YAKUB 2:1 - BALA LUK DO'

¹ O kinanak-kinanakku luk manu inan Tuhan tau Yésus Keristus luk rayeh ineh, aleg muyuh mili' lemulun maya' ayudeh.

YAKUB 2:1 Iomraidhean Croise

INUL LUK KEDUEH 19:7

Do' matot inan Tuhan idi ngerawé do'-do', ngaceku Tuhan Allah tau na pian ku saluk, idi ngadan idi suap pana'.”

BALE' 24:23

Lemulun luk mileh pangeh nepebala kudeng ini teh: Kudeng lun luk mutut besara' mili' lemulun, ieh mesala'.

BALE' 28:21

Na petulu mili' lemulun bang besara'. Iamo' inan lemulun luk sala' mutut ukum, pad ngalap suap luk isuut mo'.

UKUM 19:15

“Aleg mutut besara' dengan na mesiri, idi aleg ngerurum nelun dat idi lun do' kareb iko mutut besara'deh. Iamo' do' iko mutut besara' lun denganmu dengan mepad.

MATIUS 22:16

Idi ideh nengecuk anak-anak sekola'deh dengan lun Herodiani teh amé' matun Neneh. Idi kebaladeh Neneh, “Guru, kai kali' Iko seburur lemulun luk matu, idi Iko mada' dalan Allah dengan luk matu, idi na Iko mili' ayu lemulun; ngaceku na Iko ngerawé taga burur lemulun.

KEKAMEN RASUL-RASUL 10:34

Idi Pétrus nepebala, “Dengan matu ui nier, idi Allah na mili' ayu lemulun,

KEKAMEN RASUL-RASUL 20:21

Ui nemaré kali' kuan lun Yahudi idi lun pupu baken ratnan lumi inan Allah, idi manu inan Tuhan tau Yésus Keristus.

KEKAMEN RASUL-RASUL 24:24

Tuda'-tuda' aco idi Pilik nacing dengan awanneh Drusila, ieh ineh seburur lun Yahudi. Pilik neneteng ni Paulus, idi ieh neninger bala Paulus ratnan manu inan Keristus Yésus.

KEKAMEN RASUL-RASUL 7:2

Idi kebala Stepanus, “O lun kinanak idi lun taman-taman, ninger muyuh. Allah luk meluun rayeh nengegala' bururNeh kuan tepun tau Ibrahim, kareb ieh idi déi' bawang Mesopotamia kareb nateh ieh netudo bang bawang Haran,

SURAT LUK BIRE PAULUS KUAN LUN RUM 1:11

Ngaceku ui geregan sikal nier nemuyuh, pad ui miak ngacing kuan muyuh peruan Roh luk nganau' nemuyuh lutep.

1 KORINTUS 2:8

Idi seburur lun ngimet bang tana' ini pana' na nengiti ileh ineh. Kudeng ideh pangeh nengiti ineh, kali' rungen ideh na nenalib Tuhan luk rayeh ineh.

BADA' RATNAN UKUM 1:17

Idi aleg muyuh mili' lemulun, do' lun dat, idi lun do' pana'. Aleg muyuh matot ku lemulun, ngaceku ukum ineh Allah kuan. Iamo' besara' luk pelaba ikat uen muyuh mutut, do' muyuh nguit amé' negku, pad ui miak mutut ineh.’

BADA' RATNAN UKUM 16:19

Aleg ideh ngelipa ukum. Aleg ideh mili' lemulun. Aleg ideh ngalap suap. Ngaceku baré ineh ngebuser mateh lun luk mileh idi ngekilu' bala lun luk matu.

KOLOSE 1:4

Ngaceku kai pangeh neninger ratnan anu muyuh inan Keristus Yésus idi awa muyuh kuan amung lun manu.

1 TIMOTIUS 1:19

idi do' iko lutep bang anu idi teruayen niat luk do'. Inan tuda'-tuda' lemulun luk na ngerawé teruayen niatdeh, idi anudeh nekusag.

1 TIMOTIUS 5:21

Idi ui periteteng namu pa kiung Allah idi Yésus Keristus idi amung melaikat luk meligan, do' iko maya' bala ini dengan na mili' lemulun, idi dengan na ngerawé seburur meluun ratnan lun baken.

TITUS 1:1

Rat ni Paulus, demulun Allah idi rasul Yésus Keristus. Ui pangeh pinili' Allah, idi icuk ngepicet anu pupu Allah luk pinili' idi nguyut nedeh macing inan luk matu, maya' kudeng luk bida' ratnan baya' tau,

TITUS 2:13

kareb tau nganét Aco luk inan tau merapet ineh, ieh ineh kareb ubur Allah luk meluun rayeh idi Lun Nengulun netau Yésus Keristus miak megala' teh.

IBERANI 1:3

Ieh merasat ku rasat rayeh Allah; Ieh mepad ayu dengan ulun Allah. Ieh ngimet luk amung-amung dengan balaNeh luk melalud. Kareb Ieh pangeh nengiu' amung-amung sala', idi Ieh netudo pa tinueh Luk Meluun Rayeh déi' dita'.

IBERANI 12:2

Do' tau nier Yésus, luk nenganau' idi luk neriput anu tau. Ieh pana' ngaceku awang luk litep kuanNeh pangeh netuman ratnan dereh salib, dengan na ngerawé igu'Neh, idi Ieh tudo pa tinueh kerusi Allah.

YAKUB 1:16

Aleg muyuh uen naluk, O kinanak-kinanak luk inanku mawa!

YAKUB 1:19

Do' ngerawé bala ini, O kinanak-kinanak luk inanku mawa. Do' anid-anid burur lemulun mesaget ninger idi mulai peburi', idi mikat museh.

YAKUB 2:3

Kudeng muyuh ngerayeh lemulun luk nengayung ku luk meraga ineh idi pebala, “Do' iko tudo ieni su luk do',” idi kuan lemulun luk masi' muyuh pebala, “Tuped iko déi',” kian “Tudo su luk inan tapin kukudku,”

YAKUB 2:9

Iamo' kudeng muyuh nier ayu lemulun, muyuh nganau' sala', idi muyuh miak kumin ku Ukum ineh mangun ku lemulun luk ngelaba ukum.

YAKUB 3:17

Iamo' ileh luk rat surga pun-pun meligan, pangeh ineh sikal pedo', do' buri', idi do' baya' ukum, idi panu' dengan éi' idi bua'-bua' luk do' dengan na metebaceng, idi dengan na naluk.

2 PETRUS 1:1

Rat ni Simun Pétrus, demulun idi rasul Yésus Keristus— Kuan lemulun luk pangeh nengalap anu, luk mepad letep dengan anu kai, ngaceku siri Allah, Tuhan tau, idi Yésus Keristus Lun Nengulun:

YAHUDA 1:16

Lemulun ini dureng-dureng idi ngadu'-ngadu'. Ideh maya' pian bururdeh sebuleng, idi ngubur bururdeh sebuleng idi ngedita' nelun baken pad ngalap tabpar kuan bururdeh sebuleng.

BALA LUK LINIO 14:12

Ngaceku ineh, na miak na pupu Allah tuman idi manu, ieh ineh lemulun luk lutep maya' ukum-ukum Allah idi lutep manu inan Yésus.