YAKUB 1:19 - BALA LUK DO'

¹⁹ Do' ngerawé bala ini, O kinanak-kinanak luk inanku mawa. Do' anid-anid burur lemulun mesaget ninger idi mulai peburi', idi mikat museh.

YAKUB 1:19 Iomraidhean Croise

NEHEMIA 8:18

Rat aco luk pun-pun bang irau ineh macing aco luk kekiped ideh nemaca' aceh babpat Ukum Allah anid-anid aco. Ideh nenganau' aco rayeh tudu' aco kinioneh. Idi aco luk kewaluh inan aceh irau luk rayeh luk kekipedneh, maya' kudeng luk litep bang Surat Ukum.

NEHEMIA 9:17

Ideh ara' maya' ngaceku ideh nekelupan amung luk inau'Mu, idi na nengerawé tanu' luk biréMu. Ideh metueh niat pad ideh nemili' seburur lun rayeh, luk miak nguit nedeh mangun ku demulun déi' Masir teh. Iamo' Iko ineh Allah luk maré do'; Iko luk méi' idi mawa idi na malé museh. Ei'Mu pelaba rayeh. Na Iko nenecan nedeh.

NEHEMIA 9:3

Idi Ukum Tuhan Allahdeh bica' kuandeh teluh jam kinioneh. Idi teh teluh jam kinioneh ideh nengamo sala'deh idi nesembayang inan Allah.

AYUB 32:16

Miakké ui ungeng kareb ideh pirud? Ideh tuped su ineh dengan na luk baléndeh.

BALE' 10:19

Lemulun luk mula' bala malé nganau' sala'. Kudeng iko mileh, kali' rungen iko pirud.

BALE' 13:3

Matar do'-do' ratnan balamu, pad iko mulun. Lemulun luk mula' buri' ngusag bururneh sebuleng.

BALE' 14:17

Lemulun luk mesaget niat nganau' luk mebacé. Iamo' lun luk mileh mulai niat.

BALE' 14:29

Lemulun luk mekadang niat ineh mileh. Iamo' lemulun luk malé mét niat ngegala' bacéneh.

BALE' 15:18

Lemulun luk malé gateh ngacing kedaluh, iamo' lemulun luk mulai niat ngacing pedo'.

BALE' 15:2

Kareb lemulun luk mileh pebala, ileh ineh ngeruid niat, iamo' bala lun luk mebacé na ulekneh.

BALE' 16:32

Meluun do' ulai niat ratnan ngadan rayeh. Meluun do' ngimet bururmu ratnan ngimet mula' bawang.

BALE' 17:14

Pun kedaluh mepad kudeng leleng abpa' luk ngimun mepasu. Ngaang neneh pad ieh na amé' rayeh.

BALE' 17:27

Lemulun luk lutep terawé na pelaba ula' buri'. Lemulun luk na megagau inan ileh.

BALE' 18:13

Ninger do'-do' kareb nateh iko ngor bala, pad iko na mebacé idi nguyo.

BALE' 18:21

Balamu miak ngulun idi ngaté. Iko luk kuman amung bua' balamu.

BALE' 19:11

Lemulun luk inan ileh na malé museh. Kudeng lemulun mesala' namu, meluun do' na ngerawé ineh.

BALE' 19:19

Kudeng lemulun malé megateh niat, nima' neneh ngalap uli'neh. Kudeng iko ngedengan neneh, kali' rungen iko mesusa' muci.

BALE' 21:23

Kudeng iko na pian mekaneh susa', matar do'-do' ratnan luk belénmu.

BALE' 25:28

Kudeng iko na miak ngimet usehmu, iko melaya' mepad kudeng aceh bawang luk malé uen ngaro ngaceku na libung.

BALE' 29:20

Meluun rayeh rapet kuan lemulun luk mebacé ratnan lemulun luk pebala dengan na ngerawé.

IAP 22:27

Idi kareb keladai ineh nenier Melaikat Tuhan, idi ieh neluku. Idi Bilam pelaba gateh. Idi ieh nenecat keladai ineh ku kayuh.

MATIUS 5:22

Iamo' nekini Ui pebala nemuyuh: idé-idé luk museh inan kinanakneh, ieh miak iten amé' besara, idi idé-idé luk pebala nan kinanakneh, ‘Iko mebacé,’ ieh miak iten papu' lun luk rayeh; idi idé-idé luk pebala, ‘Iko meruden,’ ieh luk ngalap ua'neh bang apui.

MARKUS 12:37

“Daud sebuleng neneten Neneh Tuhan; idi kudeng apehké Ieh mangun ku Anakneh teh?” Lun mula' ine pelaba pian ninger bala Yésus.

MARKUS 2:2

Idi mula' lemulun nepamung, pad na luk idi luk inan peh, macing ku munung tanga' pana'. Yésus nemada' Bala luk Do' kuandeh,

LUKAS 15:1

Bang seaco amung-amung lemulun luk ngamung usin pupuk idi lun mesala' pana' iné' tuped iring Yésus sikal ninger balaNeh.

