YAKUB 1:21 - BALA LUK DO'

²¹ Do' muyuh nala' amung-amung luk melutak idi luk dat luk mela ineh, idi ngalap dengan niat luk mebeneh bada' luk pangeh tinibu bang nemuyuh, luk melalud ngulun burur muyuh.

YAKUB 1:21 Iomraidhean Croise

NANI UBUR 25:9

Ieh nguyut lemulun luk mebeneh niat maya' dalan luk matu, idi mada' pianNeh nedeh.

YESAYA 2:20

Kareb ineh ideh nala' akang luk inau'deh ratnan amas idi pirak, idi necan nedeh kuan labo idi pawat.

YESAYA 29:19

Lemulun luk na ngadan, idi lemulun luk masi' miak ngalap awang luk barén Allah lun Israil luk Meligan.

YESAYA 30:22

Muyuh nala' akang muyuh luk kikep ku pirak idi amas, mepad kudeng nala' arap, kebala muyuh, “Buro muyuh!”

YESAYA 61:1

Roh Tuhan Allah idi pa luunKu, ngaceku Ieh pangeh nengumau Negku, Pad Ui mada' Bala luk Do' kuan lun masi', idi ngedo' lemulun luk nginuud idi mebeneh niat, idi mada' puit kuan lemulun luk tiban, idi teh kuan lemulun luk tinutup.

YEHISKIEL 18:31

Do' muyuh ugka' ratnan kekamen muyuh luk dat, idi do' ngalap terawé idi niat luk mebaruh. Ngudehké muyuh lun Israil pian maté?”

YEHISKIEL 36:25

Ui miak ngisak abpa' luk meligan luun muyuh, pad muyuh baruin ratnan akang muyuh idi ratnan anun-anun luk nengelutak nemuyuh.

SEPANIA 2:3

O amung muyuh lun luk mebeneh niat bang bawang ini, luk maya' ukumNeh, do' amé' inan Tuhan. Do' nganau' luk matu dengan mebeneh niat, pad muyuh mepuit lek kareb aco luk inan Tuhan ngegala' usehNeh.

MATIUS 5:5

“Samal kuan lemulun luk mebeneh niat, ngaceku ideh miak ngalap luk pijani' Allah.

YAHYA 6:63

Roh, Ieh ineh luk ngulun, idi burur, sebuleng pana' na ulekneh. Idi bala luk Ui mala kuan muyuh ngacing Roh Allah luk maré ulun.

YAHYA 6:68

Idi kebala Simun Pétrus Neneh, “O Tuhan, amé' nidéké kai? BalaMu mo' luk maré ulun luk meruked.

KEKAMEN RASUL-RASUL 10:33

Idi ui petacu nengecuk lemulun amé' nawar namu, idi mawang niat iko pangeh nacing. Ngaceku ineh nekini amung kai pangeh netebubpun tungé' pa kiung Allah, pad ninger amung bala luk bila Tuhan kuanmu.”

KEKAMEN RASUL-RASUL 13:26

“O kinanak-kinanakku, luk inul Ibrahim, idi amung-amung pupu baken luk idi ieni luk sembayang nan Allah; kuan tau bala ulun ini pangeh nacing.

SURAT LUK BIRE PAULUS KUAN LUN RUM 1:16

Ngaceku na ui migu' ngamo Bala luk Do' ineh; ngaceku ieh ineh lalud Allah luk ngacing ulun kuan anid-anid lemulun luk manu, pun-pun kuan lun Yahudi, idi kuan pun pupu baken pana'.

SURAT LUK BIRE PAULUS KUAN LUN RUM 11:17

Sebuang angat pangeh tingal, idi muyuh lun pupu baken mepad kudeng aceh angat saitun pulung luk kinawin luun ineh, pad ngalap babpat ratnan uat lawa saitun ineh luk mepanu' ku para'.

SURAT LUK BIRE PAULUS KUAN LUN RUM 6:17

Iamo' ngubur Allah, ngaceku atun muyuh mangun ku demulun sala', iamo' nekini dengan niat luk matu, muyuh maya' ayu bada' ineh luk pangeh bida' kuan muyuh.

1 KORINTUS 15:2

Idi ratnan Bala luk Do' ineh teh muyuh ngalap ulun luk meruked, kudeng muyuh ngimet bala luk bida'ku ineh meraben. Iamo' kudeng anu muyuh ineh mo'-mo' na miak.

