YAKUB 2:25 - BALA LUK DO'

²⁵ Kudeng ineh teh Rahab seburur decur luk mesawa' ineh pana'. Ieh inau' matu ngaceku ratnan kekamenneh, ratnan ieh nenganak idi nengecuk lemulun luk duken rumuat maya' dalan luk baken?

YAKUB 2:25 Iomraidhean Croise

MATIUS 1:5

Salmun nenginul Boas ratnan awanneh Rahab; Boas nenginul Obéd ratnan awanneh Rut; Obéd nenginul Isai.

MATIUS 21:31

Sapehké rat arang dueh anak ineh luk nemaya' pian tamanneh?” Idi keburi'deh Neneh, “Seluk atun.” Idi Yésus nepebala nedeh, “Ui pebala nemuyuh, lemulun luk ngamang usin pupuk idi decur-decur luk mesawa' semuet bang Imet Allah pa atun muyuh.

KEKAMEN RASUL-RASUL 17:7

idi Yason pangeh nengasa' nedeh. Amungdeh ineh ngelaba ukum raca' Rum, kerburi'deh, inan teh raca' luk baken, ngadanNeh Yésus.”

IBERANI 11:31

Ratnan anu teh Rahab, decur luk mesawa' ineh na pinaté dengan amung-amung lemulun luk nengelaba ukum, ngaceku ieh nenawar lemulun luk iné' nier bawang dengan awang.

YAKUB 2:18

Iamo' inan luk pebala, “Iko inan anu idi ui inan kekamen.” Do' mada' anumu ineh sirenku dengan na kekamenmu, idi ui pana' miak mada' kuanmu anuku ratnan kekamenku.

YAKUB 2:22

Idi megala' kuan muyuh idi anu dengan kekamen ineh pangeh nengakem pad-pad, idi ngaceku kekamen Ibrahim anuneh ineh pangeh mangun meligan.

YAKUB 2:24

Idi megala' kuan muyuh lemulun ruen matu ngaceku kekamenneh, idi baken ngaceku anuneh mo'.

YUSAK 2:1

Idi Yusak nelulem ngecuk dueh burur rat Sitim amé' nier, kebalaneh, “Amé' medueh ngikak tana' ineh, idi bawang Yeriko.” Idi didueh nesemuet bang ruma' seburur decur luk mesawa', ngadanneh Rahab, idi didueh netudo déi'.

YUSAK 2:15

Idi ieh nengurur nedidueh ku kalat rat bang gisumen ruma'neh, ngaceku ruma' Rahab bang libung ar bawang.

YUSAK 2:16

Idi kebalaneh nedidueh, “Nalan medueh amé' nan pegkung, pelé medueh na mepapu' nelun luk ngerada' nemedueh. Idi do' sigapung déi' teluh aco kinioneh, pad lun luk iné' ngerada' ineh lemubed. Pangeh ineh miak medueh maya' dalan medueh pun di.”

YUSAK 2:4

Iamo' decur ineh pangeh nengapung dueh deléi ineh. Idi kebalaneh, “Kali' rungen lun ineh pangeh nacing negku. Iamo' na ui kali' rat iapeh didueh.

YUSAK 2:6

(Iamo' decur ineh pangeh nengecuk nedidueh umak amé' luun apo ruma'neh, idi ieh pangeh nengapung nedidueh pa liang nuper pu luk pangeh rirengneh pa luun apo ineh.)

YUSAK 6:17

Idi bawang ineh uen ngusag ngaceku Tuhan, do' bawangdeh idi amung luk bang ineh. Iamo' do' Rahab, decur luk mesawa' ineh dengan lun luk bang tetek ruma'neh uen ngulun. Ngaceku ieh nengapung lun luk iné' nier luk pangeh icuk tau.