YAKUB 1:17 - BALA LUK DO'

¹⁷ Anid-anid baré luk do' idi anid-anid katu luk meriput ineh macing rat surga idi temurun ratnan Taman, lawa amung-amung acang. Idi Ieh luk na miak misu' idi lungung-lungung luk medacem pana' na.

YAKUB 1:17 Iomraidhean Croise

PUDUT 41:16

Idi kebala Yusup, “Na ui mileh, O raca'; iamo' Allah miak maré or luk do' namu.”

INUL LUK PUN-PUN 22:12

Do' Tuhan maré kuanmu ileh idi beneh niat, pad iko nguyut nelun Israil, petulu ku ukumNeh.

INUL LUK PUN-PUN 29:19

Idi maré kuan anakku Selimun niat luk matu, pad ieh miak nginita amung bala, ukum, idi dalanMu, idi pad ieh miak mudut Ruma' Allah luk pangeh tinina'ku ku amung repapehneh.”

NANI UBUR 102:27

iamo' Iko Tuhan na misu', idi ulunMu na kekiped.

NANI UBUR 122:6

Sembayang mutuh do' udeng kuan bawang Yerusalim! “Nima' lemulun luk mawa namu uen ngeperuan!

NANI UBUR 136:7

Ieh nenganau' aco idi bulan; idi awaNeh meruked;

NANI UBUR 84:11

Tuhan ineh utap kai idi raca' kai luk rayeh, Ieh ngedita' nekai idi ngeperuan nekai dengan éi'. Na Ieh ara' maré luk do' kuan lemulun luk nganau' luk matu.

NANI UBUR 85:12

Tuhan miak ngeperuan netau, idi tana' tau miak ngeruat uli' luk pelaba do'.

BALE' 2:6

Tuhan, ieh ineh luk maré ileh. Ileh idi do' kali' macing rat Neneh.

YESAYA 28:26

Ieh kali' dalan nganau' anun-anun ngaceku ieh bida' Allah.

YESAYA 45:7

Ui nganau' acang idi dacem pana'; Ui ngacing peruan idi susa' teh. Ui ini Tuhan luk nganau' amung ineh.

YESAYA 46:10

Rat pun-pun idi rat mon pana', Ui nemada' ratnan luk miak mangun. KebalaKu, ‘TerawéKu na miak na uen ngacing. Ui nganau amung-amung luk pianKu.’

YESAYA 60:19

“Aco na mangun ku acangmu kareb maco, idi bulan na mangun ku acangmu kareb medacem; Ui ini Tuhan luk mangun ku acangmu luk meruked. Acang rayehKu miak merasat luunmu;

MALAKI 3:6

“Ui ini Tuhan luk na misu'. Ngaceku ineh muyuh luk inul Yakub nateh inukum.

IAP 11:17

Idi Ui miak temurun idi pebala namu ieneh. Idi Ui miak ngalap ratnan Roh luk namu ineh idi ngerareng ineh nedeh, pad ideh ineh mabeh dereh pupu ineh, perapu denganmu, pad iko na mabeh ineh sebuleng.

IAP 11:25

Idi Tuhan netemurun bang laput ineh idi nepebala neneh. Idi Tuhan nengalap ratnan Roh luk ni Musa, idi ieh nemaré ineh kuan tudu' ngepulu' lun rayeh ineh. Kareb Roh ineh pana' iné' nedeh, idi ideh nengimun mada' luk biré Roh. Iamo' ideh nenganau' kudeng ineh sekua' mo'.

IAP 23:19

Allah na mebalih mepad kudeng lemulun, Idi na nginuud mepad kudeng anak lemulun; balaNeh matu idi miak uen ngacing.

MATIUS 7:11

Ngaceku ineh kudeng muyuh luk dat, kali' teh maré luk do' kuan anak-anak muyuh, meluun teh Taman muyuh luk bang surga sikal maré luk do' kuan lemulun luk mutuh Neneh?

LUKAS 11:13

Kudeng muyuh luk dat kali' teh maré luk do' kuan anak-anak muyuh, meluun teh Taman muyuh luk bang surga sikal maré Roh Meligan kuan lemulun luk mutuh rat Neneh!”

YAHYA 1:9

Ini acang luk matu luk macing bang tana' ini pad ngacang amung-amung lemulun.

YAHYA 3:27

Iamo' kebala Yahya, “Seburur pana' na miak ngalap anun-anun kudeng na barén Allah neneh.

YAHYA 3:3

Idi kebala Yésus, “Matu, Ui pebala namu, kudeng selemulun na tinganak baruh, na ieh miak nier Imet Allah.”

YAHYA 8:12

Yésus nemada' nedeh teh, kebalaNeh, “Ui ini Acang Tana'. Idé-idé luk maya' Negku miak ngalap acang luk maré ulun, idi na ieh miak nalan bang dacem.”

