YAHYA 7:3 - BALA LUK DO'

³ Idi kebala kinanak-kinanakNeh Neneh, “Nalan rat ieni, idi amé' tana' Yudia, pad anak-anak sekola'Mu miak nier amung-amung kekamen luk ruenMu.

YAHYA 7:3 Iomraidhean Croise

PUDUT 37:20

Idi nekini do' tau amé' ngaté neneh idi nala' neneh bang subuk ini. Idi tau miak pebala ieh pangeh kinan aceh pung luk mesangit. Idi pangeh ineh tau miak nier kudeng apeh nupineh ineh mangun.”

YEREMIA 12:6

Kinanakmu luk bang tetek ruma'mu sebuleng pangeh nemasui namu; ideh pangeh perurum dengan bunu'mu. Sagan tu pana' baladeh do', aleg iko merapet nedeh.”

MATIUS 12:46

Uned Yésus pebala nelun mula', tinanNeh idi kinanak-kinanakNeh netuped déi' liang ruma', sikal pebala Neneh.

MARKUS 3:21

Kareb bala ineh pangeh nekali' lun bang ruma' Yésus, idi ideh pian amé' ngalap Neneh muli' ngaceku lemulun mala', “Ieh meruden!”

MARKUS 3:31

Pangeh ineh tinan ésus idi kinanak-kinanakNeh nacing Neneh. Ideh netuped déi' liang idi nengecuk lemulun nawar Neneh.

LUKAS 8:19

Tinan idi kinanak-kinanak Yésus pian amé' matun Neneh, iamo' na ideh miak amé' muneng Neneh ngaceku pelaba ula' lemulun.

LUKAS 8:20

Kebala seburur lemulun Neneh, “Tinan idi kinanak-kinanakMu tuped déi' liang sikal papu' Namu.”

YAHYA 2:2

Yésus idi anak-anak sekola'Neh pana' tinawar amé' ku irau paweh ineh.

YAHYA 6:60

Mula' Anak sekola'Neh neninger bala ineh kudeng ini, idi kebaladeh, “Mikat kali' ilung bala ini. Idéké luk miak ninger ineh?”

YAHYA 6:66

Ngaceku ineh mula' anak sekola'Neh nelemubed, idi na nemaya' Neneh teh.

YAHYA 7:10

Pangeh kinanak-kinanakNeh iné' ku irau ineh, idi Yésus iné' teh. Iamo' na Ieh nesibada'. Ieh iné' lulem.

YAHYA 7:4

Seburur pana' na miak nganau' anun-anun dengan lulem kudeng ieh sebuleng sikal buren. Kudeng Iko nganau' kekamen ineh, ngegala' bururMu kuan uang tana' ini!”

YAHYA 7:5

Kinanak-kinanakNeh pana' nateh manu Neneh.

KEKAMEN RASUL-RASUL 2:14

Idi Pétrus netuped dengan pulu' aceh rasul luk baken idi nemada' nelun mula' dengan rayeh bala, kebalaneh, “O lun Yahudi idi amung muyuh luk tudo déi' Yerusalim, ninger balaku ini idi nima' negku ngelio ilung ini.

SEMUIL LUK PUN-PUN 17:28

Idi Eliab, kinanak Daud luk rayeh neninger luk bilaneh kuan lun luk mula' ineh. Idi ieh megateh ni Daud, kebalaneh, “Ngudeh iko amé' tungé? Ticanmu nidé dumba luk bang laman di? Ngaceku ui kali' kuu'mu idi niatmu luk dat. Inan peh iko iné' tungé' sikal nier bunu mo'.”