YAHYA 8:42 - BALA LUK DO'

⁴² Idi kebala Yésus nedeh, “Kudeng Allah ineh Taman muyuh, kali' rungen muyuh mawa Negku, ngaceku Ui pangeh nacing ratnan Allah, idi nekini Ui idi ieni. Na Ui nacing maya' pianKu sebuleng, iamo' Ieh luk nengecuk Negku.

YAHYA 8:42 Iomraidhean Croise

MALAKI 1:6

Kebala Tuhan luk Melalud kuan lun imam, “Anak ngedita' tamanneh id demulun matot nelun luk kuan neneh. Ui ini taman muyuh, ngudeh muyuh na ngedita' Negku? Ui luk kuan nemuyuh—ngudeh muyuh na matot Negku? Muyuh ngedat Negku, iamo' kebala muyuh, ‘Kudeng apehké kai nengedat Namu?’

YAHYA 1:14

Bala ineh pangeh mangun ku lemulun idi netudo arang tau. Tau pangeh nenier rayehNeh luk mepanu' ku katu idi luk matu. Ieh ineh rayeh luk ilapNeh ngaceku Ieh Anak sebuleng Allah Taman.

YAHYA 12:49

Ngaceku Ui na nepebala maya' pianKu sebuleng, iamo' Taman luk negecuk Negku ineh luk mada' Negku ratnan bala luk belénKu.

YAHYA 13:3

Yésus kali' idi TamanNeh pangeh nemaré luk amung-amung bang paladNeh, idi teh Ieh kali' Ieh nacing ratnan Allah idi muli' amé' inan Allah.

YAHYA 14:10

Naké iko manu idi Ui ini bang Taman, idi Taman pana' bang Negku? Amung-amung bala luk Ui ini mala kuan muyuh, baken Ui pebala dengan pianKu sebuleng, iamo' Taman ineh luk lutep bang Negku, Ieh luk nganau' amung-amung kekamen ineh.

YAHYA 16:30

Nekini kai kali' idi Iko kali' luk amung-amung, idi na ulekneh selemulun ngitun Namu; ngaceku ineh kai manu idi Iko pangeh nacing ratnan Allah.”

YAHYA 17:25

O Ama' luk matu, tana' ini na miti Namu, iamo' Ui ini miti Namu, idi ideh pana' pangeh nekali' ratnan Iko luk nengecuk Negku.

YAHYA 17:8

Ui nemaré kuandeh bala luk bilaMu Negku, idi ideh pangeh nengalap ineh. Ideh nekali' dengan matu idi Ui nacing rat Namu. Idi teh ideh manu ratnan Iko luk nengecuk Negku.

YAHYA 3:17

Ngaceku Allah nan nengecuk AnakNeh amé' bang tana' ini pad ngukum tana' ini, iamo' pad tana' ini miak uen ngulun ngaceku Ieh.

YAHYA 5:23

pad amung-amung lemulun miak gedita' Anak ineh mepad kudeng ideh ngedita' Taman ineh mepad kudeng ideh ngedita' Taman ineh teh. Lemulun luk na ngedita' Anak ineh, idi ieh pana' na ngedita' Taman luk nengecuk Neneh.

YAHYA 5:43

Ui ini macing dengan ngadan TamanKu, iamo' muyuh na ngalap Negku; kudeng selemulun baken macing dengan ngadanneh sebuleng, kali' rungen muyuh ngalap neneh.

YAHYA 8:14

Idi kebala Yésus, “Sagan pana' Ui maré kali' ratnan bururKu sebuleng, matu teh luk nekali'Ku ineh, ngaceku Ui kali' rat iapeh Ui nacing idi iapeh ulekKu, iamo' muyuh ini ka kali' rat iapeh Ui nacing idi iapeh ulekKu.

1 KORINTUS 16:22

Kudeng idé lemulun luk na mawa inan Tuhan ineh, nima' neneh uen ngediman. Maranata! (ilungneh, O Tuhan, amé' dengan mesaget!)

GALATIA 4:4

Iamo' pangeh karebneh meriput Allah nengecuk AnakNeh luk tinganak ratnan seburur decur idi luk inau' mebeneh pa liang Ukum lun Yahudi,

1 YAHYA 4:14

Kai pangeh nenier, idi maré kali', ratnan Taman ineh pangeh nengecuk AnakNeh mangun ku Lun Nengulun tana' ini.

1 YAHYA 5:20

Tau kali' Anak Allah pangeh nacing idi pangeh nemaré ileh kuan tau pad tau miak ngiti Allah luk matu; idi tau ini idi bang Allah luk matu, ieh ineh bang AnakNeh, Yésus Keristus. Idi Ieh ineh Allah luk matu, idi ieh ineh ulun luk meruked.

BALA LUK LINIO 22:1

Melaikat ineh nemada' sirenku aceh bued abpa' luk panu' ku abpa' luk mulun, mesor mepad kudeng gelas luk pelaba' do', luk manud remuat ratnan kerusi Allah idi Anak Dumba ineh.