YAKUB 1:1 - BALA LUK DO'

¹ Rat ni Yakub, demulun Allah idi demulun Tuhan Yésus Keristus: Tabi' kuan pulu' dueh pupu luk nepatad.

YAKUB 1:1 Iomraidhean Croise

RACA'-RACA' LUK PUN-PUN 18:31

Idi ieh nengalap pulu' dueh batu maya' kinula' amung inul pupu Yakub. Ngaceku bala Tuhan pangeh nacing ni Yakub, kebalaNeh, “Idi Israil mangun ku ngadanmu.”

ESRA 6:17

Idi kareb aco rayeh Ruma' Allah ineh ideh nemaré 100 sapi' deléi, 200 dumba, 400 anak dumba, idi 12 amék barén ngaceku sala' amung lun Israil, maya' kinula' pupu Israil.

ESTER 3:8

Idi kebala Haman ni raca', “Inan aceh pupu luk pitad aput imetmu, bang anid-anid babpat. Ideh maya' adat luk baken ratnan adat lun baken. Meluun teh ideh na maya' ukum imet ini. Ngaceku ineh na petulu iko nima' nedeh.

PURA' 24:4

Idi Musa nengayud amung bala Tuhan. Idi pekak uka-uka, ieh nenganau' aceh bubpun su buten irang surud ineh, idi ieh nenaped pulu' dueh batu maya' kinula' pulu' dueh pupu Israil.

PURA' 28:21

Idi anid batu ini nan ngayud ngadan sebuleng anak Yakub ku ngegala' ngadan pupu Israil.

PURA' 39:14

Idi anid batu ini inan ngadan sebuleng anak Yakub, ku ngegala' ngadan pulu' dueh pupu Israil.

YEHISKIEL 12:15

“Kareb Ui ngatad nedeh arang pupu baken bang bawang luk mado, idi ideh miak kali' Ui ini Tuhan.

UKUM 26:33

Idi muyuh sebuleng pana' uenKu ngatad parap-parap rat arang pupu baken, idi Ui munu' nemuyuh. Idi tana' muyuh mangun dat ali idi bawang muyuh uen ngusag.

MATIUS 10:3

Pilipus, Bartolomius, Tomas, Matius luk ngamung rigit pupuk, Yakub Alpius, Tadius;

MATIUS 13:55

Bakenké Ieh ini anak lun ngakem kayuh? Bakenké tinanNeh luk ngadanneh Mariam, idi kinanak-kinanakNeh Yakub, Yusup, Simun, idi Yudas?

MATIUS 19:28

Kebala Yésus nedeh, “Ui pebala nemuyuh: idi bang Imet luk mebaruh, kareb Anak-Lemulun tudo luun kerusi rayehNeh, muyuh pana' luk pangeh nemaya' Negku miak tudo luun pulu' dueh kerusi, idi ngukum pulu' dueh babpat pupu lun Israil.

MARKUS 3:18

Andrias, Pilipus, Bartolomius, Matius, Tomas, Yakub Alpius, Tadius, Simun lun Selot

LUKAS 22:30

Muyuh miak kuman idi ngirup luun sebuleng téng denganKu bang ImetKu, idi muyuh miak tudo luun kerusi idi ngukum pulu' dueh babpat pupu Israil.

LUKAS 6:15

Matius, Tomas, Yakub Alpius, Simun, lun Selot,

YAHYA 12:26

Idé-idé luk pian ngakem kuanKu, do' ieh maya' Negku, pad demulunKu idi dengaKu iapeh-iapeh pana' Ui idi. Idi TamanKu miak ngedita' lemulun luk ngakem kuanKu.

YAHYA 7:35

Idi lun Yahudi nepebala arangdeh sebuleng, “Iapehké ulek lemulun ini pad tau na miak ngalap Neneh? Sikalké Ieh amé' bawang lun Grika su luk inan lun Yahudi tebawang pad Ieh mada' nelun Grika?

KEKAMEN RASUL-RASUL 1:13

Ideh nesemuet bang bawang Yerusalim idi numak semuet bang takep luk pa luun, ieh ineh su luk inan Pétrus, Yahya, Yakub idi Andrias, Pilipus idi Tomas, Bartolomius idi Matius, Yakub Alpius, Simun lun Selot, idi Yudas Yakub.

KEKAMEN RASUL-RASUL 12:17

Idi Pétrus nemebpeng nedeh dengan ticu'neh ngecuk nedeh pirud, idi ieh nemada' nedeh kudeng apeh Tuhan pangeh nenguit neneh remuat rat bang tutup ineh, idi keburi'neh, “Mada' bala ineh kuan Yakub idi kinanak-kinanak teh.” Pangeh ineh idi ieh nenalan.

KEKAMEN RASUL-RASUL 15:13

Kareb didueh pangeh nepebala idi Yakub nengor bala didueh, kebalaneh, “O Kinanak-kinanakku, ninger muyuh balaku!

KEKAMEN RASUL-RASUL 15:21

Ngaceku rat mon Ukum Musa pangeh bica' bang amung-amung ruma' sembayang kareb anid-anid Aco luk inan Mudeng. Idi bala Musa ineh badén bang anid bawang.”

