineh Imet Yésus Keristus, Tuhan tau idi Lun Nengulun.

BALA LUK LINIO 2:9

Ui pangeh kali' susa'mu idi asi'mu—iamo' setuneh iko mula binaweh. Ui kali' kuyo ratnan lemulun luk mala nedeh lun Yahudi, iamo' baken, iamo' ideh aceh ruma' sembayang Sétan.

BALA LUK LINIO 21:7

Lemulun luk metueh miak ngalap ineh rat Negku Ui ini miak mangun ku Allahneh, idi ieh mangun ku anakKu.

BALA LUK LINIO 3:18

Ngaceku ineh Ui mada' namu, do' melih rat Negku amas luk pangeh tinutun ku apui, pad iko mangun ku lun do', idi ayung luk mebuda' pad iko inan ayung, pad iko na nalan lubpa idi na migu' siren lemulun. Idi melih ubat luk miak pingubat matehmu, pad iko miak nier.

LUN LUK NGUYUT 9:7

Kareb Yotam neninger ratnan amung ineh, idi ieh inée' tuped luun buduk Surud Gerisim. Idi ieh nengitang, kebalaneh, “Ninger negku, O muyuh lun Sikem, idi Allah miak ninger nemuyuh teh.

SEMUIL LUK PUN-PUN 2:30

Ui ini Tuhan Allah lun Israil pangeh nepejani', pad lun bang tetek ruma'mu idi inulmu pana' miak mangun ku imam kuanKu macing ruked-ruked. Iamo' nekini Ui ini Tuhan pebala, “Na Ui nganau' kudeng ineh! Iamo' idé-idé luk ngubur Negku miak buren. Idi idé-idé luk ngesala' Negku, ieh ineh miak uen ngedereh.

SEMUIL LUK PUN-PUN 2:8

Lun masi' kedinganNeh rat bang abuh. Idi lun luk mesusa' kedinganNeh ratnan derehdeh. Ieh nganau' nedeh ku rurum raca'; idi Ieh nganau' nedeh buren. Ngaceku amung diri tana' ini Tuhan kuan, idi Tuhan teh luk nemudut tana' ini.