YAHYA 8:44 - BALA LUK DO'

⁴⁴ Taman muyuh, ieh ineh Iblis, idi muyuh sikal maya' pian taman muyuh. Rat pun-pun Iblis, ieh ineh lun ngaté, idi na ieh tudo bang luk matu, ngaceku na luk matu bang neneh. Kareb ieh mebalih idi ieh pebala maya' ayuneh sebuleng, ngaceku ieh luk mebalih ineh taman amung-amung balih.

YAHYA 8:44 Iomraidhean Croise

PUDUT 3:15

Idi Ui nganau' aceh bunu' arangmu dengan decur ineh, idi arang inulmu dengan inulneh. Idi Ieh miak ngeradu' uluhmu, idi iko miak nicuk tumidNeh.”

RACA'-RACA' LUK PUN-PUN 22:22

Idi kebala ada' ineh, ‘Ui miak mangun ku ada' luk mebalih bang tang amung nabi Akab ineh.’ Idi Tuhan nepebala, ‘Amé' naluk nedeh. Luk bilamu miak mangun.’

INUL LUK PUN-PUN 21:1

Sétan pian ngesusa' nelun Israil, idi ieh nengubuk ni Daud pelé ieh ngiap kinula' lun Israil.

AYUB 1:11

Iamo' kudeng Iko ngalap amung binawehneh, kali' rungen ieh ngediman Namu.”

MATIUS 12:34

O muyuh menipeh, kudeng apehké muyuh miak pebala luk do', kudeng muyuh sebuleng luk dat? Ngaceku ela ratnan niat lemaba bibir tangneh.

MATIUS 13:15

Ngaceku lemulun ini na mileh ngerawé; laliddeh musam ninger, idi matehdeh medacep. Kudeng na pieh kudeng ineh, ideh nier dengan matehdeh idi ninger dengan laliddeh, idi do' kali' bang niatdeh, idi ideh lumi Negku, kebala Allah, pad Ui miak ngedo' nedeh.’

MATIUS 13:38

Idi lati', ieh ineh pinginud tana' ini. Idi ilung luk do', ieh ineh pinginud anak-anak Imet ineh. Idi budud, ieh ineh pinginud anak-anak Luk Dat ineh;

YAHYA 6:70

Idi kebala Yésus nedeh, “Bakenké Ui nemili' nemuyuh luk pulu' dueh burur ini? Iamo' inan seburur rat arang muyuh luk mangun ku sétan.”

YAHYA 7:17

Kudeng idé lemulun luk sikal nganau' pian Allah, ieh miak kali' ratnan bada' ini, kudeng ratnan Allah punneh, kian, Ui pebala dengan pianKu sebuleng lek.

YAHYA 8:38

Ui pebala ratnan luk bida' TamanKu Negku, iamo' muyuh pana' nganau' luk bida' taman muyuh nemuyuh.”

YAHYA 8:41

Muyuh ini nganau' kekamen taman muyuh.” Idi keburi'deh Neneh, “Baken kai tinganak ratnan sét. Inan sebuleng Taman kai, ieh ineh Allah.”

YAHYA 8:55

Muyuh na miti Neneh, iamo' Ui miti Neneh. Kudeng Ui pebala idi na Ui miti Neneh, kali' rungen Ui mepad kudeng muyuh luk mebalih, iamo' Ui miti Neneh, idi Ui maya' balaNeh.

KEKAMEN RASUL-RASUL 13:10

idi keburi'neh, “O iko luk mepanu' ku amung-amung balih idi luk dat, anak Iblis, bunu' amung-amung luk matu'! Megéi' iko ngekilu' dalan Tuhan luk mesiri!

KEKAMEN RASUL-RASUL 24:9

Lun Yahudi luk idi déi' nengadu' neneh, idi nengamo ratnan amung bala Tertulus ineh matu.

KEKAMEN RASUL-RASUL 5:3

Iamo' kebala Pétrus neneh, “O Ananias, ngudehké Iko nenima' Sétan ngimet niatmu, pad iko mebalih inan Roh Meligan idi nenganug sebuang raga tana' ineh?

