YAKUB 2:18 - BALA LUK DO'

¹⁸ Iamo' inan luk pebala, “Iko inan anu idi ui inan kekamen.” Do' mada' anumu ineh sirenku dengan na kekamenmu, idi ui pana' miak mada' kuanmu anuku ratnan kekamenku.

YAKUB 2:18 Iomraidhean Croise

SURAT LUK BIRE PAULUS KUAN LUN RUM 14:23

Iamo' idé luk kuman dengan merapang, ieh ineh miak kumin, ngaceku na ieh kuman dengan manu. Idi anun-anun luk na ratnan manu, ieh ineh sala' peh.

SURAT LUK BIRE PAULUS KUAN LUN RUM 3:28

Ngaceku ineh tau kali' idi lemulun ruen matu ratnan manu, baken ratnan nganau' Ukum Musa.

SURAT LUK BIRE PAULUS KUAN LUN RUM 4:6

Ini ilung bala Daud kareb ieh nepebala ratnan samal lemulun luk iniap Allah matu dengan na ngerawé kekamenneh, kebalaneh,

SURAT LUK BIRE PAULUS KUAN LUN RUM 8:1

Nekini na luk idi ukum kuan lemulun luk bang Keristus Yésus.

SURAT LUK BIRE PAULUS KUAN LUN RUM 9:19

Iko pian ngitun negku, “Kudeng pieh kudeng ineh, ngudehké Allah ngesala' lemulun? Idéké miak metueh ratnan pian Allah?”

1 KORINTUS 13:2

Kudeng ui inan baré mada' luk biré Allah, idi ui inan ileh idi kali' amung-amung luk inalum, idi kudeng ui inan anu luk meriput, pad ui miak mubuh pegkung pana', iamo' kudeng ui na mawa, kali' rungen ui pana' na ulek.

2 KORINTUS 5:17

Kareb selemulun mulun bang Keristus, idi ieh ineh aceh pudut luk mebaruh, idi amung-amung luk mon ineh pangeh tila', idi amung-amung luk mebaruh pangeh nacing.

2 KORINTUS 7:1

Amung ini pangeh biré kuan tau, O lun rurumku. Ngaceku ineh do' tau ngeligan burur tau ratnan amung luk ngelutak burur idi niat, idi ngeriput ligan tau dengan matot inan Allah.

GALATIA 5:6

Ngaceku bang Keristus Yésus, sunat idi na sinunat pana' nateh ulekneh, iamo' luk do', ieh ineh anu luk uen ngegala' bang awa.

1 TIMOTIUS 1:5

Ilung balaku, ieh ineh pad ngacing awa luk remuat rat bang niat luk meligan, teruayen niat luk do', idi anu luk matu.

TITUS 2:7

Idi bang luk amung-amung, do' iko sebuleng mangun ku aceh luk pinginud amung-amung kekamen luk do'. Idi bang bada'mu do' iko mesiri idi matu.

IBERANI 11:31

Ratnan anu teh Rahab, decur luk mesawa' ineh na pinaté dengan amung-amung lemulun luk nengelaba ukum, ngaceku ieh nenawar lemulun luk iné' nier bawang dengan awang.

IBERANI 11:33

Ratnan anu teh ideh nengelaya' tuda'-tuda' bawang, idi nenganau' luk matu. Ideh nengalap luk pijani' Allah, idi neniep tang balang.

IBERANI 11:6

Seburur pana' na miak ngawang niat Allah kudeng na luk idi anu. Ngaceku lemulun luk amé' matun Allah ineh na miak na manu ratnan Allah ineh idi, idi Ieh maré tabpar kuan lemulun luk nakap Neneh.

YAKUB 2:14

O kinanak-kinanakku, anunké ulekneh kudeng seburur lemulun pebala, “Ui inan anu,” iamo' kekamenneh na ngegala' anu ineh? MIakké anu ineh ngulun neneh?

YAKUB 3:13

Idéké rat arang muyuh luk mileh idi luk do' kali'? Do' ieh ngegala ilehneh ratnan ulunneh luk do', dengan kekamen luk do' luk ruen dengan mebeneh niat idi ileh.