YAHYA 8:51 - BALA LUK DO'

⁵¹ Matu, Ui pebala nemuyuh, kudeng idé lemulun maya' balaKu, na ieh miak maté.”

YAHYA 8:51 Iomraidhean Croise

NANI UBUR 89:48

Idéké luk miak mulun idi na maté? Kudeng apehké lemulun miak muit bururneh ratnan tanem?

MATIUS 16:28

Ngerawé do'-do', inan sebuang rat arangdeh luk tuped ieni, luk na miak kali' maté, kareb nateh ideh nier Anak-Lemulun macing dengan ImetNeh.”

LUKAS 2:26

Idi Roh Meligan pangeh nengelio kuanneh, ratnan ieh na miak maté kareb nateh ieh nenier Keristus Tuhan ineh.

YAHYA 14:23

Idi kebala Yésus, “Kudeng idé-idé luk mawa Negku, kali' rungen ieh maya' balaKu, idi TamanKu ineh mawa neneh, idi Kai sikal macing neneh idi tudo denganneh.

YAHYA 15:20

Do' muyuh ngerawé bala luk bilaKu nemuyuh, ‘Seburur demulun na meluun rayeh ratnan tuanneh.’ Kudeng ideh nengedereh Negku, kali' rungen ideh ngedereh nemuyuh teh. Kudeng ideh nemaya' balaKu, idi bala muyuh pana' miak béndeh.

YAHYA 17:6

“Ui pangeh nengegala' ngadanMu kuan lemulun bang tana' ini luk biréMu kuanKu. Ideh kuanMu, idi Iko nemaré nedeh kuanKu, idi ideh pangeh nemaya' balaMu.

YAHYA 5:24

“Matu, Ui pebala nemuyuh, lemulun luk ninger balaKu idi manu inan Luk nengecuk Negku, ieh ineh ngalap ulun luk meruked, idi na semuet bang ukum, iamo' ieh pangeh pinuit ratnan até amé' inan ulun.

YAHYA 6:50

Idé-idé luk kuman Ruti luk temurun rat surga, na ieh maté.

YAHYA 8:12

Yésus nemada' nedeh teh, kebalaNeh, “Ui ini Acang Tana'. Idé-idé luk maya' Negku miak ngalap acang luk maré ulun, idi na ieh miak nalan bang dacem.”

YAHYA 8:52

Idi keburi' lun Yahudi Neneh, “Nekini kai kali' idi Iko sinuet ada'. Ibrahim idi amung-amung nabi pangeh naté. Iamo' Iko ini pebala, ‘Kudeng idé lemulun maya' balaKu na ieh miak maté.’

YAHYA 8:55

Muyuh na miti Neneh, iamo' Ui miti Neneh. Kudeng Ui pebala idi na Ui miti Neneh, kali' rungen Ui mepad kudeng muyuh luk mebalih, iamo' Ui miti Neneh, idi Ui maya' balaNeh.

IBERANI 11:5

Ratnan anu Enok na naté. Iamo' ieh kinikit Allah, pad ieh na sinier lemulun, ngaceku ieh kinikit Allah. Idi pangeh inayud, kareb nateh Enok kinikit, ieh nengawang niat Allah.

IBERANI 2:9

Iamo' tau nier Yésus luk segageh inau' sesuut beneh ratnan melaikat ineh, pad dengan katu Allah Ieh miak maté kuan amung lemulun. Tau nier Neneh nekini dengan pata rayeh idi dita' ngaceku até luk pangeh binabehNeh.