YAHYA 9:7 - BALA LUK DO'

⁷ idi nepebala neneh, “Amé' iko sibaru' déi' bang Takung Siloam!” (Ilung Siloam bang buri' Iberani, ieh ineh “Icuk.”) Idi ieh iné' sibaru', idi nelemubed dengan matehneh nedo.’

YAHYA 9:7 Iomraidhean Croise

NEHEMIA 3:15

Idi Salum Kolosi, lun rayeh bawang Mispa nemudut baruh Tanga' Bued Apba'. Idi ieh nenganau' aponeh, itekneh, idi palinneh. Idi ieh nemudut ar Takung Sila luk bang kabun raca', macing ican batu luk dalan temurun rat Bawang Daud.

NANI UBUR 146:8

idi ngalat mateh lun nebuser, Ieh naped lemulun luk inigu'; Ieh mawa inan pupuNeh luk matu.

PURA' 4:11

Idi kebala Tuhan neneh, “Idéké luk nenganau' tang lemulun? Idéké luk nenganau' lun mebegkeh idi mebengel, nganau' lemulun nier idi mebuser? Ieh ineh Ui ini Tuhan.

YESAYA 32:3

Matehdeh kulat idi laliddeh ninger pad ideh kali' pian pupu ineh.

YESAYA 35:5

Lun mebuser miak nier, idi lun mebengel miak ninger.

YESAYA 42:7

Iko miak ngalat mateh lun luk nebuser, idi muit lemulun rat bang tutup luk medacem.

YESAYA 43:8

Kebala Allah, “Do' nguit pupuKu amé' besara'. Ideh inan mateh, iamo' ideh mebuser; Ideh inan lalid, iamo' ideh mebengel!

YESAYA 8:6

“Ngaceku pupu ini na pian ku Arur Siloa luk melitong, idi ngaceku ideh megegker pa kiung Raca' Resin idi Raca' Peka,

MATIUS 11:5

ieh ineh lun melun mebuser kulat mateh, lun meliai miak nalan, lun mét susud pangeh linigan, lun mebengel ninger, idi lun naté tinui peh, idi Bala luk Do' bida' kuan lun masi'.

LUKAS 13:4

Kudeng apehké pulu' ualuh burur lemulun luk naté neritep ku ruma' luk medita' déi' Siloam ineh? Inanké muyuh ngerawé sala'deh meluun rayeh ratnan sala' amung lemulun luk tudo déi' Yerusalim?

LUKAS 2:32

Ieh ineh aceh acang luk ngelio dalanMu kuan lun pupu baken, idi ngacing rayeh kuan pupuMu Israil.”

YAHYA 10:36

Miakké muyuh ini pebala Ui nguyo Allah, ngaceku Ui ngamo Ui ini Anak Allah? Ui ini luk pinili' idi icuk Allah amé' bang tana' ini.

YAHYA 11:37

Iamo' arangdeh inan luk nepebala, “Ieh negedo' mateh lun mebuser ineh. Ngudehké Ieh na nengedo' ni Lasarus pad ieh na naté?”

YAHYA 9:11

Idi kebalaneh, “Inan selemulun ngadanNeh Yésus nenganau' tana' ineh mesalit, idi nemiid luun matehku idi nepebala, ‘Amé' iko sibaru' déi' Takung Siloam.’ Idi ui pana' iné' sibaru' déi', idi ui miak nier.”

YAHYA 9:39

Idi kebala Yésus, “Ui macing bang tana' ini pad mutut ukum luk matu, pad lemulun luk na nier miak nier, idi lemulun luk nier ineh mangun mebuser.”

KEKAMEN RASUL-RASUL 26:18

Iko miak ngukab matehdeh, pad ideh teketed ratnan dacem idi lumi inan acang, idi ratnan lalud Sétan amé' inan Allah. Idi ngaceku ideh manu Negku, ideh ngalap do' ratnan sala' idi ngalap babpat dengan lun luk pinili' Allah.

SURAT LUK BIRE PAULUS KUAN LUN RUM 8:3

Ukum ineh na miak ngagka' sala', ngaceku pinian burur lemulun luk melaya', iamo' Allah pangeh nengecuk AnakNeh sebuleng dengan ayu lemulun luk mesala' mangun ku baré ngaceku sala' ineh, pad ngukum sala' bang pinian burur.

GALATIA 4:4

Iamo' pangeh karebneh meriput Allah nengecuk AnakNeh luk tinganak ratnan seburur decur idi luk inau' mebeneh pa liang Ukum lun Yahudi,