KEKAMEN RASUL-RASUL 15:23

Idi ideh nemaré sebuleng surat ini itendeh: “Tabi' ratnan rasul-rasul, lun rayeh-rayeh idi kinanak-kinanak muyuh kuan kinanak-kinanak rat nelun pupu baken déi' Antiokia, Siria, idi Kilikia.

KEKAMEN RASUL-RASUL 2:5

Idi inan tuda'-tuda' lun Yahudi luk tudo déi' Yerusalim, luk mepicet bang sembayangdeh, luk nacing rat anid-anid bawang bang tana' ini.

KEKAMEN RASUL-RASUL 21:18

Kenebpa Paulus nemaya' nekai amé' papu' Yakub; Idi amung-amung lun rayeh sidang pana' inan teh déi'.

KEKAMEN RASUL-RASUL 23:26

“Tabi' rat negku, Klaudius Lisias macing inan Lun luk Ngimet Ukum, ieh ineh Pilik luk pelaba buren.

KEKAMEN RASUL-RASUL 26:7

Idi pulu' dueh pupu kai tebaco kedangan sembayang inan Allah dengan megéi', idi merapet miak ngalap jani' ineh. Idi ngaceku luk inan kai merapet ineh, O Raca' ku, ui ini inadu' lun Yahudi!

KEKAMEN RASUL-RASUL 8:1

Idi Saul mawang niat ku Stepanus ineh pinaté. Bang aco sineh nacing aceh pedereh luk rayeh bang sidang déi' Yerusalim, idi amungdeh nepatad-patad aput bawang Yudia idi Samaria, iamo' rasul-rasul mo' luk ketecan.

SURAT LUK BIRE PAULUS KUAN LUN RUM 1:1

Rat negku Paulus, demulun Yésus Keristus, seburur rasul luk pinili' idi tinawar Allah pad mada' BalaNeh luk Do'.

GALATIA 1:19

Iamo' rasul-rasul luk baken, seburur pana' nateh nepapu'ku iamo' Yakub sebuleng mo' luk kinanak Tuhan ineh.

GALATIA 2:12

Kareb nateh lun luk icuk Yakub nacing, ieh pangeh nekuman dengan lun pupu baken; iamo' kareb ideh nacing, idi ieh neburo idi nenecan nedeh ngaceku matot nelun luk metueh mada' ratnan sunat ineh.

GALATIA 2:9

Kareb ideh pangeh nenier katu luk pangeh biré kuanku ini, idi Yakub, Pétrus, idi Yahya, luk ayuneh mangun ku lun nguyut, nepetabi' nekai dueh Barnabas, mangun ku aceh tanu' perurum, pad kai ini amé' mada' nelun pupu baken, iamo' ideh amé' mada' nelun Yahudi.

BADA' RATNAN UKUM 28:64

“Idi Tuhan miak ngatad nemuyuh arang amung pupu, rat iring tana' macing iring selipa. Idi su ineh muyuh miak sembayang inan allah baken luk inau' ratnan kayuh idi batu, ieh ineh akang, luk na miti muyuh atun, idi luk na miti tepun muyuh pana'.

BADA' RATNAN UKUM 30:3

Idi Tuhan Allah muyuh miak ngeperuan nemuyuh, idi méi' nemuyuh, idi ngelubed nemuyuh rat arang amung pupu su luk inan Tuhan Allah muyuh nengatad nemuyuh.

BADA' RATNAN UKUM 32:26

Ui pian ngaté nedeh amung, pad ideh na miak teruayen lemulun.

BADA' RATNAN UKUM 4:27

Idi Tuhan miak ngatad nemuyuh amé' arang pupu baken, pad inan sesuut mo' rat arang muyuh luk ketecan déi'.

PILIPI 1:1

Rat ni Paulus idi rat ni Timotius, demulun Keristus Yésus — Kuan amung-amung lun manu bang Keristus Yésus déi' bawang Pilipi, idi kuan amung-amung lun matar sidang idi lun ngasa' sidang teh:

2 TIMOTIUS 4:21

Do' nutun macing tungé' kareb nateh meteneb. Ubulus, Pudenus, Linus, Klaudia, idi amung-amung kinanak maré tabi' kuanmu.

TITUS 1:1

Rat ni Paulus, demulun Allah idi rasul Yésus Keristus. Ui pangeh pinili' Allah, idi icuk ngepicet anu pupu Allah luk pinili' idi nguyut nedeh macing inan luk matu, maya' kudeng luk bida' ratnan baya' tau,

1 PETRUS 1:1

Rat ni Pétrus, rasul Yésus Keristus — Kuan amung-amung lemulun luk pinili', ieh ineh lun sakai luk nepatad déi' Pontus, Galatia, Kapadokia, Asia, idi Bitinia.

2 PETRUS 1:1

Rat ni Simun Pétrus, demulun idi rasul Yésus Keristus— Kuan lemulun luk pangeh nengalap anu, luk mepad letep dengan anu kai, ngaceku siri Allah, Tuhan tau, idi Yésus Keristus Lun Nengulun:

YAHUDA 1:1

Rat ni Yahuda, demulun Yésus Keristus, idi kinanak Yakub — Kuan lemulun luk tinawar Allah luk mulun bang awa Allah Taman idi luk inita Yésus Keristus:

BALA LUK LINIO 7:4

Idi ui pangeh bida' ratnan kinula' lemulun luk pangeh itu Allah, ieh ineh 144,000, luk pangeh itu ratnan amung-amung inul lun Israil.