YAHYA 8:12 - BALA LUK DO'

¹² Yésus nemada' nedeh teh, kebalaNeh, “Ui ini Acang Tana'. Idé-idé luk maya' Negku miak ngalap acang luk maré ulun, idi na ieh miak nalan bang dacem.”

YAHYA 8:12 Iomraidhean Croise

AYUB 33:28

Ieh nengimet negku, pad ui na amé' su luk inan até, pad ui mulun teh.”

NANI UBUR 18:28

Tuhan nutud lapungku, pad dacemku buro.

NANI UBUR 49:19

ieh mepamung dengan tepunneh bang até, su luk inan dacem ruked-ruked.

NANI UBUR 97:11

Acang ngacang lemulun luk matu, idi awang niat ngacang lemulun luk do'.

YESAYA 49:6

Kebala Tuhan Negku, “O DemulunKu, Ui inan kekamen luk meluun rayeh kuanMu. Baken Iko nguli' pupu Yakub, idi inul Israil mo'. Iamo' Ui nganau' Namu ku acang amung pupu, pelé Iko ngacing ulun bang aput tana'.”

YESAYA 50:10

O lun muyuh luk matot nan Tuhan, idi luk maya' bala DemulunNeh — Kareb muyuh maya' dalan luk medacem, do' manu inan Tuhan idi merapet inan Allah muyuh.

YESAYA 9:2

Lemulun luk tudo bang dacem pangeh nekali' acang luk rayeh! Ideh tudo bang bawang luk melungung, iamo' nekini acang merasat luundeh.

HOSIA 6:3

Do' tau nutun ngiti Tuhan. Kali' rungen Ieh amé' netau mepad kudeng aco masat. Ieh miak amé' netau mepad kudeng udan luk mubpur tibu-tibu kareb nibu.

MALAKI 4:2

Iamo' kuan muyuh luk na maya' Negku, Ui miak maré laludKu luk ngulun, merasat luun muyuh mepad kudeng aco, pad ngedo' nemuyuh. Muyuh miak mepuit idi mawang niat, mepad kudeng anak sapi' luk rinuat rat bang libungdeh.

MATIUS 5:14

“Muyuh ini mepad kudeng acang tana'. Aceh bawang luk luun pegkung na miak melinged.

LUKAS 2:32

Ieh ineh aceh acang luk ngelio dalanMu kuan lun pupu baken, idi ngacing rayeh kuan pupuMu Israil.”

YAHYA 12:35

Idi kebala Yésus nedeh, “Acang ineh idi arang muyuh segageh mo'. Do' muyuh nalan kareb acang ineh idi arang muyuh, pad dacem na ngili nemuyuh. Lemulun luk nalan bang dacem, na ieh kali' iapeh luk suetneh.

YAHYA 12:36

Do' manu ku acang ineh, kareb acang ineh idi arang muyuh, pad muyuh mangun ku anak acang. Pangeh Yésus nepebala kudeng ineh idi Ieh neburo idi sigapung nedeh.

YAHYA 12:46

Ui ini nacing bang tana' ini mangun ku acang, pad idé-idé luk manu Negku na tudo bang dacem.

YAHYA 14:6

Keburi' Yésus neneh, “Ui ini dalan idi Luk Matu idi Ulun. Seburur pana' na macing inan Taman, kudeng na ratnan Negku.

YAHYA 3:19

Idi ini ukum ineh: acang pangeh nacing bang tana' ini, iamo' lemulun meluun sikal ku dacem ratnan acang ineh, ngaceku kekamendeh dat.

YAHYA 7:17

Kudeng idé lemulun luk sikal nganau' pian Allah, ieh miak kali' ratnan bada' ini, kudeng ratnan Allah punneh, kian, Ui pebala dengan pianKu sebuleng lek.

YAHYA 9:5

Ruked Ui bang tana' ini, Ui ini Acang Tana'.”

KEKAMEN RASUL-RASUL 13:47

Ngaceku kudeng ineh Tuhan nengecuk nekai, kebalaNeh, ‘Ui nganau' Namu ku aceh acang kuan lun pupu baken, pad ngacing dalan ulun kuan amung uang tana' ini.’ ”

KEKAMEN RASUL-RASUL 26:23

ieh ineh ratnan Keristus na miak na medereh, pad Ieh luk pun-pun tumui rat arang lun naté, pelé Ieh mada' acang kuan ulun lun Yahudi idi kuan lun pupu baken pana'.”

2 PETRUS 2:17

Lemulun ineh mepad kudeng bued abpa' luk nekeket idi laput luk pinalid ku bui. Idi dacem luk pingot-pingot pangeh tinina' Allah kuandeh.

2 PETRUS 2:4

Allah na méi' kuan melaikat-melaikat luk nenganau' sala', luk tila'Neh bang apui idi kiling bang lubang luk medacem pad Ieh ngacing ukum kuandeh.

1 YAHYA 1:6

Kudeng tau pebala tau perurum Neneh, iamo' nalan bang dacem, tau mebalih idi na nganau' luk matu.

YAHUDA 1:13

mepad kudeng ribut, luk bang abpa' rayeh, idi kekamendeh luk inan migu' mepad kudeng lapa'. Ideh mepad kudeng gituen luk nalan, idi kuan lemulun ineh dacem luk pingot-pingot pangeh tinina' macing ruked-ruked.

YAHUDA 1:6

Ngerawé amung-amung melaikat luk nelemaba lakan lalud luk litep kuandeh, idi luk nenecan su luk inandeh tudo. Melaikat-melaikat ineh pange kiling ku kaling luk meruked pa liang tana' bang su luk medacem, pad macing Aco Ngukum luk rayeh ineh.

BALA LUK LINIO 21:24

Idi pupu-pupu pana' miak nalan bang acangneh, idi raca'-raca' bang tana' ini nguit do'deh amé' bang bawang ineh.