YAKUB 1:12 - BALA LUK DO'

¹² Samal kuan lemulun luk mulai niat mabeh amung-amung tutun, ngaceku pangeh ieh tuman ratnan tutun, ieh miak ngalap pata ulun, luk pijani' Tuhan kuan amung-amung lemulun luk mawa Neneh.

YAKUB 1:12 Iomraidhean Croise

PUDUT 22:1

Pangeh amung-amung ineh nangun, Allah nenutun Ibrahim, kebalaNeh, “O Ibrahim!” Idi kebala Ibrahim, “Anun idi, Tuhan?”

NEHEMIA 1:5

kesembayangku, “O Tuhan Allah Surga, Allah luk meluun rayeh idi luk inan matot! Iko lutep maya' jani' idi mawa nelun luk mawa Namu, idi luk maya' amung ukumMu.

AYUB 2:10

Idi kebala Ayub, “Mebacé bala mineh! Kareb Allah maré luk do' kuan tau, tau ngalap ineh. Ngudehké tau medureng kareb Ieh maré susa' kuan tau.” Bang amung-amung susa' ineh pana', Ayub na nengedat Allah.

AYUB 5:17

Samal kuan lemulun luk badén Allah! Aleg mét niat kareb Ieh mada' namu.

NANI UBUR 11:5

Ieh ngelio lemulun luk do' idi luk dat; Ieh pelaba gateh inan lemulun luk ngelaba ukum.

NANI UBUR 119:67

Kareb nateh Iko nengukum negku, megéi' ui neraruh, iamo' nekini ui maya' balaMu.

NANI UBUR 119:71

UkumMu negku ineh do', ngaceku ineh nenganau' negku sibada' ku balaMu.

NANI UBUR 119:75

O Tuhan, ui kali' amung ukumMu mesiri, idi Iko nengukum negku, ngaceku Iko lutep maya' jani'.

NANI UBUR 5:11

Amung-amung lun luk initaMu mawang niat, ideh megéi' menani dengan awang. Iko ngelibung lemulun luk mawa Namu. Bang Namu ideh ngalap awang niat.

NANI UBUR 94:12

Samal kuan lemulun luk badénMu ku ukumMu,

PURA' 20:6

Iamo' Ui ngegala' katuKu kuan ribu-ribu inul luk mawa Negku idi luk ngimet balaKu.

BALE' 17:3

Amas idi pirak tetunin ku apui, idi niat lemulun tetunin Tuhan.

YESAYA 64:4

Seburur pana' nateh luk pangeh nenier idi neninger ratnan Allah luk mepad kudeng Iko, luk nganau' kekamen luk do' kuan lemulun luk merapet Neneh.

SEKARIA 13:9

Idi Ui miak nutun babpat luk ketecan ineh, idi ngeligan nedeh, mepad kudeng pirak luk uen ngeligan ku apui. Ui miak nutun nedeh mepad kudeng amas luk tetunin ku apui. Ideh miak sembayang mutuh rat Negku, idi Ui miak ngua' sembayangdeh. Idi Ui miak pebala, ‘Ini pupuKu.’ Idi ideh miak ngamo Negku ini Allahdeh.”

MATIUS 10:22

Muyuh miak inan amung-amung lemulun megateh ngaceku ngadanKu; iamo' lemulun luk tuman pad macing kekipedneh uen ngulun.

MATIUS 25:34

Idi Raca' ineh sikal pebala kuan lemulun luk pa tinuehNeh, ‘Amé' muyuh luk pangeh nengalap peruan ratnan TamanKu, lapen muyuh rat pun-pun tana' pinudut.

LUKAS 6:22

“Samal kuan muyuh kareb lemulun megateh nemuyuh, idi ngatad nemuyuh rat arangdeh, idi ngedat nemuyuh idi ngesala' nemuyuh, ngaceku ratnan Anak-Lemulun.

SURAT LUK BIRE PAULUS KUAN LUN RUM 5:4

idi ulai niat ineh ngacing niat luk meraben, idi niat luk meraben ineh ngacing inan rapet,

SURAT LUK BIRE PAULUS KUAN LUN RUM 8:28

Tau kali', idi amung-amung kekamen perurum ngacing luk do' kuan lemulun luk mawa inan Allah, ieh ineh kuan lemulun luk tinawar maya' pianNeh.

1 KORINTUS 2:9

Iamo' maya' kudeng luk inayud, “Luk na sinier mateh, idi luk na pindenger lalid, luk na megala' bang niat lemulun, ieh ineh luk inau' Allah temina' kuan lemulun luk mawa Neneh.”

1 KORINTUS 8:3

Iamo' kudeng idé lemulun luk mawa inan Allah, ieh ineh luk initi Allah.

1 KORINTUS 9:25

Anid-anid burur lemulun luk sikal metueh bang rot ineh megéi' maya' bebpeng lun luk marot. Ideh sikal ngalap aceh pata luk miak merapuk, iamo' tau ini sikal ngalap sebuleng pata luk na miak merapuk.

