YAHYA 9:2 - BALA LUK DO'

² Idi anak-anak sekola'Neh nengitun Neneh, keburi'deh, “O Guru, idéké luk nenganau' sala', lemulun iniké kian taman-tinanneh lek, pad ieh mebuser rat bang batek tinanneh?”

YAHYA 9:2 Iomraidhean Croise

PURA' 20:5

Aleg iko ngubur idi tekeradung sembayang ku ineh. Ngaceku Ui Ini Tuhan Allahmu luk temaruh, luk ngua' sala' amung lemulun macing ku anak idi inul luk keteluh idi luk keapat pana' ratnan amung lemulun luk megateh Negku.

MATIUS 16:14

Idi keburi'deh, “Sebuang pebala, Yahya luk Ngerereb; inan teh luk pebala, Elia' inan teh luk pebala, Yeremia, kian, seburur nabi luk baken lek.”

MATIUS 23:7

Idi ideh pian buren lemulun déi' kadai, idi ideh sikal ku lemulun neten nedeh, ‘Guru.’

MATIUS 23:8

Aleg muyuh tetanendeh ‘Guru’, ngaceku sebuleng mo' luk Guru muyuh, idi muyuh amung-amung denganak peh.

LUKAS 13:2

Idi kebala Yésus nedeh, “Inanké muyuh ngerawé idi lun Galilia ini meluun rayeh sala'deh ratnan sala' amung lun Galilia luk baken ineh, ngaceku ideh pinaté kudeng ineh?

YAHYA 4:31

Kareb ineh teh kebala anak-anak sekola' ineh nan Yésus, “O Guru, kuman Iko.”

YAHYA 9:1

Yésus nenalan, idi Ieh nenier selemulun luk nebuser rat bang batek tinanneh.

YAHYA 9:34

Idi ideh nengor balaneh, keburi'deh, “Matu iko ini tinganak bang sala', idi iko sikal mada' nekaiké?” Idi ideh nenala' neneh rat bang ruma' sembayang.

KEKAMEN RASUL-RASUL 28:4

Kareb lun bang bawang ineh nenier menipeh ineh ngawil ticu' Paulus, idi ideh nepebala seburur inan seburur, “Kali' rungen lemulun ini lun ngaté. Iamo' Luk Ngua' ineh na maré neneh mulun, sagan pana' ieh pangeh nepuit ratnan susa' bang abpa' rayeh.”