2 KORINTUS 7:1

Amung ini pangeh biré kuan tau, O lun rurumku. Ngaceku ineh do' tau ngeligan burur tau ratnan amung luk ngelutak burur idi niat, idi ngeriput ligan tau dengan matot inan Allah.

EPESUS 1:13

Kudeng ineh teh muyuh, kareb muyuh neninger bala luk matu, ieh ineh Bala luk Do' luk nengulun nemuyuh, idi muyuh pangeh manu inan Keristus, idi muyuh pangeh itu ku Roh Meligan luk pangeh pijani' ineh.

EPESUS 4:22

Ngaceku ineh do' nala' ulun muyuh luk mon luk nenguit nemuyuh mulun maya' ulun muyuh luk atun luk uen ngaté ngaceku pinianneh luk naluk.

EPESUS 4:25

Ngaceku ineh do' muyuh ugka' mebalih. Do' anid-anid muyuh pebala luk matu kuan kinanakneh, ngaceku amung-amung tau pad-pad mangun ku babpat burur Keristus.

EPESUS 5:4

Idi teh na petulu muyuh ngeruat bala luk melutak, bala luk mebacé, idi bala luk na petulu tetanen. Iamo' meluun do' maré ubur.

1 TESALONIKA 1:5

Ngaceku bada' kai ratnan Bala luk Do' pangeh icing kuan muyuh baken dengan bala mo', iamo' dengan lalud, idi Roh Meligan, idi dengan anu luk matu-matu. Muyuh kali' kudeng apeh ulun kai arang muyuh ngaceku muyuh.

1 TESALONIKA 2:13

Idi ini punneh kai ini pana' megéi' maré ubur kuan Allah. Kareb kai nemada' bala Allah kuan muyuh, muyuh nengalap bala ineh baken mepad kudeng bala lemulun, iamo' matu mepad kudeng bala Allah. Ngaceku Allah ngakem bang nemuyuh luk manu.

TITUS 2:11

Ngaceku Allah pangeh nengegala' katuNeh luk ngacing ulun kuan amung-amung lemulun.

IBERANI 12:1

Tau pangeh linibut lun nekali' luk mula' ineh. Ngaceku ineh do' tau nala' anid-anid babeh luk meberat, idi sala' luk malé ngabet netau, idi do' tau upun dengan mulai niat bang peribatun luk tinina' kuan tau.

IBERANI 2:3

Kudeng apehké tau miak mepuit kudeng tau na ngerawé ulun luk kudeng ineh rayeh? Tuhan pun-pun nemada' ratnan ulun ineh, idi lemulun luk neninger balaNeh nengegala' kuan tau ratnan bala ineh matu.

IBERANI 4:2

Ngaceku Bala luk Do' pangeh bida' kuan tau, mepad kudeng ideh ineh teh; iamo' bada' luk pindenger ineh na miak ngacing peruan kuandeh, ngaceku na ieh dinengan ratnan anu kuan lemulun luk ninger ineh.

YAKUB 4:8

Do' muneng inan Allah idi Ieh miak muneng nemuyuh. Maru' ticu' muyuh, O muyuh lun mesala'; idi ngeligan niat muyuh, O muyuh luk perapid niat.

YAKUB 5:20

idi do' muyuh kali' seburur lemulun luk nenguit seburur lemulun luk mesala' lumi ratnan dalanneh luk neraruh ineh, miak ngulun niat lemulun ineh ratnan até, idi miak ngapung sala' luk mula'.

1 PETRUS 1:22

Ngaceku muruh pangeh nemaru' niat muyuh idi lutep maya' luk matu, pad muyuh mawa dengan amung-amung kinanak dengan na siayu, idi do' muyuh mawa seburur dengan seburur, dengan niat luk matu.

1 PETRUS 1:9

ngaceku muyuh ngalap ulek anu muyuh, ieh ineh ulun kuan niat muyuh.

1 PETRUS 2:1

Ngaceku ineh do' nala' amung-amung luk dat, amung-amung balih, siayu, temaruh, idi buri' luk dat.

1 PETRUS 2:11

O luk inanku mawa, ui mutuh nemuyuh mepad kudeng lun sakai idi lemulun luk tudo segageh bang tana' ini! Do' muyuh ngado burur muyuh ratnan amung-amung lili tana' ini luk pebunu' dengan ulun muyuh.