YAKUB 1:14 - BALA LUK DO'

¹⁴ Iamo' lemulun mekaneh tutun kareb ieh rinuid idi tiban ratnan pian buruneh sebuleng.

YAKUB 1:14 Iomraidhean Croise

PUDUT 3:6

Idi decur ineh nenier lawa ineh do' siren matehneh, idi bua'neh pana' do' én sirenneh. Idi ieh nengerawé ineh mangun ku luk do' kuanneh lek, pad ieh mileh. Idi ieh nengalap bua' ineh, idi nekuman ineh. Idi ieh nenguit kuan awanneh, idi awanneh pana' nekuman teh.

PUDUT 6:5

Kareb Tuhan nenier sala' lemulun luk bang tana' ini pelaba ula', pad ieh ngerawé idi geregan ku luk dat mo' kidi-kidi,

PUDUT 8:21

Idi baré ineh do' buen pa kiung Tuhan, idi Ieh nepebala bang niatNeh, “Na Ui sikal ngacing kediman bang tana' ini peh ngaceku ratnan lemulun, sagan pana' terawé niatdeh dat rat karebdeh isuut. Nateh Ui sikal ngaté amung-amung pudut luk mulun kudeng luk pangeh inau'Ku.

SEMUIL LUK KEDUEH 11:4

Idi Daud nengecuk nelun amé' ngalap neneh. Idi decur ineh iné' neneh, idi Daud nepamung neneh. (Idi decur ineh uned ngeligan bururneh ratnan acing bulanneh.) Pangeh ineh idi ieh nuli'.

AYUB 31:27

Na tu ui tinutun ku luk kudeng ineh.

AYUB 31:9

Kudeng ui melili ku decur lun denganku, pad ui nganét munung tanga'neh,

BALE' 4:23

Matar terawému do'-do'. Ratnan terawému, ulunmu misu'.

YESAYA 44:20

Lun mebacé luk sinaluk ineh kuman abuh; idi na miak muit bururneh dengan pebala, “Akang luk bang paladku mebalih mo'.”

HOSIA 13:9

“O lun Israil Ui miak ngaté nemuyuh! Idéké luk miak ngedengan nemuyuh?

MATIUS 15:18

Iamo' amung-amung luk remuat rat bang tang lemulun, ieh ineh remuat rat bang niatneh; idi ieh ineh luk ngelutak lemulun.

MATIUS 15:20

Amung-amung kekamen ini luk ngelutak lemulun, iamo' kuman ku ticu' luk na biru', na miak ngelutak lemulun.”

MATIUS 4:1

Idi Yésus kinuyut Roh iné' su luk ali-ali pad Ieh tetunin Iblis.

MATIUS 5:28

Iamo' nekini Ui pebala nemuyuh: anid-anid lemulun luk melili ku decur bang niatneh, kareb ieh nier bururneh, pangeh ieh pasét neneh bang niatneh.

SURAT LUK BIRE PAULUS KUAN LUN RUM 7:11

Sala' ineh tigio ratnan bebpeng ineh, idi ieh nenaluk negku, idi ngaceku ratnan ineh sala' nengaté negku.

SURAT LUK BIRE PAULUS KUAN LUN RUM 7:13

Matuké ukum luk do' ineh ngacing até kuanku? Na tu-tu! Sala' ineh luk ngacing atéku. Dengan makai luk do' ineh, sala' ngacing até kuanku, pad ngegala' ilung sala' ineh. Ukum ineh ngegala' ratnan sala' ineh pelaba dat.

EPESUS 4:22

Ngaceku ineh do' nala' ulun muyuh luk mon luk nenguit nemuyuh mulun maya' ulun muyuh luk atun luk uen ngaté ngaceku pinianneh luk naluk.

IBERANI 3:13

Iamo' do' mada' arang muyuh sebuleng anid-anid aco, seruked “Aco Sini” miak tetanen, pad seburur pana' rat arang muyuh na mangun metueh niat ngaceku saluk sala'.

YAKUB 1:13

Aleg seburur pebala kareb ieh mekaneh tutun, “Ui nekaneh tutun Allah,” ngaceku Allah na tinutun ku luk dat idi Ieh sebuleng na nutun seburur pana' ku luk dat.

YAKUB 1:15

Pangeh ineh pinian burur ineh ngeruat bua', idi ngacing sala' idi kareb sala' ineh iuk amé' rayeh, ieh ngacing até.