YAHYA 8:41 - BALA LUK DO'

⁴¹ Muyuh ini nganau' kekamen taman muyuh.” Idi keburi'deh Neneh, “Baken kai tinganak ratnan sét. Inan sebuleng Taman kai, ieh ineh Allah.”

YAHYA 8:41 Iomraidhean Croise

PURA' 4:22

Do' iko pebala ni raca', ‘Kudeng ini bala Tuhan, Israil, ieh ineh anakKu seluk rayeh.

YESAYA 63:16

Iko ineh taman kai. Tepun kai Ibrahim idi Yakub pana' na miak ngedengan nekai. O Tuhan, Iko ineh Taman kai. Iko mo' sebuleng luk megéi' muit nekai.

YESAYA 64:8

Iamo' Iko ineh Taman kai, O Tuhan. Kai mepad kudeng tana' salit, idi Iko ineh mepad kudeng lun luk nganau' kuden. Iko nemudut nekai.

YEREMIA 3:19

Kebala Tuhan, “O Israil, Ui pangeh nengerawé namu mangun ku anakKu, pad Ui miak maré tana' luk do' kuanmu, luk meluun do' bang tana' ini. Ui nengerawé iko neten Negku Tamanmu idi na lemubed rat Negku baruh peh.

YEREMIA 31:20

“O Israil, iko anak luk inanKu mawa idi luk inanKu méi'. Kareb Ui neten ngadanmu, niatKu sigio ngerawé namu. Ui miak méi' namu, Ui ini Tuhan pangeh nepebala.

HOSIA 1:2

Kareb Tuhan pun-pun pebala nelun Israil dengan tang Hosia, idi kebalaNeh neneh, “Pupu bang bawang ini na lutep Negku idi ideh sembayang inan allah baken. Ngaceku ineh do' iko ngaweh aceh decur luk na lutep namu muci; pad iko inan anak rat neneh.”

MALAKI 1:6

Kebala Tuhan luk Melalud kuan lun imam, “Anak ngedita' tamanneh id demulun matot nelun luk kuan neneh. Ui ini taman muyuh, ngudeh muyuh na ngedita' Negku? Ui luk kuan nemuyuh—ngudeh muyuh na matot Negku? Muyuh ngedat Negku, iamo' kebala muyuh, ‘Kudeng apehké kai nengedat Namu?’

MALAKI 2:11

Lun Yahuda na nemaya' jani'deh inan Allah, idi ideh nenganau' kekamen luk dat bang bawang Israil idi déi' Yerusalim. Ideh pangeh nengelutak Ruma' Allah luk inan Tuhan mawa. Deléideh nengaweh decur pupu luk sembayang inan akang.

YAHYA 8:38

Ui pebala ratnan luk bida' TamanKu Negku, iamo' muyuh pana' nganau' luk bida' taman muyuh nemuyuh.”

YAHYA 8:44

Taman muyuh, ieh ineh Iblis, idi muyuh sikal maya' pian taman muyuh. Rat pun-pun Iblis, ieh ineh lun ngaté, idi na ieh tudo bang luk matu, ngaceku na luk matu bang neneh. Kareb ieh mebalih idi ieh pebala maya' ayuneh sebuleng, ngaceku ieh luk mebalih ineh taman amung-amung balih.

BADA' RATNAN UKUM 14:1

“Muyuh ineh anak-anak Tuhan Allah muyuh. Ngaceku ineh aleg muyuh ngurat burur muyuh, idi mingit buluh madu' muyuh kareb inan lun luk maté.

BADA' RATNAN UKUM 32:6

Kudeng inehké ua' muyuh inan Tuhan, O muyuh pupu luk mebacé idi meruden? Ieh ineh taman muyuh luk nemudut nemuyuh, luk nenganau' nemuyuh idi nengeletep nemuyuh.

1 YAHYA 3:12

Aleg tau ini mepad kudeng Kain, luk nacing ratnan Luk Dat, idi nengaté kinanakneh. Anunké punneh ieh nengaté neneh? Ngaceku amung-amung kekamen Kain dat, iamo' kekamen kinanakneh ineh matu.