BADA' RATNAN UKUM 13:3

aleg muyuh ninger balaneh. Ngaceku muyuh tetunin Tuhan Allah muyuh, pad Ieh kali' kudeng matu-matu muyuh mawa Neneh dengan amung niat muyuh.

BADA' RATNAN UKUM 7:9

Ngaceku ineh do' muyuh kali' Tuhan Allah muyuh ineh Allah luk matu idi lutep maya' jani'Neh, idi mekatu kuan amung lemulun luk mawa Neneh idi luk nginita ukumNeh, ieh ineh macing nan tuda'-tuda' ngeribu anak inuldeh.

BADA' RATNAN UKUM 8:2

Idi do' muyuh ngerawé kuyut Tuhan Allah muyuh nemuyuh déi' su luk ali-ali, apat ngepulu' lak kinioneh, pad Ieh nengebeneh niat muyuh idi nenutun nemuyuh, pad Ieh kali' anun luk bang niat muyuh, kudeng muyuh maya' balaNeh kian na lek.

2 TIMOTIUS 2:15

Do' iko mekél pad iko buren Allah, mepad kudeng seburur demulun luk na migu' idi luk nginul bala ratnan luk matu dengan mesiri.

2 TIMOTIUS 4:8

Idi nekini pata ratnan luk matu pangeh tinina' kuanku idi Tuhan, ieh ineh Lun luk Mutut Besara' luk matu ineh miak maré pata ineh kuanku kareb Aco ineh; idi baken kuanku mo', iamo' kuan amung-amung lemulun luk pangeh geregan ku acingNeh.

IBERANI 10:32

Do' ngerawé ratnan ulun muyuh bang kareb luk atun ineh. Kareb ineh muci ratnan acang Allah ngacang nemuyuh, muyuh pelaba dereh, iamo' na muyuh linaya' ku bunu' ineh.

IBERANI 11:17

Ratnan anu teh Ibrahim ineh nemaré Isak, kareb ieh tinutun Allah. Ibrahim ineh pangeh nengalap amung-amung jani', iamo' na ieh ara' ngeseb anak bulengneh,

IBERANI 12:5

Pangehké muyuh nekelupan bala Allah luk ngubuk nemuyuh mepad kudeng anak-anak kebalaNeh, ‘O anakKu, aleg iko necan bada' Tuhanmu, idi aleg metalang niat kareb ukumNeh macing namu.

IBERANI 6:15

Ibrahim ine mulai niat idi ieh nengalap pejani' Allah ineh.

YAKUB 2:5

Do' muyuh ninger, O kinanak-kinanak luk inanku mawa, bakenké Allah mili' lemulun luk masi' bang tana' ini mangun ku lun do' bang anu idi ngalap babpat Imet luk pangeh pijani'Neh kuan amung-amung lemulun luk mawa Neneh?

YAKUB 5:11

Lemulun luk mulai niat ineh tau mala samal. Muyuh panegh neninger ratnan ulai niat Ayub, idi muyuh kali' kudeng apeh Tuhan nengasa' neneh kareb kekiped derehneh. Ngaceku Tuhan pelaba éi' idi mekatu.

1 PETRUS 3:14

Iamo' kudeng muyuh ngalap dereh ngaceku ratnan luk matu, samal kuan muyuh. Aleg matot ku lemulun, idi aleg muyuh merapang.

1 PETRUS 4:13

Iamo' do' muyuh mawang niat ngaceku muyuh miak ngalap babpat ratnan dereh Keristus, pad muyuh mepanu' ku awang, kareb rayehNeh uen ngelio.

1 PETRUS 4:14

Kudeng muyuh uen nguyo ngaceku ngadan Keristus, samal kuan muyuh, ngaceku Roh luk rinayeh, ieh ineh Roh Allah, idi bang nemuyuh.

1 PETRUS 5:10

Idi Allah, lawa amung-amung katu, luk pangeh nenawar nemuyuh semuet bang rayehNeh luk meruked bang Keristus, kareb muyuh pangeh nengalap dereh bang segageh mo', idi Ieh luk miak ngeligan nemuyuh idi ngeraben nemuyuh idi ngetueh nemuyuh pana'.

1 PETRUS 5:4

Idi kareb Lun Rayeh lun matar ineh uen ngegala', muyuh miak ngalap pata rayehNeh luk na miak mekarang.

1 YAHYA 4:19

Tau mawa ngaceku Allah pun-pun mawa netau.

BALA LUK LINIO 2:10

Aleg iko matot ku susa' luk macing namu teh. Siruh, Iblis sikal nuet sebuang muyuh bang tutup, pad muyuh tetunin; idi muyuh miak ngalap dereh teh bang pulu' aco kinioneh. Do' iko lutep pad macing maté, idi Ui miak maré kuanmu pata ulun ineh.

BALA LUK LINIO 3:19

Idi tuda'-tuda' lemulun luk inanKu mawa Ui mada' idi ngukum nedeh. Ngaceku ineh do' mekél idi uren.

BALA LUK LINIO 3:21

Ui maré lemulun luk metueh, tudo denganKu luun kerusiKu, mepad kudeng Ui pana' pangeh metueh idi tudo dengan TamanKu luun kerusiNeh.