YAKUB 1:5 - BALA LUK DO'

⁵ Kudeng inan seburur rat arang muyuh luk na petap ileh, idi do' ieh mutuh inan Allah, luk maré dengan mekatu kuan anid-anid lemulun dengan na ngesala' neneh, idi kali' rungen miak barén kuanneh.

YAKUB 1:5 Iomraidhean Croise

INUL LUK PUN-PUN 22:12

Do' Tuhan maré kuanmu ileh idi beneh niat, pad iko nguyut nelun Israil, petulu ku ukumNeh.

INUL LUK KEDUEH 1:10

Ngaceku ineh maré kuanku ileh, idi do' kali', pelé ui miak ngimet pupu ini. Kudeng na baré rat Namu kudeng apehké ui ngimet pupuMu luk kinula' ini?”

NANI UBUR 51:6

Niat luk lutep luk pianMu; manu' terawéku ku ilehMu.

PURA' 31:3

Ui pangeh nemanu' neneh ku Roh Allah idi ileh luk meriput ratnan amung kekamen ticu' —

PURA' 31:6

Ui pangeh nengeletep ni Aholiab Ahisamak ratnan inul Dan, pad ieh ngedengan ni Besalel. Idi teh Ui pangeh nemaré ileh luk meriput kuan tukang-tukang, pad ideh miak nganau' amung luk bida'Ku namu.

BALE' 8:17

Ui mawa inan lemulun luk mawa negku; idé-idé luk nakap negku miak ngalap negku.

MATIUS 11:20

Idi Yésus nengimun remasang kuan bawang-bawang, su luk inanNeh pangeh nenganau' mula' kekamen luk melalud, ngaceku ideh na uren, kebalaNeh,

MARKUS 16:14

Muci ratnan ineh Yésus nesilagan kuan pulu' aceh anak sekola'Neh, kareb uneddeh kuman, idi Ieh nengayud nedeh ngaceku ideh na manu idi metueh niat, id teh ngaceku ideh na manu ku bala lemulun luk pangeh nenier Neneh muci ratnan Ieh tumui.

YAHYA 14:13

Idi anun-anun pana' luk pituen muyuh bang ngadanKu, Ui miak ngua' neneh, pad Taman uen ngerayeh bang Anak.

YAHYA 15:7

Kudeng muyuh lutep bang Negku, idi balaKu lutep bang nemuyuh, do' mutuh anun-anun luk pian muyuh, idi ineh luk miak mangun kuan muyuh.

YAHYA 4:10

Idi kebala Yésus, ‘Kudeng iko kali' katu Allah idi idé Lemulun luk mutuh namu maré luk rupen, na miak na iko mutuh rat Neneh, pad Ieh maré abpa' luk mulun kuanmu.”

2 KORINTUS 2:16

Kuan lemulun luk metutu', kai mangun ku aceh buen butung luk ngaté; iamo' kuan lemulun luk uen ngulun, aceh buen luk ngulun. Idéké luk temina' kuan kekamen luk kudeng ini?

YAKUB 1:17

Anid-anid baré luk do' idi anid-anid katu luk meriput ineh macing rat surga idi temurun ratnan Taman, lawa amung-amung acang. Idi Ieh luk na miak misu' idi lungung-lungung luk medacem pana' na.

YAKUB 3:17

Iamo' ileh luk rat surga pun-pun meligan, pangeh ineh sikal pedo', do' buri', idi do' baya' ukum, idi panu' dengan éi' idi bua'-bua' luk do' dengan na metebaceng, idi dengan na naluk.

YAKUB 5:16

Ngaceku ineh do' anid-anid burur muyuh ngamo sala' muyuh arang muyuh sebuleng, idi sembayang seburur kuan seburur pad muyuh uen ngedo'. Idi sembayang lemulun luk matu, dengan matu-matu niatneh, rayeh laludneh.

1 YAHYA 3:22

Anun-anun luk pituen tau, tau miak ngalap rat Neneh, ngaceku tau maya' amung-amung ukumNeh, idi nganau' anun-anun luk petulu denganNeh.