2 KORINTUS 11:3

Iamo' ui matot idi mepad kudeng menipeh nenaluk Hawa dengan ilehneh, kudeng ineh teh terawé muyuh miak ruen ngeraruh ratnan siri niat idi ligan luk nguyut amé' inan Keristus.

1 PETRUS 5:8

DO' muyuh ngerawé, idi matar do'-do'! Iblis luk bunu' muyuh ineh, mepad kudeng balang luk ngeku luk nalan-nalan nakap idé luk miak kenenneh.

2 PETRUS 2:4

Allah na méi' kuan melaikat-melaikat luk nenganau' sala', luk tila'Neh bang apui idi kiling bang lubang luk medacem pad Ieh ngacing ukum kuandeh.

1 YAHYA 1:8

Kudeng tau mala netau na sala', idi tau naluk burur tau sebuleng, idi luk matu ineh na luk idi bang netau.

1 YAHYA 2:21

Baken ui ngayud kuan muyuh ngaceku muyuh na kali' luk matu, iamo' ngaceku muyuh kali' ineh, idi ngaceku muyuh kali' na luk idi balih luk remuat ratnan luk matu.

1 YAHYA 2:4

Idi lemulun luk pebala, “Ui miti Neneh,” iamo' na maya' ukum-ukumNeh, idi ieh mangun ku lemulun luk mebalih, idi luk matu ineh na idi bang neneh.

1 YAHYA 3:12

Aleg tau ini mepad kudeng Kain, luk nacing ratnan Luk Dat, idi nengaté kinanakneh. Anunké punneh ieh nengaté neneh? Ngaceku amung-amung kekamen Kain dat, iamo' kekamen kinanakneh ineh matu.

1 YAHYA 3:15

Idé-idé luk megateh inan kinanakneh, ieh ineh selemulun luk ngaté; idi muyuh kali' seburur lemulun luk ngaté na luk idi ulun luk meruked bang neneh.

YAHUDA 1:6

Ngerawé amung-amung melaikat luk nelemaba lakan lalud luk litep kuandeh, idi luk nenecan su luk inandeh tudo. Melaikat-melaikat ineh pange kiling ku kaling luk meruked pa liang tana' bang su luk medacem, pad macing Aco Ngukum luk rayeh ineh.

BALA LUK LINIO 12:9

Galau luk rayeh ineh tila', ieh ineh menipeh luk mengered, luk titen Iblis idi Sétan ineh, luk nenaluk amung uang tana' ini. Ieh pangeh tila' luun tana', idi amung-amung bawehneh pana' pangeh tila' denganneh.

BALA LUK LINIO 13:14

ieh nenaluk amung-amung luk tudo bang tana' ini ku mula' tanu' luk biré kuanneh dengan lalud nganau' amung-amung luk kudeng ineh pa kiung pung ineh. Ieh ngecuk uang tana' ini nganau' akang kuan pung luk pangeh inurat ku pelapet iamo' mulun.

BALA LUK LINIO 2:10

Aleg iko matot ku susa' luk macing namu teh. Siruh, Iblis sikal nuet sebuang muyuh bang tutup, pad muyuh tetunin; idi muyuh miak ngalap dereh teh bang pulu' aco kinioneh. Do' iko lutep pad macing maté, idi Ui miak maré kuanmu pata ulun ineh.

BALA LUK LINIO 21:8

Iamo' kuan lun luk matot, idi lun luk na manu, lun luk melutak, lun luk ngaté, lun luk pasét, lun luk mangun idi sembayang inan akang, idi lun luk mebalih, babpatdeh ineh inan déi' bang takung luk mebudung ku apui idi batu apui, ieh ineh até luk kedueh.”

BALA LUK LINIO 22:15

Iamo' lemulun luk dat, lemulun luk mangun, lemulun luk pasét, lemulun luk ngaté, lemulun luk sembayang inan akang, idi idé-idé luk geregan ku balih idi nganau' luk mebalih, amung-amungdeh ketecan déi' liang.

BALA LUK LINIO 9:11

Idi raca'deh, ieh ineh melaikat lubang luk na miak teriin kidalemneh ineh. Ngadanneh bang buri' lun Iberani, Abadon, idi bang buri Grika, ngadanneh Apolion, (ilungneh “Luk Ngaté”).