LUKAS 19:48

Idi na ideh kali' anun-anun luk miak ruendeh ineh, ngaceku amung pupu ineh merapet Neneh idi sikal ninger balaNeh.

KEKAMEN RASUL-RASUL 1:15

Pangeh tuda'-tuda' aco inan aceh tebubpun lun manu, ieh ineh lélé meratu dueh ngepulu' burur kinula'deh, idi Pétrus netuped idi nemada'.

KEKAMEN RASUL-RASUL 10:33

Idi ui petacu nengecuk lemulun amé' nawar namu, idi mawang niat iko pangeh nacing. Ngaceku ineh nekini amung kai pangeh netebubpun tungé' pa kiung Allah, pad ninger amung bala luk bila Tuhan kuanmu.”

KEKAMEN RASUL-RASUL 13:48

Kareb lun pupu baken neninger bala ini, ideh mawang niat idi nengerayeh bala Allah; idi lemulun luk pinili' ngalap ulun luk meruked ineh manu peh.

KEKAMEN RASUL-RASUL 17:11

Idi déi' lemulun meluun do' terawé ratnan lun Tesalonika. Ideh pangeh nengalap bala ineh dengan mawang niatdeh, idi anid-anid aco ideh nengelio Surat Allah, pian kali' kudeng matu amung luk bila Paulus ineh.

KEKAMEN RASUL-RASUL 2:42

Idi ideh pana' lutep ninger bada' rasul-rasul idi ideh perurum seburur dengan seburur, pamung kuman, idi sembayang teh.

EPESUS 4:26

Kudeng muyuh museh, aleg nganau' sala', aleg muyuh nganug useh muyuh pad aco macep.

EPESUS 4:31

Do' amung-amung luk mepét, megateh nait, useh, kedaluh, idi kuyo talan rat arang muyuh dengan amung-amung luk dat.

KOLOSE 3:15

Idi do' awang Keristus ngimet bang niat muyuh, idi bang luk kudeng ineh teh muyuh pangeh tinawar bang burur luk sebuleng; idi do' muyuh maré ubur.

KOLOSE 3:8

Iamo' nekini do' muyuh necan amung-amung ineh, ieh ineh useh luk ngacing ét niat, kuyo, idi bala luk melutak.

1 TESALONIKA 2:13

Idi ini punneh kai ini pana' megéi' maré ubur kuan Allah. Kareb kai nemada' bala Allah kuan muyuh, muyuh nengalap bala ineh baken mepad kudeng bala lemulun, iamo' matu mepad kudeng bala Allah. Ngaceku Allah ngakem bang nemuyuh luk manu.

YAKUB 1:16

Aleg muyuh uen naluk, O kinanak-kinanak luk inanku mawa!

YAKUB 1:2

O kinanak-kinanakku, kareb muyuh mebpeh bang anid-anid tutun, do' mala amungneh ineh mangun ku awang mo';

YAKUB 1:26

Kudeng idé-idé luk ngerawé anuneh mepicet, iamo' na ngimet dila'neh iamo' naluk niatneh sebuleng, idi baya' lemulun ineh mo'-mo'.

YAKUB 2:1

O kinanak-kinanakku luk manu inan Tuhan tau Yésus Keristus luk rayeh ineh, aleg muyuh mili' lemulun maya' ayudeh.

YAKUB 2:5

Do' muyuh ninger, O kinanak-kinanak luk inanku mawa, bakenké Allah mili' lemulun luk masi' bang tana' ini mangun ku lun do' bang anu idi ngalap babpat Imet luk pangeh pijani'Neh kuan amung-amung lemulun luk mawa Neneh?

YAKUB 3:10

Ratnan tang ineh teh remuat ubur-ubur idi kediman. Amung-amung luk kudeng ineh, O kinanak-kinanakku, na mayu.

YAKUB 4:11

O kinanak-kinanakku, aleg seburur ngedat lemulun. Lemulun luk ngedat kinanakneh idi ngesala' kinanakneh, ieh luk ngedat Ukum idi ngesala' Ukum ineh teh. Iamo' kudeng iko ngesala' Ukum ineh, na iko lemulun luk maya' Ukum ineh, iamo' mangun ku luk mutut neneh.

YAKUB 5:12

Iamo' luk pun-pun, O kinanak-kinanakku, aleg muyuh pebulung, do' ratnan surga idi ratnan tana' pana', idi ratnan bulung luk baken-baken teh. Iamo' do ngamo ratnan luk “mo”, idi mala “Na” ratnan luk “na”, pad muyuh na mekaneh ukum.

YAKUB 5:19

O kinanak-kinanakku, kudeng seburur rat arang muyuh meraruh ratnan luk matu, idi seburur lun baken nenguit neneh lumi,

1 YAHYA 2:21

Baken ui ngayud kuan muyuh ngaceku muyuh na kali' luk matu, iamo' ngaceku muyuh kali' ineh, idi ngaceku muyuh kali' na luk idi balih luk remuat ratnan luk matu.