YAKUB 2:19 - BALA LUK DO'

¹⁹ Manuké iko ku Allah ineh Sebuleng? Matu! Amung-amung ada' pana' manu teh, idi megegker ku tot.

YAKUB 2:19 Iomraidhean Croise

YESAYA 43:10

“O lun Israil, muyuh ineh lun nekali' Negku, idi pupu luk pinili'Ku ku demulunKu, pelé muyuh ngiti Negku idi manu Negku, na luk idi atun, idi teh na luk idi muci.

YESAYA 44:6

Kudeng ini bala Tuhan luk ngimet idi matar Israil, ieh ineh Tuhan luk Melalud. “Ui ini luk pun-pun, idi Ui ini luk kekiped. Ui sebuleng mo' luk Allah.

YESAYA 44:8

O pupuKu, aleg muyuh matot! Muyuh kali' rat mon macing nekini, Ui nemada' atun ratnan luk mangun muci, idi muyuh ineh lun nekali' Negku! Inanké Allah luk baken? Sebuleng pana' nateh luk kali'Ku. Na luk idi Batu luk baken.”

YESAYA 45:6

pelé amung lemulun aput tana' kali' Ui ini Tuhan, idi na Allah baken rat Negku.

YESAYA 46:9

Ngerawé ratnan luk nangun mon; do' ngamo ratnan Ui mo' luk Allah idi na lun baken luk mepad kudeng Ui.

YUNUS 4:4

Idi Tuhan nengua' sembayangneh, kebalaNeh, “Ngudeh iko museh?”

YUNUS 4:9

Iamo' kebala Allah neneh, “Ngudeh iko pelaba useh ku tabuh ineh!” Idi Yunus nengor balaneh, “Kali' rungen ui pelaba useh, ngaceku ui geregan ku tabuh ineh!”

SEKARIA 14:9

Idi Tuhan miak mangun ku raca' aput-aput tana'. Idi kareb ineh Tuhan sebuleng mo', idi ngadanNeh sebuleng mo'.

MATIUS 8:29

Idi didueh nengitang, keburi' didueh, “Anunké luk pianMu nekai, O Anak Allah? Iko macing sikal ngedereh nekaiké kareb nateh tarekneh macing?”

MARKUS 1:24

keburi'neh, “O Yésus lun Nasarét, anunké luk pianMu nekai? Iko macing sikal ngaté nekaiké? Ui kali' Namu ini, ieh ineh Lemulun luk Meligan luk nacing ratnan Allah.”

MARKUS 12:29

Kebala Yésus, “Ukum luk meluun rayeh, ieh ineh, ‘Ninger muyuh do'-do', O Israil! Allah Tuhan tau, Ieh ineh Tuhan luk Sebuleng.

MARKUS 5:7

idi nengitang, keburi'neh, “Anunké luk pianMu negku, O Yésus Anak Allah luk Meluun Dita'? Ui mutuh Namu bang ngadan Allah, aleg Iko ngedereh negku!” (

MARKUS 7:9

Idi teh kebala Yésus, “Muyuh mileh ngarung ukum Allah, pad muyuh miak maya' bada' tepun muyuh.

LUKAS 4:34

“Anunké luk pianMu nekai, O Yésus lun Nasarét? Iko macing sikal ngaté nekaiké? Ui kali' Namu ini, Iko ineh Lun Duken Allah luk Meligan.”

YAHYA 17:3

Ini ulun luk meruked, ieh ineh pad ideh miti Namu, Allah luk Sebuleng idi matu, idi Yésus Keristus luk Iko nengecuk ineh.

KEKAMEN RASUL-RASUL 16:17

Ieh nemaya' puet Paulus idi kai teh, idi nengitang, keburi'neh, “Lemulun ini demulun Allah luk Meluun Dita' luk mada' dalan ulun kuan muyuh.”

KEKAMEN RASUL-RASUL 19:15

Iamo' kebala ada' ineh nedeh, “Yésus ineh ui miti, idi Paulus ineh ui kali', iamo' muyuh ini idéké?”

KEKAMEN RASUL-RASUL 24:25

Iamo' kareb Paulus nemada' ratnan luk matu, idi ratnan ngimet burur sebuleng, idi ukum luk macing muci, idi Pilik matot idi nepebala, “Nekini do' iko buro, kudeng inan kareb muci, ui nawar namu teh.”

SURAT LUK BIRE PAULUS KUAN LUN RUM 3:30

Allah ineh Sebuleng mo', idi Ieh luk nganau' nelun Yahudi matu ratnan anudeh, idi lun pupu baken pana' ruen matu ngaceku anu.

1 KORINTUS 8:4

Ratnan kuman luk kenen luk biré inan akang ineh, tau kali' idi na luk idi akang luk inan ulun bang tana' ini, idi teh na luk idi Allah baken iamo' luk Sebuleng ineh mo'.

1 KORINTUS 8:6

iamo' kuan tau inan Sebuleng mo', ieh ineh Allah Taman, idi luk amung-amung rat Neneh mo' punneh, idi tau pana' kuanNeh, idi Tuhan pana' Sebuleng teh, ieh ineh Yésus Keristus, ngaceku luk amung-amung rat Neneh punneh, idi tau pana' mulun rat Neneh teh.

GALATIA 3:20

Idi na ulekneh lemulun luk ngatum kudeng inan seburur mo'; idi Allah ineh Sebuleng.

BADA' RATNAN UKUM 6:4

“Ninger muyuh, O lun Israil! Tuhan Ieh ineh Allah tau. Ieh ineh Tuhan tau luk sebuleng.

1 TIMOTIUS 2:5

Idi Allah ineh Sebuleng mo', idi Luk Ngatum ineh pana' Sebuleng teh arang Allah dengan lemulun, idi Ieh pana' lemulun teh, ieh ineh Keristus Yésus,

YAKUB 2:8

Iamo' kudeng muyuh maya' ukum Imet, mepad kudeng ayat bang Surat Allah, “Do' iko mawa inan lun denganmu mepad kudeng bururmu sebuleng,” idi kekamen muyuh ineh do' teh.

YAHUDA 1:4

Ngaceku inan lemulun luk na manu nesemeut luk ngisu' bala ratnan katu Allah tau, pad ngelinged kekamendeh luk melutak. Idi ideh ngarung Yésus Keristus, Allah Tuhan tau luk Sebuleng ineh. Idi mon pangeh ginala' bang Surat allah ratnan ukum luk tinina' kuan lemulun ineh.

YAHUDA 1:6

Ngerawé amung-amung melaikat luk nelemaba lakan lalud luk litep kuandeh, idi luk nenecan su luk inandeh tudo. Melaikat-melaikat ineh pange kiling ku kaling luk meruked pa liang tana' bang su luk medacem, pad macing Aco Ngukum luk rayeh ineh.

BALA LUK LINIO 20:10

Idi Iblis luk nengeraruh nedeh pana' tila' bang takung apui idi batu apui ineh, su luk inan pung idi nabi luk mebalih ineh pangeh tila', idi ideh uen ngedereh tebaco kedangan macing ruked-ruked.