YAKUB 1:10 - BALA LUK DO'

¹⁰ idi lun do' kareb ieh uen Allah ngebeneh, ngaceku lun do' mepad kudeng busak uduh luk mekarang.

YAKUB 1:10 Iomraidhean Croise

AYUB 14:2

Ideh temubu' idi mekarang mepad kudeng busak; ideh na idi mepad kudeng aca'.

NANI UBUR 102:11

Ulunku mepad kudeng aca' kareb malem; ui mepad kudeng uduh luk tekering.

NANI UBUR 103:15

Ulun lemulun mepad kudeng uduh; ieh temubu' idi mulun mepad kudeng busak luk nan natad.

NANI UBUR 37:2

Ideh metutu' mepad kudeng uduh luk mekarang; idi maté mepad kudeng tibu luk melayuh.

NANI UBUR 39:6

idi mepad kudeng aca'! Amung luk ruenneh, na ulekneh; ieh ngamung binaweh, idi na kali' idé luk miak ngalap neneh!

YESAYA 40:6

Inan lemulun luk ngitang, “Do' mada'!” Kebalaku, “Anunké luk badénku?” “Mada' ratnan lemulun mepad kudeng uduh; idi na mulun mio mepad kudeng busak bunga'.

YESAYA 40:7

Uduh idi busak melayuh, kareb Tuhan malid nedeh ku bui. Idi lemulun na meluun tueh ratnan uduh!

YESAYA 57:15

“Ui ini Allah luk medita' idi meligan, luk mulun ruked-ruked. Ui tudo déi' su luk medita' idi meligan. Idi teh Ui tudo dengan lemulun luk nginuud idi luk mebeneh niat pelé Ui nuneb nedeh pad ideh merapet teh.

YESAYA 66:2

Ui sebuleng nemudut amung-amung pudut! Ui mawang niat ku lemulun luk mebeneh niat idi luk uren, luk matot Negku idi luk maya' balaKu.

MATIUS 5:3

“Samal kuan lemulun luk kali' asi'deh pa kiung Allah, ngaceku ideh luk kuan Imet surga.

MATIUS 6:30

Kudeng Allah ngayung uduh, luk mulun aco sini idi kenebpaneh ieh talan bang tetel apui, naké Ieh meluun pian ngayung nemuyuh, O muyuh luk na petap anu?

1 KORINTUS 7:31

idi lemulun luk makai tana' ini, mepad kudeng lemulun luk na makai ineh; ngaceku ayu tana' ini miak metutu'.

PILIPI 3:8

Idi meluun teh, bang terawéku, luk amung-amung miak mangun ku rugi' kuanku ngaceku luk pelaba raga ini, ieh ineh pad ui miak miti Keristus Yésus Tuhanku. Idi ngaceku Keristus ui pangeh nenala' luk amung-amung. Idi amung-amung ineh ui mala mangun ku arap, pad Keristus mangun ku peruanku,

1 TIMOTIUS 6:17

Do' mada' kuan amung-amung lemulun luk lun do' bang tana' ini, pad ideh na medita' niat, idi aleg ideh merapet ku binaweh luk na meruked ineh. Iamo' do' ideh merapet inan Allah luk maré anun-anun kuan tau dengan mela pad niat tau mawang.

YAKUB 4:14

Iamo' setuneh na muyuh kali' anun luk miak mangun nebpa. Kudeng apehké ulun muyuh ineh? Ngaceku muyuh mepad kudeng aceh non luk megala' segageh mo' idi metutu'.

1 PETRUS 1:24

Maya' kudeng luk inayud, “Amung-amung lemulun mepad kudeng uduh idi amung rayehdeh mepad kudeng busakneh, Uduh ineh mekarang, idi busakneh merurug,

1 YAHYA 2:17

Tana' ini miak metutu', kudeng ineh teh lilineh; iamo' ieh luk maya' pian Allah mulun ruked-ruked.