YAKUB 1:9 - BALA LUK DO'

⁹ Do' kinanak luk masi' mawang niat kareb ieh uen Allah ngedita',

YAKUB 1:9 Iomraidhean Croise

NANI UBUR 62:9

Lemulun mepad kudeng bui, idi lun rayeh pana' na ulekneh. Kudeng nimang nedeh, na ideh meberat, ideh meluun meran ratnan bui.

BALE' 17:5

Kudeng iko situnga nan lemulun luk masi', iko situnga nan Allah luk nemudut neneh. Lemulun luk mawang niat ku susa' dulun, kali' rungen miak kumin.

BALE' 19:1

Lemulun luk masi' luk nganau' luk mesiri meluun samal ratnan lemulun luk mebacé luk mebalih.

YESAYA 29:19

Lemulun luk na ngadan, idi lemulun luk masi' miak ngalap awang luk barén Allah lun Israil luk Meligan.

LUKAS 1:52

Ieh nengebeneh raca'-raca' ratnan kerusi imetdeh, idi nengedita' lemulun luk mebeneh.

LUKAS 10:20

Iamo' aleg muyuh mawang niat ngaceku amung-amung ada' maya' ukum muyuh, iamo' do' muyuh mawang niat ngaceku ngadan muyuh pangeh inayud déi' surga.”

LUKAS 14:11

Ngaceku anid-anid lemulun luk ngedita' bururneh, ieh ineh miak uen ngebeneh, idi lemulun luk ngebeneh bururneh miak uen ngedita'.”

LUKAS 9:48

kebalaNeh nedeh, “Idé-idé luk nganak anak luk isuut ini bang ngadanKu, ieh ineh nganak Negku; idi idé-idé luk nganak Negku, ieh ineh nganak Neneh luk nengecuk Negku. Ngaceku luk pelaba isuut rat arang amung-amung muyuh, ieh ineh luk meluun rayeh.”

SURAT LUK BIRE PAULUS KUAN LUN RUM 8:17

Ngaceku tau ini anak-anakNeh, tau miak ngalap babpat luk litep Allah kuan pupuNeh. Idi teh tau ngalap babpat dengan Keristus, kudeng tau perurum medereh denganNeh, pad tau mepad uen ngerayeh denganNeh.

2 KORINTUS 6:10

Sagan pana' kai uen ngesusa', iamo' kai megéi' mawang niat; ayuneh kai masi', iamo' kai nganau' mula' lemulun mangun ku lun do'. Ayuneh kai na binaweh, iamo' setuneh kai inan luk amung-amung.

BADA' RATNAN UKUM 15:11

Ngaceku megéi' inan lun masi' arang muyuh. Idi ui periteteng namu: Do' iko mekatu maré kuan kinanakmu, ieh ineh lun masi' luk tudo bang bawangmu idi lemulun luk inan susa'.

BADA' RATNAN UKUM 15:7

“Idi kudeng inan arang muyuh aceh lun masi', ieh ineh seburur kinanakmu luk tudo iapeh-iapeh bang bawangmu luk barén Tuhan Allahmu namu, idi aleg iko metueh niat, idi meramen inan kinanakmu luk masi' ineh.

BADA' RATNAN UKUM 15:9

Matar do'-do' pad na luk idi terawé luk dat bang niatmu, pad iko pebala kudeng ini, ‘Idi muneng lak luk ketudu', ieh ineh lak puit,’ idi iko meramen inan kinanakmu luk masi' ineh, idi na iko maré anun-anun kuanneh, pad ieh na ngilang namu pa kiung Tuhan, idi ieh ineh na mangun ku sala' kuanmu.

PILIPI 3:14

Ui upun-upun amé' inan tanu' luk matun tabpar, ieh ineh tawar Allah luk déi' dita' bang Keristus Yésus.

PILIPI 3:3

Ngaceku tau ini sunat luk matu, idi tau luk sembayang inan Allah dengan Roh, idi mawang niat dengan ulun tau bang Keristus Yésus, idi na merapet ku anun-anun luk ratnan burur.

1 PETRUS 2:9

Iamo' muyuh ini aceh pupu luk pinili', idi imam-imam Raca', aceh inul luk meligan, luk pupu Allah sebuleng, pad muyuh miak mada' amung-amung do' Tuhan luk pangeh nenawar nemuyuh remuat ratnan dacem semuet bang acangNeh luk inan mawa.

BALA LUK LINIO 2:9

Ui pangeh kali' susa'mu idi asi'mu—iamo' setuneh iko mula binaweh. Ui kali' kuyo ratnan lemulun luk mala nedeh lun Yahudi, iamo' baken, iamo' ideh aceh ruma' sembayang Sétan.

SEMUIL LUK PUN-PUN 2:8

Lun masi' kedinganNeh rat bang abuh. Idi lun luk mesusa' kedinganNeh ratnan derehdeh. Ieh nganau' nedeh ku rurum raca'; idi Ieh nganau' nedeh buren. Ngaceku amung diri tana' ini Tuhan kuan, idi Tuhan teh luk nemudut tana' ini.