YAKUB 1:11 - BALA LUK DO'

¹¹ Ngaceku mateh aco ineh masat dengan pelaba lau', idi ngekarang uduh ineh, idi busakneh pana' merurug, idi taga busakneh pana' metutu'. Kudeng ineh teh lun do' pana' mekarang kareb ieh uned nganau' kekamenneh.

YAKUB 1:11 Iomraidhean Croise

SEMUIL LUK KEDUEH 22:46

Ngaceku ideh na mekuu', ideh remuat dengan megegker, rat bang libungdeh luk meraben.

NANI UBUR 102:11

Ulunku mepad kudeng aca' kareb malem; ui mepad kudeng uduh luk tekering.

NANI UBUR 102:4

Ui ridu' mepad kudeng uduh; idi ui na pian kuman.

NANI UBUR 103:15

Ulun lemulun mepad kudeng uduh; ieh temubu' idi mulun mepad kudeng busak luk nan natad.

NANI UBUR 37:2

Ideh metutu' mepad kudeng uduh luk mekarang; idi maté mepad kudeng tibu luk melayuh.

NANI UBUR 39:6

idi mepad kudeng aca'! Amung luk ruenneh, na ulekneh; ieh ngamung binaweh, idi na kali' idé luk miak ngalap neneh!

NANI UBUR 90:6

idi kebusak, iamo' ieh mekarang idi maté kareb malem.

LUN LUK MADA' 5:15

Na luk iten ratnan luk ilap tau kareb tau necan tana' ini, ngaceku lubpa tau remuat rat bang nakan tinan tau. Idi kudeng ineh teh tau necan tana' ini.

YESAYA 28:1

Imet Israil miak kumin! Uburneh buro mepad kudeng pata busak luun uluh lun rayeh-rayehneh luk megéi' mabuk. Uluhdeh do' buen ku umaudeh, iamo' ideh telubid ngaceku mabuk.

YESAYA 28:4

Ubur lun rayeh ineh luk medita' niat miak buro mepad kudeng bua' gita' luk atun luk lapen kenen kareb ideh melak.

YESAYA 49:10

na ideh melau idi meparing. Na ideh medereh ku ét idang idi bui luk melau', ngaceku ideh kiuten Lun luk mawa nedeh. Ieh nguyut nedeh macing inan bued abpa'.

MATIUS 13:6

Kareb mét idang idi ieh mekarang peh. Ngaceku ieh na uat, ieh petacu melayuh.

MATIUS 20:12

keburi'deh, ‘Lun ini luk muci nengakem dengan segageh mo' kinioneh, idi iko nemaré tabpardeh mepad kudeng kai teh luk nengakem tebaco-tebaco kareb pelaba ét edang.’

MATIUS 6:30

Kudeng Allah ngayung uduh, luk mulun aco sini idi kenebpaneh ieh talan bang tetel apui, naké Ieh meluun pian ngayung nemuyuh, O muyuh luk na petap anu?

MARKUS 4:6

Iamo' kareb aco masat, ieh mekarang peh, idi ngaceku ieh na uat, ieh petacu melayuh.

1 KORINTUS 7:31

idi lemulun luk makai tana' ini, mepad kudeng lemulun luk na makai ineh; ngaceku ayu tana' ini miak metutu'.

1 PETRUS 1:4

Ineh punneh tau merapet ngalap peruan luk rayeh luk tinina' Allah kuan pupuNeh, ieh ineh luk na miak melu, idi na miak melutak, idi na miak mekarang, idi luk dinug bang surga kuan muyuh.

1 PETRUS 5:4

Idi kareb Lun Rayeh lun matar ineh uen ngegala', muyuh miak ngalap pata rayehNeh luk na miak mekarang.