KEKAMEN RASUL-RASUL 11:18

Pangeh ideh neninger kudeng ini idi amung-amungdeh pirud, idi nengerayeh Allah, kebaladeh, “Kudeng pieh kudeng ineh, kuan lun pupu baken teh Allah pangeh nemaré dalan uren luk nguit amé' inan ulun.”

KEKAMEN RASUL-RASUL 5:31

Ieh kinikit Allah tudo pa tinuehNeh mangun ku Raca' idi Lun Nengulun, pad nguit nelun pupu Israil uren idi ngalap do' ratnan sala'.

SURAT LUK BIRE PAULUS KUAN LUN RUM 6:23

Ngaceku tabpar sala' ineh maté, iamo' katu Allah ineh ulun luk meruked dengan Keristus Yésus Tuhan tau.

1 KORINTUS 4:7

Ngaceku idéké luk nganau' namu meluun do' rat nelun baken? Idi anunké inan namu luk baken ilapmu? Idi kudeng iko pangeh nengalap ineh anunké punneh iko ngedita' bururmu kudeng ayuneh luk ilapmu ineh baken aceh baré?

2 KORINTUS 4:6

Allah luk pangeh nepebala, “Do' acang ineh merasat rat bang dacem,” Ieh ineh teh luk merasat bang niat kai, pad ngacang netau ku ileh ratnan rayeh Allah luk merasat nan kiung Yésus Keristus.

EPESUS 1:18

Ui mutuh Tuhan ngukab terawé muyuh pad muyuh miak nier rasatNeh, idi pad muyuh kali' anunké rapet ineh luk inan muyuh tinawarNeh, idi kudeng apeh do' amung peruan luk rayeh ineh luk pinaji'Neh kuan amung-amung lun manu;

EPESUS 2:8

Ngaceku dengan katu Allah muyuh inulun ngaceku ratnan anu, idi ini baken kekamen muyuh, iamo' baré Allah,

BADA' RATNAN UKUM 4:19

Idi aleg muyuh meraruh pad muyuh tekeradung sembayang nan luk siren muyuh i langit — aco, bulan, idi gituen. Amung ineh pangeh biré Tuhan Allah muyuh kuan amung pupu luk liang langit ku babpatdeh.

PILIPI 1:29

Ngaceku Allah pangeh nemaré kareb kuan muyuh pad ngakem kuan Keristus ineh, baken dengan manu Neneh mo', iamo' dengan ngalap medereh pana' ngaceku Ieh.

1 TIMOTIUS 6:16

Ieh sebuleng mo' na miak maté. Ieh tudo bang acang luk na miak mesier, luk na tu-tu sinier idi luk na miak siren seburur lemulun. Amung-amung ubur idi lalud kuanNeh, ruked-ruked! Amin.

IBERANI 13:8

Yésus Keristus ineh na miak misu', do' so nilad, idi aco sini pana', idi ruked-ruked teh.

YAKUB 1:5

Kudeng inan seburur rat arang muyuh luk na petap ileh, idi do' ieh mutuh inan Allah, luk maré dengan mekatu kuan anid-anid lemulun dengan na ngesala' neneh, idi kali' rungen miak barén kuanneh.

YAKUB 3:15

Idi ileh ineh baken ileh luk macing rat surga iamo' ratnan tana', ieh ineh luk macing ratnan pian burur idi pian Iblis.

YAKUB 3:17

Iamo' ileh luk rat surga pun-pun meligan, pangeh ineh sikal pedo', do' buri', idi do' baya' ukum, idi panu' dengan éi' idi bua'-bua' luk do' dengan na metebaceng, idi dengan na naluk.

1 YAHYA 1:5

Idi ini bada' AnakNeh luk pangeh pindenger kai rat Neneh, idi mada' kuan muyuh teh: idi Allah, Ieh ineh acang idi na tu-tu inan dacem bang Neneh.

1 YAHYA 4:10

Kudeng ini awa ineh: baken ngaceku tau mawa inan Allah, iamo' ngaceku Allah mawa netau, idi nengecuk AnakNeh mangun ku baré pedo' ratnan amung-amung sala' tau.

BALA LUK LINIO 21:23

Idi bawang ineh na makai mateh aco idi bulan pana', ngaceku rasat Allah luk ngacang neneh, idi Anak Dumba ineh mangun ku lapungneh.

BALA LUK LINIO 22:5

Idi na luk idi dacem teh, idi ideh na sikal ku acang ilu' idi acang aco pana', ngaceku Tuhan Allah sebuleng mangun ku acangdeh, idi ideh miak ngimet macing ruked-ruked peh.

SEMUIL LUK PUN-PUN 15:29

Idi Allah luk mangun ku Ubur lun Israil ineh na mebalih idi na Ieh nginuud. Ngaceku baken Ieh lemulun pad Ieh nginuud.”